DANIEL 4:1 - Hakcipta - Biatah Bidayuh

¹ Raja Nebuchadnezzar pait pinganang ati ka bara daya so barang bangsa, kaum, ngga piminyu di ndi ong ong: “Tabi!

DANIEL 4:1 ပူးပေါင်းရင်းမြစ်များ

1 KRONIKEL 12:18

Roh Tapa nguasa ndi naan so ngara, Amasai, adi ripas anŭ jadi pingubak “Ngara adi Taruh Puru”, ka ayŭh nang, “David anak Jesse, kieh ati pinunda mai! Kieh mite kaam ngga ngara adi turung kaam mujur! Tapa agi parad ka kaam.” David trima ngara ka bada ngara jadi pingubak di bara tibaran soldadu-i.

EZRA 4:17

Raja pait pinyinam-i ati: “Ka Rehum, adi gabenor, ka Shimshai, adi tukang pinuris utung rais, ngga bara dingan-pekat ngara adi rŭŭ di Samaria ka di tarun bŭkŭn di Euphrates Barat, tabi.

EZRA 5:7

“Nuju Raja Darius, isa-i kaam mritah darŭm damai.

ESTHER 3:12

Jadi di andu adi simŭng taruh darŭm sibungas buran, Haman bagan tukang pinuris raja ka kidaan pinganang ukum so raja adi-i bada ayŭh mindai ka darŭm barang piminyu ngga barang turis adi dog pakai darŭm empaya ka bada-i dog pait ka sopŭrŭg pimritah, bara gabenor, ngga bara pinurung. Pinganang ukum anŭ dog piruah pakai dŭn Raja Xerxes ka dog nandā ngga chop sisin-i dieh.

ESTHER 8:9

Kayuh anŭ jadi simŭnŭ di andu 23 darŭm buran adi taruh, buran Sivan. Mordecai bagan bara pinuris raja ka nggen pinganang adi ngara nuris ka pait ka bara daya Jahudi, ka bara gabenor, ka bara pingubak adi ngatur kraja, ka bara pinurung darŭm 127 utung rais so India ndŭg Ethiopia.

DANIEL 3:29

“Ka madin aku mritah asi asi so tadŭ tadŭ bangsa, kaum, bait piminyu adi minyu rawan Tapa Shadrach, Meshach, ka Abednego, daya anŭ an dog matŭd kaja tangan-i, ka ramin-i an dog nyirubuh bada jadi tugung rakang tibawang. Mating tapa bŭkŭn adi tungang nyiramat mun ati.”

DANIEL 3:4

ndi naan daya adi mbŭh dog tijuan minyu ngga sirŭŭn bana, “Bara daya so barang bangsa, kaum, ngga piminyu!

DANIEL 6:25

Komŭnŭ Raja Darius nuris surat ka pait ka bara daya so barang bangsa, kaum, ngga piminyu di ong: “Tabi!

DANIEL 6:27

Ayŭh nyiramat ka pirupas; Ayŭh ndai pingandai saruh ngga pingandai-nginga di shorga ngga di ong. Ayŭh nyiramat Daniel so dog man singah.”

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

ZECHARIAH 8:23

Di tipuh anŭ simŭng naan daya tami re mandŭg ka ndi naan daya Jahudi ka nang, ‘Kieh raan sua dog nyiberkat ngga angān sabab kieh mbŭh dingah Tapa agi ngga angān.’ ”

PINGANDAI 2:6

Kan ngara dingah jawŭn anŭ, bara daya bagŭ tikuruk. Sopŭrŭg ngara mbŭh gŭgŭh sabab sopŭrŭg ngara dingah bara adi sabah minyu darŭm piminyu adŭp ngara.

ROME 1:7

Ngapŭi madin aku nuris ka angān adi di Rome, adi Tapa rindu ka mbŭh bagan da jadi daya-I: Isa-i Tapa Sama ta ngga Tuhan ta Jesus Kristus nggen di angān pinyirasi-mandis ngga damai.

EPHESUS 1:2

Isa-i Tapa adi Sama ta ngga Tuhan ta Jesus Kristus nggen di angān pinyirasi-mandis ngga damai.

1 TIMOTHY 1:2

nuju Timothy, anak ku adi sawŭ darŭm pinyabah: Isa-i Tapa Sama ngga Kristus Jesus Tuhan ta nggen di kuu pinyirasi-mandis, masi, ka damai.

1 PETER 1:2

Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.