DANIEL 3:1 - Hakcipta - Biatah Bidayuh

¹ Raja Nebuchadnezzar bada ndi patong dog ndai so mas, 27 mita bigatung-i ka sindŭk 3 mita buka-i, ka ayŭh bada-i dog pijog di rabak Dura di utung tarun tana rais Babylon.

DANIEL 3:1 ပူးပေါင်းရင်းမြစ်များ

1 RAJA 12:28

Ripas-i ko bipikir sakanŭ, ayŭh ndai duwŭh anak dari sapi so mas ka nang di bara daya-i, “Angān mbŭh raru tui ari di bisambah di Jerusalem. Daya Israel, ta digiti tapa tapa adi muko taban angān ngga ruah so Egypt!”

ESTHER 1:1

So takta-i di Susa adi sindŭ kupo di Persia, Raja Xerxes mritah 127 utung rais, so India ndŭg Ethiopia.

MAZMUR 135:15

Tapa tapa bangsa inŭh dog ndai so pirak ngga mas, ngara dog ndai tangan manusia.

PINYIRUAH 20:23

Dŭhnyah ndai yŭn adŭp ngan tapa so pirak puan kah so mas, adi nyambah ngan nimun angān nyambah Aku.

PINYIRUAH 32:31

Moses sawŭ di pari ka yŭn TUHAN, ka nang, “Ngara anŭ mbŭh ndai dosa adi raru sipŭ-i. Ngara mbŭh agi ndai tapa so mas ka nyambah-i.

ISAIAH 2:20

Kan andu anŭ mandŭg, ngara re taran tibudo adi ngara ndai so mas ngga pirak, ka tingge-i yŭn babu ngga kadā.

ISAIAH 30:22

Angān re tambit tibudo ngan adi dog marut ngga pirak ka adi dog marut ngga mas, ka taran-i mun taran kayuh adi kais. Angān nang, “Bu so aku!”

ISAIAH 46:6

Daya kuka kambut duit ngara ka piruah mas; ngara nimbang pirak pakai dasin. Ngara ngupah tukang mas bada ndai tibudo; komŭnŭ ngara sidikang ka nyambah-i!

JEREMIAH 10:9

Tibudo ngara dog marut ngga pirak so Spain ka ngga mas so Uphaz; sopŭrŭg-i mbŭh pingandai tukang adi sukup pandai. Piraka tibudo anŭ dog ndai so banang adi bēng ngga bēng adi tuuh dog nanun tukang tanun adi sukup pandai.

JEREMIAH 16:20

Dapŭd kah daya ndai tapa adŭp-i? Manŭn dŭh! Anŭ adi ngara ndai manŭn dŭh tapa adi sawŭ.”

DANIEL 2:48

Komŭnŭ ayŭh nggen di Daniel pangkat adi bās, nggen di ayŭh bagŭ pinganggen adi grua, tijuan ayŭh bada tukang nguasa utung tarun tana rais Babylon, ka bada ayŭh jadi pingubak sopŭrŭg adi tukang pitayan raja.

DANIEL 2:49

So pimite Daniel raja tijuan Shadrach, Meshach, ngga Abednego bada tukang nguasa kraja pingandai di utung tarun tana rais Babylon; Adŭp Daniel rŭŭ di istana raja ka nyiraja diginŭ.

DANIEL 3:14

Ayŭh nang di ngara, “Shadrach, Meshach, ka Abednego, sawŭ kah angān abah nyambah tapa ku bait mutu ubak ngan ka patong adi aku mbŭh pijog?

DANIEL 3:30

Ka raja meh paad Shadrach, Meshach, ngga Abednego ka pangkat adi bās di utung tarun tana rais di Babylon.

DANIEL 5:23

Kaam mbŭh rawan TUHAN adi pinguasa di rangit. Kaam mbŭh pakai saker ngga makuk adi dog taban so Ramin TUHAN. Kaam, bara pingibās mai, bara sawŭn ami, ka bara dayung nyikŭn mai nok wain so dieh ka muji tapa adi dog ndai so mas, so pirak, so timaga, so basi, so kayuh, ka so batuh — bara tapa adi dŭh kiris tarun, dŭh dingah kayuh, dŭh puan ani ani. Pak kaam dŭh stabi di Tapa adi bada kaam udip bait kabŭs ka adi nguasa sopŭrŭg kayuh adi kaam ndai.

DANIEL 5:4

ka muji tapa adi dog ndai so mas, so pirak, so timaga, so basi, so kayuh, ka so batuh.

HOSEA 2:8

Ayŭh bŭn ngaku Aku adi nggen di ayŭh gandom, wain, inyo kanā, ka sopŭrŭg pirak ngga mas adi ayŭh pakai ngga nyambah Baal.

HOSEA 8:4

“Daya Ku mien raja, pak ngara mien raja sadi adŭp ngara. Ngara tijuan bara pinguru, pak dŭh so pinyibandar Ku. Ngara tambit pirak ngga mas ka ndai tibudo, adi jadi pinyirusag yŭn adŭp ngara.

HABAKKUK 2:19

Mbŭh payah inŭh angān! Angān nang di apŭg kayuh, “Burah!” puan kah di panggar batuh, “Makat!” Bisa kah tibudo pinandŭng kayuh di angān? Bait-i dog marut ngga pirak puan kah mas, tibudo anŭ dŭh biyŭn asŭng.

PINGANDAI 17:29

Amai ata ati mbŭh bara anak Tapa, ata dŭh siŭn bada Ayŭh keya ka gambar dog ndai so mas puan kah pirak puan kah batuh, adi dog mŭŭt bait dog mutik so pimandai manusia.

PINGANDAI 19:26

Madin, adŭp ngan mbŭh kiris buang dingah kayuh adi daya anŭ dŭn Paul ndai. Ayŭh nang tapa adi manusia ndai taŭn dŭh tapa, ka mbŭh bagŭ daya sabah ayŭh, di Ephesus ka batang an di ndi tarun tana darŭm utung rais Asia.

DITRONOMI 7:25

Sigot dudu tibudo ngara. Dŭhnyah ripong di pirak puan kah mas adi dog na di tibudo tibudo anŭ, ka dŭhnyah gŭh tambit-i yŭn adŭp ngan. Kambŭi angān ndai simŭnŭ, angān re dog nyatŭk pinyusah, amai TUHAN tiru di pingandai nyambah tibudo.

PINANDŬNG 9:20

Bara rayat manusia adi bŭkŭn, sopŭrŭg adi dŭh kabŭs da susah-bās anŭ, dŭh an taran kayuh adi ngara ko ndai. Ngara abah ko nyambah umot, bait kah tibudo adi dog ndai so mas, pirak, timaga, batuh, puan kah so apŭg kayuh, adi dŭh kiris tarun, adi dŭh dingah kayuh, ka adi dŭh panu.