18 Ayŭh bada ngara bidua ka Tapa adi pinguasa di shorga yŭn masi ka mite Ayŭh kidaan rati rusia pŭmŭh anŭ di ngara isa ngara dŭh dog siŭ ngga bara adi tukang pitayan di Babylon.
Pak kadŭ-i 45 naan adŭ kani daya adi dŭh sarah, dŭh 50. Re Mai kubo pirabur kah kupo anŭ sabab-i mbŭh kurang 5?” TUHAN nam, “Aku dŭh re pirabur kupo anŭ kambŭi Aku tungang dapŭd 45 naan daya adi dŭh sarah.”
Raja-empaya Assyria mbŭh pait pingubak soldadu-i adi siabo bās pangkat-i bada ngamun Tapa adi udip. Isa-i TUHAN adi Tapa mai dingah pinganang ngamun anŭ ka ngukum ngara adi nang-i. Jadi bidua ka Tapa yŭn daya ta adi gibabŭ udip.”
Aku muji Kaam ka stabi di Kaam, Tapa tayung-babuk ku. Kaam mbŭh nggen di aku pinyibijak ngga pinyibake; Kaam mbŭh nam dua ku ka mbŭh kidaan di kieh kayuh adi re ami kidaan di raja.”
Daya Ku re kiris dinge ka puan ani anŭ adi jadi di daya tŭnggŭn ka ani anŭ adi jadi di daya ginaka, ani anŭ adi jadi di daya adi bituan di Aku ka ani anŭ adi jadi di sianŭ adi dŭh bituan di Aku.”
“Ani di pikir ngan, re daya ndai adi biyŭn siratus biri ka ndi so-i mbŭh manyap? Ayŭh re tingge anŭ adi prii puru-prii man di bŭngŭn sandah ka matak di jiroh anŭ adi manyap.
Kan-i mbŭh dog nakap, Peter dog na darŭm jer, di yŭn-i dog jaga pat tibaran soldadu; tiap tibaran anŭ agi pat naan soldadu. Herod mbŭh ngatur bada ayŭh dog bisara di sirung jawin daya bagŭ ripas Gawai Paska.
Ngapŭi Tuhan puan munki Ayŭh re nyiramat daya adi nurut pinyiraan Tapa so pisuba ngara ka munki re nguruk bara adi ginaka di ribo ukum yŭn Andu Bisara,
TUHAN mbŭh nyiramat aku so singah ngga buāng; ayŭh gŭh re nyiramat aku so daya Philistine anŭ.” “Sŭn adŭp mu nang,” Saul nam. “Panu, TUHAN agi ngga kuu.”