DANIEL 3:28 - Hakcipta - Biatah Bidayuh

²⁸ Raja nang, “Puji ka Tapa Shadrach, Meshach, ka Abednego! Ayŭh mbŭh pait malaikat-I ka mbŭh nyiramat ngara ati adi bituan ka sabah di adŭp-I. Ngara nyibireu pinganang ku ka dŭm tadŭ re ruban asŭng dŭh an mutu ubak ngara nyambah tadŭ tadŭ tapa adŭ-i Tapa adŭp ngara.

DANIEL 3:28 ပူးပေါင်းရင်းမြစ်များ

TIBIRIK 9:26

Nggen puji di TUHAN, adi Tapa Shem! Canaan re jadi urun Shem.

1 KRONIKEL 5:20

Ngara na pinyabah ngara di Tapa ka bidua mite turung so Ayŭh, ka Tapa nam dua ngara ka bada ngara manang rawan daya Hagri samŭn pambit ngara.

2 KRONIKEL 20:20

Awar isan isan andu jawa ndi bara daya ruah di ka tarun tana-pajam sindŭk Tekoa. Darŭm ngara matak, Jehoshaphat minyu di ngara ngga pinganang sakati: “Daya Judah ngga Jerusalem! Na pinyabah ngan di TUHAN adi Tapa ngan, ka Ayŭh re turung angān. Sabah kayuh adi bara nabi-I mbŭh kidaan di angān, ka angān re mujur di pingandai ngan.”

2 KRONIKEL 32:21

Komŭnŭ TUHAN pait ndi naan malaikat adi siŭ bara soldadu ngga pingubak pingubak bara tibaran soldadu Assyria. Ka raja-empaya pari ka Assyria mangŭh. Ndi andu kan ayŭh di ramin-sambah tapa-i, kada so bara anak dari-i siŭ ayŭh ngga pedang.

EZRA 1:3

Isa-i Tapa agi ngga angān adi daya-I. Angān an di ka Jerusalem ka pari pijog Ramin TUHAN, adi Tapa Israel, Tapa adi dog nyambah di Jerusalem.

EZRA 6:11

Aku gŭh pesan angān nang kambŭi agi daya nyibireu ukum ati, parang kayuh re dog nyirakang so ramin ngara, ka re dog pirasing tŭbŭn-i di ndi parad, ka re ngga tabŭk bada birambus pŭrŭng-i. Ka ramin-i re jadi tugung sapok.

MAZMUR 103:20

Muji meh TUHAN, angān malaikat adi bake ngga adi bikuasa, adi tunda pinyipesan-I, adi dingah pinganang-I,

MAZMUR 147:11

pak Ayŭh rindu ngara adi stabi di Ayŭh, ngara adi sabah di pinyirindu-I adi dŭh bisa birubah.

MAZMUR 33:18

TUHAN nyibatŭh ngara adi dingah pinganang-I, ngara adi sabah di pinyirindu-I adi dŭh bisa birubah.

MAZMUR 33:21

Ata gaŭn sabab Ayŭh; ata sabah di adŭn kudus-I.

MAZMUR 34:22

TUHAN re nyiramat daya-I; ngara adi di ka yŭn-I yŭn pinyigrindung re siramat.

MAZMUR 62:8

Ari sabah di Tapa, daya ku. Kidaan di Ayŭh sopŭrŭg pinyusah ngan, amai Ayŭh inŭh adi grindung aku.

PINYIRUAH 20:5

Dŭhnyah mutu ubak ngan ka tadŭ tadŭ tibudo puan kah nyambah-i, sabab Aku ati TUHAN adi Tapa ngan, ka Aku dŭh raan dog nyambah samah ngga tapa bŭkŭn. Aku ngukum sinadan daya adi tiru di Aku samŭn sesang sesang ngara ndŭg turap adi taruh ngga turap adi pat.

ISAIAH 12:2

Tapa inŭh pinyikudip ku; aku re sabah di Ayŭh ka dŭh re taru. TUHAN nggen di aku kuasa ngga pinyibake; Ayŭh inŭh pinyikudip ku.

ISAIAH 37:36

Malaikat TUHAN di ka tarun yŭn bara daya Assyria bibari ka siŭ 185,000 naan soldadu. Ngga isan isan andu jawa ndi ngara mbŭh abo kabŭs!

