DANIEL 3:17 - Hakcipta - Biatah Bidayuh

¹⁷ Kambŭi Tapa adi yŭn ami bituan dapŭd nyiramat kieh so buwang apui adi bijagu apui dieh ka so kuasa mai, Ayŭh dŭh re dŭh nyiramat kieh.

DANIEL 3:17 ပူးပေါင်းရင်းမြစ်များ

TIBIRIK 17:1

Kan Abram mbŭh prii puru-prii sawa umbur-i, TUHAN pinandŭng adŭp-i di ayŭh ka nang, “Aku ati Tapa Bisa-pŭrŭg. Nundok di Aku ka ndai kayuh adi batur.

TIBIRIK 18:14

Paŭh mbar kah kayuh di TUHAN? Nimun adi muko Aku nang, prii buran so madin Aku re mandŭg dinge, ka Sarah re biyŭn ndi anak dari.”

JOB 34:29

Kambŭi Tapa natu re dŭh ndai ani ani, mating daya dapŭd ngamun Ayŭh. Kambŭi Ayŭh sukan jawin-I, ata re dŭh bigaya.

JOB 5:19

Ayŭh taŭn mbŭh sidia an grindung kuu so dog pinyusah;

MAZMUR 115:3

Tapa ami agi di shorga; Ayŭh ndai tadŭ tadŭ kayuh nanyam pinyiraan adŭp-I.

MAZMUR 37:39

TUHAN nyiramat daya tŭnggŭn ka grindung ngara di tipuh pito.

MAZMUR 37:40

Ayŭh turung ngara ka pirupas ngara; Ayŭh nyiramat ngara so daya adi ginaka, sabab ngara tudu Ayŭh yŭn pinyigrindung.

MAZMUR 73:20

Ngara keya ka pŭmŭh adi miyap isan isan; kan Kaam makat, O TUHAN, ngara miyap.

ISAIAH 12:2

Tapa inŭh pinyikudip ku; aku re sabah di Ayŭh ka dŭh re taru. TUHAN nggen di aku kuasa ngga pinyibake; Ayŭh inŭh pinyikudip ku.

ISAIAH 54:14

Pinyitŭnggŭn ngga udip tŭnggŭn re nyibake kuu. Kuu re siramat so dog kinanyuh ka so pinyiganas.

JEREMIAH 1:8

Dŭhnyah taru ngara, amai Aku re agi ngga kuu ka grindung kuu. Aku, adi TUHAN, mbŭh minyu!”

JEREMIAH 15:20

Aku re bada kuu keya ka sindung agŭh timaga di ngara. Ngara re rawan kuu, pak ngara dŭh re tungang ngarah kuu. Aku re agi ngga kuu an grindung ka nyiramat kuu.

JEREMIAH 15:21

Aku re nyiramat kuu so kuasa daya adi ginaka ngga adi ganas. Aku, adi TUHAN, mbŭh minyu.”

DANIEL 3:26

Jadi Nebuchadnezzar di ka tiban buwang apui adi bijagu apui dieh ka bagan, “Shadrach! Meshach! Abednego! Urun Tapa adi Siabo Bigatung! Ruah!” Ka ngara rasu ruah.

DANIEL 4:35

Ayŭh tingga daya di ong keya ka au-tarun; malaikat di shorga ngga manusia di ong inŭh di ribo kuasa-I. Mating daya dapŭd nyakar pinyiraan-I puan kah ngika pingandai-I.

DANIEL 6:16

Jadi raja nggen ukum bada Daniel dog nakap, ka ayŭh dog taran ka darŭm rubang singah. Ayŭh nang di Daniel, “Isa-i Tapa mu, adi yŭn mu bituan ngga siabo asŭng mu, nyiramat kuu.”

DANIEL 6:23

Raja mbŭh raru gaŭn ka nggen ukum bada Daniel dog piruah so darŭm rubang anŭ. Jadi ngara tarik ayŭh ka sapa ka kiris ayŭh dŭh mani mani, amai ayŭh sabah di Tapa.

DANIEL 6:27

Ayŭh nyiramat ka pirupas; Ayŭh ndai pingandai saruh ngga pingandai-nginga di shorga ngga di ong. Ayŭh nyiramat Daniel so dog man singah.”

MICAH 7:7

Pak aku re kajŭn TUHAN ngga sukup sabah Ayŭh re nyiramat aku. Tapa ku re dingah aku.

LUKE 1:37

Mating inŭh kayuh adi Tapa dŭh bisa ndai.”

PINGANDAI 20:24

Pak aku dŭh mbit bat di asŭng adŭp ku, bait aku kabŭs puan kah udip; kaŭs aku gruwŭn an ngamas kraja adi Tuhan Jesus ko nggen di aku, anŭ inŭh kidaan Agah Kana pasar pinyirasi-mandis Tapa.

PINGANDAI 21:13

Pak ayŭh nam, “Ani ati ndai ngan, sien buang nyusah atin ku? Aku mbŭh sidia dŭh yŭn dog mŭŭng adŭ di Jerusalem pak yŭn dog siŭ diginŭ yŭn adŭn Tuhan Jesus.”

ROME 8:31

Darŭm ko dingah sopŭrŭg anŭ, ani re ta bisa nang? Kambŭi Tapa agi ngga ata, asi re tungang rawan ata?

2 CORINTH 1:10

Tapa mbŭh nyiramat kieh so pinyibisā pinyikabŭs ka kieh puan Ayŭh re nyiramat kieh dinge,

HEBREW 7:25

Ka sawŭ Ayŭh tungang, madin ngga siraru, nyiramat daya adi mandŭg ka Tapa so ka adŭp-I, sabab Ayŭh udip adu adu an bidua ka Tapa yŭn ngara.

1 SAMUEL 17:37

TUHAN mbŭh nyiramat aku so singah ngga buāng; ayŭh gŭh re nyiramat aku so daya Philistine anŭ.” “Sŭn adŭp mu nang,” Saul nam. “Panu, TUHAN agi ngga kuu.”

1 SAMUEL 17:46

Andu ati TUHAN re na kuu ka darŭm tangan ku; aku re ngarah kuu ka kapŭg ubak mu. Ka aku re nggen tadang bara soldadu daya Philistine di manuk manuk ngga dāng da man. Komŭnŭ ndi ong ong re puan nang Israel biyŭn Tapa,