DANIEL 12:3 - Hakcipta - Biatah Bidayuh

³ Pinguru adi bijak re nyirinyak ngga sopŭrŭg jawa rangit. Ka ngara adi mbŭh ngajar bagŭ daya ndai kayuh adi batur re nyirinyak mun bitang ndŭg situi tui.”

DANIEL 12:3 ပူးပေါင်းရင်းမြစ်များ

PINYIRUAH 34:35

ka ngara kiris jawin-i nyirinyak. Komŭnŭ ayŭh pari na taŭb anŭ di jawin-i ndŭg ka andu adi ngga-i di minyu ngga TUHAN dinge.

PITAS 11:30

Pinŭnggŭn nggen udip, pak pinyiganas taban-i ngga bu.

PITAS 3:35

Daya bijak re dapŭd stabi, pak daya budo kaŭs-i re dapŭd mangŭh.

PITAS 4:18

Aran adi daya tŭnggŭn kadŭg inŭh keya ka batŭh andu makat, adi dŭ dŭ jawa ndŭg ka-i mbŭh jadi jawa sandu.

EKLISIASTIS 12:9

Pak sabab Philosopha bijak, ayŭh ari ngajar daya kayuh adi-i puan. Ayŭh birajar pitas ka muko nakit pirasa munki-i sawŭ.

ISAIAH 53:11

Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.

JEREMIAH 23:22

Kambŭi ngara puan rusia pikir-kira Ku, ngara dapŭd piagah pinganang Ku di daya Ku ka dapŭd bada ngara pasan aran pimudip ngara adi arap ka ginaka.

DANIEL 11:33

Pinguru pinguru adi bijak re kutung pinyibijak ngara ngga bagŭ daya. Pak agi gŭh andu-i kada so ngara re agi dog siŭ darŭm perang puan kah dog badang bada kabŭs, ka kada re dog mirupak ka jadi daya-takap.

DANIEL 11:35

Kada so bara pinguru adi bijak anŭ re dog siŭ, pak so ka kayuh adi mun anŭ daya re dog pibisig. Kayuh anŭ re babŭ mun anŭ ndŭg ka pimungan-i, tika adi Tapa mbŭh miratak.

DANIEL 12:10

Bagŭ daya re dog pibisig. Ngara adi ginaka re dŭh mirati pak re adu adu ginaka; kaŭs-i daya adi bijak adŭ adi re mirati.

MATTHEW 13:43

Komŭnŭ bara daya adi ndai pinyiraan Tapa re nyirinyak mun batŭh andu darŭm Ong Bauh Tapa, adi Sama ngara. Dingah meh garang, kambŭi angān biyŭn kajit!

MATTHEW 19:28

Jesus nang di ngara, “Sabah meh, kan Anak Manusia guru di takta-I adi bragah darŭm Ong Bauh Tapa, angān adi simŭng-duwŭh naan pinunda Ku re guru gŭh di takta, mritah simŭng-duwŭh tibaran-asar Israel.

MATTHEW 24:45

“Asi meh garang, daya-gaji adi tŭtŭd ka adi bijak? Ayŭh inŭh sianŭ adi tuan-i tijuan da jaga daya daya-gaji adi bŭkŭn, da nggen man di ngara di jam adi patut.

JOHN 4:36

Daya adi ngatŭm kambat gaji-i; ayŭh nguruk buwa yŭn udip adi sawŭ adi tan adu adu; ka ayŭh adi purun ngga ayŭh adi ngatŭm re samah gaŭn.

JOHN 5:35

John mbŭh keya ka prita, sakŭt buang nyekar, ka angān ko ndi sidah sua angan jawa-i.

PINGANDAI 13:1

Di eklisia di Antioch agi bara nabi ka bara gurū: Barnabas, Simeon (adi dog kadŭn Singŭt), Lucius (so Cyrene), Manaen (adi ko samah dog mira ngga Herod adi gabenor), ka Saul.

1 CORINTH 3:10

Pakai pinganggen adi Tapa mbŭh nggen di aku, aku jadi tukang ramin adi raru pandai ka mbŭh na pinagap-rasan, ka daya bŭkŭn inŭh adi pijog ramin di tunduh-i. Pak barang naan angān an nakit, munki angān pijog ramin.

EPHESUS 4:11

Ayŭh inŭh adi “nggen pinganggen di manusia”; Ayŭh tijuan kada daya da jadi pinyuruh, adi bŭkŭn jadi nabi, adi bŭkŭn jadi pinyuse Agah Kana, adi bŭkŭn jadi pingingat eklisia ka gurū.

HEBREW 5:12

Mbŭh sukup tipuh-i yŭn ngan jadi gurū, pak angān babŭ biguna di daya da ngajar angān sibungas ajar pasar agah Tapa. Sipatut-i angān man tubi, pak angān babŭ nok sisuh.

2 PETER 3:15

Nakit kira atin sabar Tuhan adi keya ka pluang adi-I nggen di angān yŭn ngan dapŭd dog nyiramat, nimun Paul, dingan adi ata raru rindu, mbŭh nuris ka angān pakai pinyibijak adi Tapa ko nggen di ayŭh.

PINANDŬNG 1:20

Ati inŭh rati adi bisukan yŭn ju bitang adi kuu kiris di tangan tauh Ku, samŭn yŭn ju rika-mas prita anŭ: ju bitang inŭh rati-i ju malaikat eklisia, ka ju rika prita inŭh rati-i ju eklisia.

AKIM 5:31

Ngapŭi isa-i sopŭrŭg pinganyu Mai kabŭs mun anŭ, O TUHAN, pak isa-i sopŭrŭg jerā Mai nyirinyak mun batŭh andu makat! Ka rais anŭ darŭm damai sitŭkŭd pat puru sawa.