DANIEL 2:37 - Hakcipta - Biatah Bidayuh

³⁷ Tuan Raja, kaam inŭh raja adi rabis bās so sopŭrŭg raja adi bŭkŭn. Tapa adi pinguasa di shorga mbŭh ndai kaam jadi raja-empaya ka nggen kuasa, pinyibake, ngga stabi di kaam.

DANIEL 2:37 ပူးပေါင်းရင်းမြစ်များ

1 RAJA 4:24

Solomon mritah ndi tarun tana tura ka barat Yang Euphrates, so Tiphsah di Euphrates jeh ndŭg barat kupo Gaza. Sopŭrŭg raja adi di tura ka barat Euphrates mbŭh di ribo-i, ka ayŭh bidamai ngga sopŭrŭg rais adi maning ayŭh.

2 RAJA 25:28

Evilmerodach kana ngga ayŭh, ka nggen di ayŭh pangkat adi rabis bās so anŭ adi-i nggen di raja raja adi bŭkŭn adi samah dog taran ngga ayŭh di Babylonia.

2 KRONIKEL 36:23

“Ati inŭh pesan Cyrus, adi Raja-empaya Persia. TUHAN, Tapa adi pinguasa di Shorga, mbŭh bada aku jadi pimritah di ndi ong ong ka mbŭh nggen di aku pinanggong pijog Ramin yŭn-I di Jerusalem di tarun tana Judah. Madin, sopŭrŭg ngan adi daya Tapa, panu di kamanŭ, ka isa-i TUHAN adi Tapa ngan agi ngga angān.”

EZRA 1:2

“Ati inŭh pesan so Cyrus, adi Raja-empaya Persia. TUHAN, Tapa adi pinguasa di Shorga, mbŭh bada aku jadi pimritah di ndi ong ong ka mbŭh nggen di aku pinanggong pijog Ramin yŭn-I di Jerusalem di tarun tana Judah.

EZRA 7:12

“So Artaxerxes adi raja-empaya nuju Ezra adi imam, adi sukup pandai di Ukum-adat Tapa adi mritah di Shorga.

MAZMUR 62:11

Rabis so ndi sidah aku mbŭh dingah Tapa nang kuasa anŭ inŭh tung jangi

PITAS 8:15

Aku turung raja mritah ka turung pimritah ndai ukum-adat adi kana.

ISAIAH 10:8

Ayŭh minyu gambung, “Barang naan pingubak soldadu ku inŭh raja!

ISAIAH 47:5

TUHAN nang di Babylon, “Pajam! Guru darŭm karŭm; ngara re dŭh tia bagan kuu rani bangsa bangsa!

JEREMIAH 28:14

TUHAN Bisa-pŭrŭg, adi Tapa Israel, mbŭh nang Ayŭh re na parang-punggo adi dog ndai so basi di tunduh sopŭrŭg bangsa ati, ka ngara re bituan di Raja Nebuchadnezzar so Babylonia. TUHAN mbŭh nang Ayŭh re bada, ndŭg ka dāng dāng, bituan di Nebuchadnezzar.”

JEREMIAH 34:1

TUHAN minyu ngga aku kan Raja Nebuchadnezzar so Babylonia ngga tibaran bara soldadu-i, adi dog batu bara soldadu so rais rais ngga bangsa bangsa adi mbŭh di ribo-i, nyerang Jerusalem ngga kupo kupo maning-i.

EZEKIEL 26:7

TUHAN Raja nang, “Aku re bada raja adi siabo bās, anŭ inŭh Raja Nebuchadnezzar so Babylonia da nyerang Tyre. Ayŭh re mandŭg so utara ngga ndi tibande tibaran bara soldadu, ngga kuda kuda ka krita krita kuda ka ngga bara soldadu pinunggang kuda.

DANIEL 1:2

TUHAN tandah ayŭh nakap Raja Jehoiakim ka sirapas kada rata Ramin TUHAN. Ayŭh taban kada daya-takap pari ngga adŭp-i ka bari-sambah tapa adŭp-i di Babylon, ka na rata adi ko dog sirapas di birit pinyirikŭn bari-sambah.

DANIEL 2:31

“Tuan Raja, darŭm pŭmŭh kaam kiris patong adi raru baga mijog di sirung jawin mai. Patong anŭ jawa buang bringam, buang taru nŭŭh kiris.

