DANIEL 2:11 - Hakcipta - Biatah Bidayuh

¹¹ Pimite Tuan Raja inŭh kayuh adi raru mbar, ka mating daya tungang ndai-i, adŭ-i bara tapa, pak bara tapa dŭh gŭh udip bigaur ngga manusia.”

DANIEL 2:11 ပူးပေါင်းရင်းမြစ်များ

TIBIRIK 41:39

Raja nang di Joseph, “Tapa mbŭh kiren sopŭrŭg kayuh ati di kuu, ngapŭi kuu tatŭng biyŭn pinyibijak ngga pitar dŭ so daya bŭkŭn.

TIBIRIK 41:8

Ngga isan isan andu sipagi ayŭh mbŭh susah ka-i bagan sopŭrŭg pinanung ngga daya bijak di Egypt. Ayŭh kidaan di ngara pŭmŭh-i, pak mating so ngara dapŭd kidaan rati-i.

1 RAJA 8:27

“Pak dapŭd kah Kaam, O Tapa, sawŭ rŭŭ di ong? Rangit dŭh sadang bayah yŭn Mai, jadi simuki Ramin adi aku mbŭh pijog re sadang yŭn Mai?

2 KRONIKEL 6:18

“Pak bisa kah Kaam, O Tapa, sawŭ rŭŭ di ong di dupan manusia? Kambŭi rangit adi siabo bigatung dŭh sadang bayah yŭn Mai, simuki meh ramin ati adi aku mbŭh pijog?

MAZMUR 132:14

“Ati inŭh tarun yŭn Aku re rŭŭ adu adu; digiti inŭh Aku raan mritah.

MAZMUR 68:18

Ayŭh maad ka yŭn adi bigatung, taban bagŭ daya-takap; Ayŭh kambat pinganggen so bara daya adi gagā birawan. TUHAN Tapa re rŭŭ diginŭ.

PINYIRUAH 29:45

Aku re rŭŭ bigaur ngga bara daya Israel, ka re jadi Tapa ngara.

PINYIRUAH 8:19

ka bara pinanung anŭ nang di raja, “Tapa inŭh adi ndai kayuh ati!” Pak raja gibabŭ baking ka, sak adi TUHAN ko nang, ayŭh abah dingah pinganang Moses ngga Aaron.

ISAIAH 47:12

Adu adu pakai masam masam kuasa nanung mu; kuu mbŭh pakai-i so kuu gi-mara; Kadŭ-i bisa turung kuu; kadŭ kuu bisa pirawan bara pinganyu mu.

ISAIAH 57:15

“Aku ati Tapa adi di sambu ka adi kudus. Aku rŭŭ di yŭn adi bigatung ka adi kudus, pak Aku gŭh adi rŭŭ ngga daya adi pirapat adŭp-i ka adi mbŭh marik pimudip-i pari ka Aku, isa Aku dapŭd bada pari tagap pinyabah ngga pingarap ngara.

ISAIAH 8:18

Ta aku ngga anak anak adi TUHAN mbŭh nggen di aku. TUHAN Bisa-pŭrŭg, ngga takta-I di Sandah Zion, mbŭh pait ata nimun pinganang adi udip di daya Israel.

DANIEL 4:4

“Aku tian-ti udip sanang di istana ku, biyŭn barang masam kayuh.

DANIEL 5:11

Agi daya darŭm pritah mu adi agi roh bara tapa adi kudus di adŭp-i. Di jaman sama mu jadi raja, daya anŭ dog dapŭd biyŭn pinyipitar, pinyipuan, ka pinyibijak mun pinyibijak bara tapa. Ka Raja Nebuchadnezzar, sama mu, bada ayŭh jadi pingubak bara daya adi tukang kidaan nasip, bara pinanung, bara dukun, ka bara adi puan pasar bitang.

PINYIKIANG 35:34

Dŭhnyah nyembar tarun tana adi yŭn ngan rŭŭ, sabab Aku ati TUHAN ka Aku rŭŭ di dupan daya Israel.”

MATTHEW 19:26

Jesus tirek ngara ka nam, “Kayuh ati dŭh bisa jadi so ka manusia, pak so ka Tapa sopŭrŭg kayuh bisa jadi.”

JOHN 1:14

Pinganang jadi manusia ka, puno ngga pinyirasi-mandis ngga pinyawŭ, mbŭh rŭŭ di ruang ta. Ata mbŭh kiris bragah-I; bragah adi-I kambat jadi Anak tambŭ Sama-I.

JOHN 14:17

Ayŭh inŭh Roh Kudus adi pinandŭng kayuh adi sawŭ pasar Tapa. Ong dŭh tungang kambat Ayŭh, sabab-i dŭh kiris Ayŭh buang dŭh puan Ayŭh. Pak angān puan Ayŭh, sabab Ayŭh agi ngga angān ka mbŭh agi darŭm angān.

JOHN 14:23

Jesus nam ayŭh, “Asi asi adi rindu Aku re tunda ajar Ku. Sama Ku re rindu ayŭh, ka Sama Ku ngga Aku re mandŭg ka rŭŭ darŭm ayŭh.

2 CORINTH 6:16

Simuki yŭn pinyirŭŭ Tapa re bisa biyŭn gagit-i ngga tibudo? Amai ata inŭh yŭn pinyirŭŭ Tapa adi udip! Nimun adi adŭp Tapa ko nang, “Yŭn pinyirŭŭ Ku inŭh bara daya Ku ka Aku bigaur ngga ngara; Aku re jadi Tapa ngara, ka ngara re jadi daya Ku.”

PINANDŬNG 21:3

Aku dingah sirŭŭn minyu so takta anŭ: “Madin Tapa rŭŭ ngga bara daya! Ayŭh re rŭŭ ngga ngara, ka ngara re jadi bara daya-I. Adŭp Tapa re agi ngga ngara, ka Ayŭh re jadi Tapa ngara.