DANIEL 2:47 - Hakcipta - Biatah Bidayuh

⁴⁷ Raja nang, “Tapa mu inŭh adi siabo bās so sopŭrŭg tapa, Tuhan di tunduh raja raja, ka adi pinandŭng rusia. Aku puan, sabab kuu tungang kidaan rati rusia anŭ.”

DANIEL 2:47 ပူးပေါင်းရင်းမြစ်များ

TIBIRIK 41:39

Raja nang di Joseph, “Tapa mbŭh kiren sopŭrŭg kayuh ati di kuu, ngapŭi kuu tatŭng biyŭn pinyibijak ngga pitar dŭ so daya bŭkŭn.

2 RAJA 5:15

Ayŭh pari ka Elisha ngga sopŭrŭg daya-i ka nang, “Madin aku puan nang mating tapa adi bŭkŭn adŭ-i Tapa Israel. Turung, tuan, trima pinganggen ati so aku.”

JOB 12:19

Ayŭh pirapat bara imam ngga bara daya adi bikuasa.

MAZMUR 136:2

Nggen trima kaseh di Ayŭh adi siabo bās so sopŭrŭg tapa; pinyirindu-I tan adu adu.

MAZMUR 136:3

Nggen trima kaseh di TUHAN adi rabis Bikuasa so sopŭrŭg tuhan; pinyirindu-I tan adu adu.

MAZMUR 72:11

Sopŭrŭg raja re mutu ubak ngara di sirung jawin-i; sopŭrŭg bangsa re bituan di ayŭh.

MAZMUR 82:1

Tapa kuka udung shorga; darŭm bara tapa tikuruk Ayŭh matŭd itong-I:

MAZMUR 96:4

TUHAN inŭh bās ka patut dog muji; Ayŭh inŭh patut dog stabi rabis so tapa tapa adi bŭkŭn.

EZEKIEL 26:7

TUHAN Raja nang, “Aku re bada raja adi siabo bās, anŭ inŭh Raja Nebuchadnezzar so Babylonia da nyerang Tyre. Ayŭh re mandŭg so utara ngga ndi tibande tibaran bara soldadu, ngga kuda kuda ka krita krita kuda ka ngga bara soldadu pinunggang kuda.

DANIEL 11:36

“Raja Syria re ndai nanyam suka asŭng-i. Ayŭh re mingangŭn adŭp-i bās dŭ so tadŭ tadŭ tapa, bigatung dŭ so Tapa adi Siabo Bigatung. Ayŭh re tungang ndai simŭnŭ ndŭg ka andu adi ngga Tapa ngukum ayŭh. Tapa re ndai nimun adi mbŭh-I ngatur.

DANIEL 2:19

Komŭnŭ ngarŭm anŭ gŭh keya ka darŭm pŭmŭh rusia anŭ dog pinandŭng di Daniel, ka ayŭh muji Tapa adi pinguasa di rangit:

DANIEL 2:22

Ayŭh pinandŭng kayuh kayuh adi tŭrŭp ngga adi bisukan; Ayŭh puan kayuh adi bisukan darŭm karŭm, ka adŭp-I dog kirurung jawa.

DANIEL 2:28

Pak agi Tapa adi pinguasa di shorga, adi pinandŭng rati barang masam rusia. Ayŭh mbŭh kidaan di Tuan Raja kayuh adi re jadi jŭ. Madin aku kidaan pŭmŭh anŭ, kayuh adi dog kiren di kaam darŭm bŭŭs.

DANIEL 2:29

“Darŭm bŭŭs Tuan Raja nyipŭmŭh pasar kayuh adi re jadi jŭ; ka Tapa, adi pinandŭng rusia, kiren di kaam kayuh adi re jadi.

DANIEL 2:30

Rusia anŭ dog pinandŭng di aku, dŭh sabab aku bijak dŭ so daya bŭkŭn, pak isa Tuan Raja birajar rati pŭmŭh mai ka mirati pikir-kira adi mandŭg ka kaam.

DANIEL 2:37

Tuan Raja, kaam inŭh raja adi rabis bās so sopŭrŭg raja adi bŭkŭn. Tapa adi pinguasa di shorga mbŭh ndai kaam jadi raja-empaya ka nggen kuasa, pinyibake, ngga stabi di kaam.

DANIEL 3:15

Madin, kan angān dingah jawŭn trompet, tanduk, gambus, zithers, kachapi, ngga sopŭrŭg pingakas musik adi bŭkŭn, mutu ubak ngan ka nyambah patong anŭ. Kambŭi angān dŭh, angān re rasu dog taran ka darŭm buwang apui adi bijagu apui dieh. Angān pikir agi tapa adi re tungang nyiramat angān kah?”

