DANIEL 3:29 - Hakcipta - Biatah Bidayuh

²⁹ “Ka madin aku mritah asi asi so tadŭ tadŭ bangsa, kaum, bait piminyu adi minyu rawan Tapa Shadrach, Meshach, ka Abednego, daya anŭ an dog matŭd kaja tangan-i, ka ramin-i an dog nyirubuh bada jadi tugung rakang tibawang. Mating tapa bŭkŭn adi tungang nyiramat mun ati.”

DANIEL 3:29 ပူးပေါင်းရင်းမြစ်များ

2 RAJA 10:27

Jadi ngara pirusak uros pirapu' samŭn bari-sambah anŭ, ka bada-i jadi bandong — adi babŭ ndŭg andu ati.

EZRA 6:11

Aku gŭh pesan angān nang kambŭi agi daya nyibireu ukum ati, parang kayuh re dog nyirakang so ramin ngara, ka re dog pirasing tŭbŭn-i di ndi parad, ka re ngga tabŭk bada birambus pŭrŭng-i. Ka ramin-i re jadi tugung sapok.

MAZMUR 3:8

Pimanang mandŭg so TUHAN — isa-i Ayŭh nyiberkat bara daya-I.

MAZMUR 76:10

Baji manusia batur-i bada puji ka Kaam bitambah; ngara adi dŭh kabŭs darŭm perang re sita gawai Mai.

DANIEL 1:19

Raja minyu ngga sopŭrŭg ngara, ka Daniel, Hananiah, Mishael, ngga Azariah adi rabis pimunos asŭng raja so ngara adi bŭkŭn. Jadi ngara dog bada nyiraja di istana raja.

DANIEL 1:7

Pingubak pinguru anŭ nggen di ngara dŭn adi bauh: Belteshazzar, Shadrach, Meshach, ka Abednego.

DANIEL 2:17

Komŭnŭ Daniel maad ka kidaan di jerā-i Hananiah, Mishael, ka Azariah kayuh adi mbŭh jadi.

DANIEL 2:47

Raja nang, “Tapa mu inŭh adi siabo bās so sopŭrŭg tapa, Tuhan di tunduh raja raja, ka adi pinandŭng rusia. Aku puan, sabab kuu tungang kidaan rati rusia anŭ.”

DANIEL 2:49

So pimite Daniel raja tijuan Shadrach, Meshach, ngga Abednego bada tukang nguasa kraja pingandai di utung tarun tana rais Babylon; Adŭp Daniel rŭŭ di istana raja ka nyiraja diginŭ.

DANIEL 2:5

Raja nang di ngara, “Aku mbŭh ndai pikir ku. Angān dŭh siŭn dŭh kidaan ani pŭmŭh anŭ samŭn rati-i di aku. Kambŭi angān dŭh tungang, aku re kapŭg kaja tangan ngan ka nyirubuh ramin ngan bada jadi tugung rakang tibawang.

DANIEL 3:12

Daya daya Jahudi adi kaam mbŭh tijuan bada tukang nguasa utung tarun tana rais Babylon — Shadrach, Meshach, ngga Abednego — adi nyibireu pinganang Tuan Raja. Ngara dŭh nyambah tapa mai bait mutu ubak ngara ka patong adi kaam mbŭh pijog.”

DANIEL 3:15

Madin, kan angān dingah jawŭn trompet, tanduk, gambus, zithers, kachapi, ngga sopŭrŭg pingakas musik adi bŭkŭn, mutu ubak ngan ka nyambah patong anŭ. Kambŭi angān dŭh, angān re rasu dog taran ka darŭm buwang apui adi bijagu apui dieh. Angān pikir agi tapa adi re tungang nyiramat angān kah?”

DANIEL 3:17

Kambŭi Tapa adi yŭn ami bituan dapŭd nyiramat kieh so buwang apui adi bijagu apui dieh ka so kuasa mai, Ayŭh dŭh re dŭh nyiramat kieh.

DANIEL 3:28

Raja nang, “Puji ka Tapa Shadrach, Meshach, ka Abednego! Ayŭh mbŭh pait malaikat-I ka mbŭh nyiramat ngara ati adi bituan ka sabah di adŭp-I. Ngara nyibireu pinganang ku ka dŭm tadŭ re ruban asŭng dŭh an mutu ubak ngara nyambah tadŭ tadŭ tapa adŭ-i Tapa adŭp ngara.

DANIEL 6:28

Daniel mujur di jaman pinyipritah Darius ngga di jaman pinyipritah Cyrus daya Persia anŭ.

DITRONOMI 32:31

Pinganyu ngara puan nang tapa adŭp ngara ramah, dŭh bikuasa mun Tapa Israel.