DANIEL 2:2 - Hakcipta - Biatah Bidayuh

² Jadi ayŭh bagan bara daya-i adi pandai kidaan nasip, bara pinanung, bara nyamba-biruri, ka bara dukun bada mandŭg ka kidaan di ayŭh rati pŭmŭh-i anŭ. Kan ngara mandŭg ka mijog di sirung jawin raja,

DANIEL 2:2 ပူးပေါင်းရင်းမြစ်များ

TIBIRIK 41:8

Ngga isan isan andu sipagi ayŭh mbŭh susah ka-i bagan sopŭrŭg pinanung ngga daya bijak di Egypt. Ayŭh kidaan di ngara pŭmŭh-i, pak mating so ngara dapŭd kidaan rati-i.

ESTHER 1:13

Raja ngga kanyet-i ari mite pikir-kira di har ukum-adat ngga atur, ayŭh bagan bara adi tukang pitayan yŭn-i, adi puan ani patut dog ndai.

PINYIRUAH 7:11

Komŭnŭ raja bagan bara daya bijak-i samŭn bara pinanung, ka ngga pimandai-i ngara ndai simŭnŭ gŭh.

ISAIAH 19:3

Aku re pirusak pusar daya Egypt ka pijimŭ pinyiraan ngara. Ngara re mite turung so tibudo ngara, ka ngara re bisiken ngga daya adi pandai minyu ngga simangi daya adi mbŭh kabŭs, mite pinyitayan so simangi ngara.

ISAIAH 8:19

Pak daya re bada angān mite pinganang so daya adi pandai kidaan nasip ngga daya adi pandai minyu ngga simangi daya adi mbŭh kabŭs, adi prikiak ka prigŭnŭm adŭp-i. Ngara re nang, “Mŭnŭ mŭnŭ gibabŭ gŭh daya patut mite pinganang so roh roh ka bisiken ngga daya adi mbŭh kabŭs yŭn utung daya adi babŭ udip.”

DANIEL 1:20

Dŭh mien ani ani kayuh adi raja siken puan kah ani ani har adi-i kidaan, pinyinam ngara adi pat naan anŭ simŭng kari rabis kana so tung bara adi pandai kidaan nasip ngga so tung bara pinanung di ndi tarun tana pritah-i.

DANIEL 1:4

Ngara an daya adi piayong, pitar, biyŭn bigatung sikura, rikas mirati kayuh, ka adi pidanah pŭrŭng ganan-i, isa ngara dapŭd nyiraja di istana. Ashpenaz an ngajar ngara basa ka nuris piminyu Babylonia.

DANIEL 2:10

Bara adi tukang pitayan nam, “Mating daya di ong adi re bisa kidaan di Tuan Raja kayuh adi kaam raan puan. Mating raja, bait-i adi siabo bās ngga adi siabo bikuasa, mbŭh mite sakanŭ di bara daya-i adi tukang kidaan nasip, di bara pinanung-i, ka di bara dukun-i.

DANIEL 2:27

Daniel nam, “Tuan Raja, mating dukun, mating pinanung, mating daya adi pandai kidaan nasip, puan kah daya adi birajar bitang dapŭd kidaan jeja ka anŭ.

DANIEL 3:8

Nganŭ meh kada daya Babylonia tambit pluang ngga kinarap daya Jahudi.

DANIEL 4:3

“Munki masam bās-i pingandai saruh adi Tapa kiren di aku! Munki masam saruh-i pingandai-nginga adi-I ndai! Tapa inŭh raja ndŭg situi tui; Ayŭh re adu adu mritah.

DANIEL 4:6

Aku nggen ukum bada sopŭrŭg daya ku adi tukang pitayan di Babylon dog taban ka yŭn ku isa ngara bisa kidaan di aku rati pŭmŭh anŭ.

DANIEL 5:7

Ayŭh nyirais bada urun-i taban ngga mŭrŭt bara pinanung, bara dukun, ka bara adi puan pasar bitang. Kan ngara mbŭh mŭrŭt, raja nang di ngara, “Asi asi adi tungang basa turis anŭ ka kidaan rati-i re dog bada nēn jipo-ambu raja adi bēng, pakai kukong mas di tungo-i, ka re dog bada jadi pinguasa adi numbor taruh darŭm pritah.”

1 SAMUEL 6:2

bara daya bagŭ bagan bara imam ngga bara pinanung ka siken, “Simuki ata re ngga Pati Simanya TUHAN anŭ? Kambŭi ata pari-i ka yŭn adŭp-i, ani patut ata pait samah-i?”