DANIEL 3:28

Raja nang, “Puji ka Tapa Shadrach, Meshach, ka Abednego! Ayŭh mbŭh pait malaikat-I ka mbŭh nyiramat ngara ati adi bituan ka sabah di adŭp-I. Ngara nyibireu pinganang ku ka dŭm tadŭ re ruban asŭng dŭh an mutu ubak ngara nyambah tadŭ tadŭ tapa adŭ-i Tapa adŭp ngara.

DANIEL 3:29

“Ka madin aku mritah asi asi so tadŭ tadŭ bangsa, kaum, bait piminyu adi minyu rawan Tapa Shadrach, Meshach, ka Abednego, daya anŭ an dog matŭd kaja tangan-i, ka ramin-i an dog nyirubuh bada jadi tugung rakang tibawang. Mating tapa bŭkŭn adi tungang nyiramat mun ati.”

DANIEL 4:17

Anŭ inŭh pingatur bara malaikat adi gringet ka adi marar bijaga. Jadi meh, isa-i sopŭrŭg daya di barang yŭn puan Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien, samŭn ngara adi siabo sŭ darŭm pangkat.’

DANIEL 4:25

Kaam re dog pibu so dupan bara manusia ka re udip bigaur ngga dudu dāng tarun. Sitŭkŭd ju sawa kaam re man kupai mun sapi, ka bŭŭs di sapa tarun ka bisa bada sipot-abun. Komŭnŭ kaam re ngaku Tapa adi Siabo Bigatung biyŭn kuasa di tunduh sopŭrŭg pritah manusia, ka biyŭn kuasa nggen-i di tadŭ daya adi-I mien.

DANIEL 4:32

Kuu re dog pibu so dupan bara manusia, udip bigaur ngga dudu dāng tarun, ka man kupai mun sapi sitŭkŭd ju sawa. Komŭnŭ kuu re ngaku nang Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien.”

DANIEL 5:11

Agi daya darŭm pritah mu adi agi roh bara tapa adi kudus di adŭp-i. Di jaman sama mu jadi raja, daya anŭ dog dapŭd biyŭn pinyipitar, pinyipuan, ka pinyibijak mun pinyibijak bara tapa. Ka Raja Nebuchadnezzar, sama mu, bada ayŭh jadi pingubak bara daya adi tukang kidaan nasip, bara pinanung, bara dukun, ka bara adi puan pasar bitang.

AMOS 3:7

TUHAN Raja dŭh ndai kayuh kambŭi-I dŭh diŭ kidaan di bara urun-I, adi daya Nabi.

1 CORINTH 14:25

Pikir-kira ngara adi bisukan re tatŭng, ka ngara re sidikang ka nyambah Tapa buang ngaku, “Sawŭ Tapa agi digiti ngga angān!”

DITRONOMI 10:17

TUHAN adi Tapa ngan inŭh bikuasa di tunduh sopŭrŭg tapa ka di tunduh sopŭrŭg kuasa. Ayŭh inŭh bās ka bikuasa, ka Ayŭh inŭh adi patut ata dingah. Ayŭh dŭh marad di pingatur-I, ka Ayŭh dŭh trima suap.

1 TIMOTHY 6:15

Pinandŭng-I re di tika adi so ka pingatur adŭp Tapa, ndi naan Pinguasa adi biberkat, Raja adi tunduh sopŭrŭg raja ka Tuhan adi tunduh sopŭrŭg tuhan.

JOSHUA 22:22

“Adi Siabo Bikuasa inŭh Tapa! Ayŭh inŭh TUHAN! Adi Siabo Bikuasa inŭh Tapa! Ayŭh inŭh TUHAN! Ayŭh puan ani sabab kieh ndai simŭnŭ, ka kieh raan angān sua puan! Kambŭi kieh rawan TUHAN ka dŭh sabah di Ayŭh, dŭhnyah tandah kieh udip!

PINANDŬNG 1:5

ka so Jesus Kristus, saksi adi tŭtŭd, adi sibungas dog pakat so kabŭs ka adi pimritah di tunduh raja raja di ong. Ayŭh rindu ata, ka ngga pinyikabŭs-I adi sadis Ayŭh mbŭh pirupas ata so dosa ta

PINANDŬNG 17:14

Ngara re birawan ngga Anak Biri; pak Anak Biri, ngga bara adi-I ko mien, bara adi sabah, re ngarah ngara, sabab Ayŭh inŭh Tuhan di tunduh sopŭrŭg tuhan ka Raja di tunduh sopŭrŭg raja.”

PINANDŬNG 19:16

Di jipo ambu-I ka di pŭŭh-I agi dog nuris dŭn: “Raja di tunduh sopŭrŭg raja ka Tuhan di tunduh sopŭrŭg tuhan.”