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

DANIEL 4:19

Dingah sakanŭ, Daniel, adi dog kadŭn gŭh Belteshazzar, mbŭh raru gŭgŭh ndŭg ka dŭh dapŭd nang ani ani. Raja nang di ayŭh, “Belteshazzar, dŭhnyah bada pŭmŭh anŭ ngga rati-i bada kuu gŭgŭh.” Belteshazzar nam, “Tuan Raja, aku harap pŭmŭh anŭ ngga rati-i pasar pinganyu mai ka dŭh pasar kaam.

DANIEL 4:22

“Tuan Raja, kaam inŭh tŭngŭn kayuh anŭ, bigatung ka bake. Ka bās mai mbŭh bitambah ndŭg rangit, ka kuasa mai mbŭh di ndi ong ong.

DANIEL 4:25

Kaam re dog pibu so dupan bara manusia ka re udip bigaur ngga dudu dāng tarun. Sitŭkŭd ju sawa kaam re man kupai mun sapi, ka bŭŭs di sapa tarun ka bisa bada sipot-abun. Komŭnŭ kaam re ngaku Tapa adi Siabo Bigatung biyŭn kuasa di tunduh sopŭrŭg pritah manusia, ka biyŭn kuasa nggen-i di tadŭ daya adi-I mien.

DANIEL 4:3

“Munki masam bās-i pingandai saruh adi Tapa kiren di aku! Munki masam saruh-i pingandai-nginga adi-I ndai! Tapa inŭh raja ndŭg situi tui; Ayŭh re adu adu mritah.

DANIEL 4:32

Kuu re dog pibu so dupan bara manusia, udip bigaur ngga dudu dāng tarun, ka man kupai mun sapi sitŭkŭd ju sawa. Komŭnŭ kuu re ngaku nang Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien.”

DANIEL 4:34

“Kan ju sawa anŭ mbŭh ripuan,” raja nang, “aku nyigura ka rangit, ka pikir-kira ku pari mun adi dawŭ-i. Aku muji Tapa adi Siabo Bigatung ka nggen stabi ngga bragah di Ayŭh adi udip ndŭg situi tui. “Ayŭh re mritah ndŭg situi tui, ka pritah-I re tan adu adu.

DANIEL 5:18

“Tapa adi Siabo Bigatung bada sama mai Nebuchadnezzar jadi raja adi bās ka nggen di ayŭh stabi ngga kuasa.

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

HOSEA 8:10

Pak madin Aku re nguruk ngara ka ngukum ngara. Dŭm dŭh tui ngara re nyidaing amai sangsara dog kinanyuh raja-empaya Assyria.

MATTHEW 6:13

Dŭhnyah tandah kieh ramah darŭm pinyabah di tika kieh dog pisuba, pak grindung kieh so Siarap.’ [Amai Kaam inŭh Raja adi bikuasa adi dapu bragah ndŭg situi tui. Amen.]

JOHN 19:11

Jesus nam, “Kuu dŭh biyŭn kuasa di tunduh Aku kambŭi Tapa dŭh nggen-i di kuu. Ka sianŭ adi nyerah Aku ka tangan mu mbŭh ndai dosa bās.”

PINANDŬNG 1:5

ka so Jesus Kristus, saksi adi tŭtŭd, adi sibungas dog pakat so kabŭs ka adi pimritah di tunduh raja raja di ong. Ayŭh rindu ata, ka ngga pinyikabŭs-I adi sadis Ayŭh mbŭh pirupas ata so dosa ta

PINANDŬNG 17:14

Ngara re birawan ngga Anak Biri; pak Anak Biri, ngga bara adi-I ko mien, bara adi sabah, re ngarah ngara, sabab Ayŭh inŭh Tuhan di tunduh sopŭrŭg tuhan ka Raja di tunduh sopŭrŭg raja.”

PINANDŬNG 19:16

Di jipo ambu-I ka di pŭŭh-I agi dog nuris dŭn: “Raja di tunduh sopŭrŭg raja ka Tuhan di tunduh sopŭrŭg tuhan.”

PINANDŬNG 4:11

“Tuhan ami ka Tapa ami! Kaam inŭh adi patut kambat bragah, stabi, ngga kuasa. Amai Kaam inŭh adi napa sopŭrŭg kayuh, ka ngga pinyiraan Mai ngara mbŭh agi, buang udip.”

PINANDŬNG 5:12

ka biragu ngga sirŭŭn bana, nang: “Anak Biri adi ko dog siŭ inŭh patut kambat kuasa, pinyikaya, pinyibijak, ka pinyibake, stabi, bragah, ngga puji!”