ISAIAH 50:10

Sopŭrŭg ngan adi stabi di TUHAN adi dingah pinganang urun-I, aran adi angān kadŭg kadŭ-i karŭm patŭ', pak sabah di TUHAN, bisangan di Tapa ngan.

DANIEL 2:47

Raja nang, “Tapa mu inŭh adi siabo bās so sopŭrŭg tapa, Tuhan di tunduh raja raja, ka adi pinandŭng rusia. Aku puan, sabab kuu tungang kidaan rati rusia anŭ.”

DANIEL 3:25

“Ka mani ata kiris pat naan daya bijaruh di darŭm apui anŭ?” ayŭh siken. “Ngara dŭh dog mŭŭng, ka ngara dŭh gŭh kinaman — ka ndi naan so ngara adi pat anŭ mun malaikat.”

DANIEL 4:34

“Kan ju sawa anŭ mbŭh ripuan,” raja nang, “aku nyigura ka rangit, ka pikir-kira ku pari mun adi dawŭ-i. Aku muji Tapa adi Siabo Bigatung ka nggen stabi ngga bragah di Ayŭh adi udip ndŭg situi tui. “Ayŭh re mritah ndŭg situi tui, ka pritah-I re tan adu adu.

DANIEL 6:16

Jadi raja nggen ukum bada Daniel dog nakap, ka ayŭh dog taran ka darŭm rubang singah. Ayŭh nang di Daniel, “Isa-i Tapa mu, adi yŭn mu bituan ngga siabo asŭng mu, nyiramat kuu.”

DANIEL 6:26

Aku pesan di ndi tarun tana empaya ku nang sopŭrŭg daya patut taru ka stabi di Tapa Daniel. “Ayŭh inŭh Tapa adi udip, ka Ayŭh re mritah ndŭg situi tui. Pritah-I dŭh re tungang dog nyirubuh, ka kuasa-I dŭh re mungan.

MATTHEW 4:10

Ka Jesus nam, “Bu, Shetan! Surat-kudus nang, ‘Nyambah Tuhan adi Tapa mu ka bituan di Ayŭh adŭ!’ ”

PINGANDAI 4:19

Pak Peter ngga John nam, “Adŭp ngan bisa puan aki ndi batur di batŭh Tapa: tunda pinyiraan ngan kah tunda pinyiraan Tapa.

PINGANDAI 5:19

Pak ngarŭm anŭ, malaikat Tuhan kuka tiban ramin jer ka piruah ngara. Malaikat anŭ nang,

ROME 12:1

Bara dingan ku, sabab masi bās Tapa aku mite angān jugan adŭp ngan ka Tapa nimun sadis adi udip, bisig buang munos-I kiris. Anŭ inŭh aran adi batur ngga ta bituan di Ayŭh.

1 CORINTH 13:3

Aku nggen bait kani sopŭrŭg kayuh adi aku biyŭn, ndŭg ka nggen pŭrŭng ku yŭn dog badang ani, pak kambŭi aku dŭh biyŭn pinyirindu, kayuh anŭ mating pinyikana-i di aku.

PHILIPPI 1:20

Kayuh adi ruai ku raan buang harap inŭh aku dŭh re ramah darŭm kraja ku, pak di barang tipuh-i, rabis-i madin, aku re biyŭn atin pagan, isa ngga pimudip ku ati aku bisa taban stabi ka Kristus, bait-i aku udip puan kah kabŭs.

HEBREW 1:14

Ani bara malaikat? Ngara anŭ roh adi bituan di Tapa, adi-I pait da turung sinadan daya adi re kambat pinyiramat.

HEBREW 11:37

Ngara dog manjan ngga batuh ndŭg kabŭs, ngara dog kapŭg nyinuwŭh ngga grigaji, ngara dog siŭ ngga pedang. Ngara panu nēn anyit biri puan kah anyit kambing. Ngara sirata, dog kisiis, ka dog kinanyuh.

1 PETER 1:21

So Ayŭh angān sabah di Tapa, adi pakat Ayŭh so kabŭs ka nggen bragah di Ayŭh; ngapŭi madin angān sabah di Tapa ka harap di Ayŭh ngga sipuno-i.

PINANDŬNG 12:11

Bara dingan ta manang rawan ayŭh da deya Anak Biri ka da agah so Tapa adi ngara piagah. Ngara sanggup ruban asŭng-i.