DANIEL 12:2 - Hakcipta - Biatah Bidayuh

² Bagŭ so ngara adi mbŭh kabŭs re pari udip: agi adi re kinyam udip adi tan adu adu, ka agi adi re kinyam sangsara mangŭh adi ruro.

DANIEL 12:2 ပူးပေါင်းရင်းမြစ်များ

PITAS 12:8

Kambŭi kuu pitar, kuu re dapŭd puji; kambŭi kuu budo, daya re ngamun kuu.

ISAIAH 26:19

Daya Mai adi mbŭh kabŭs re pari udip dinge! Tadang ngara re makat udip dinge. Sopŭrŭg ngara adi bŭŭs darŭm kubur re burah ka biragu ngga gaŭn. Nimun kirib sipot-abun adi misa tana, simŭnŭ gŭh TUHAN re pakat ngara adi mbŭh tui kabŭs.

ISAIAH 66:24

“Darŭm ngara mari, ngara re kiris tadang tadang ngara adi ko rawan matah Aku. Ŭrŭd adi man ngara re dŭh bisa kabŭs, ka apui adi badang ngara re dŭh bisa pura. Di batŭh sopŭrŭg bangsa manusia, kayuh adi mun anŭ inŭh kayuh adi tikŭnŭd daya kiris.”

JEREMIAH 20:11

Pak Kaam, TUHAN, agi parad ka aku, bake buang bikuasa, ka ngara adi kisiis aku re rabu ka dŭh bigaya. Ngara re dog pimangŭh ndŭg situi tui, sabab ngara dŭh mujur di pingandai ngara anŭ. Mangŭh ngara re dŭh dog kambŭt.

EZEKIEL 37:12

Ngapŭi minyu-binabi di daya Israel ka kidaan di ngara nang Aku, adi TUHAN Raja, re kuka kubur ngara. Aku re piruah ngara ka taban ngara ngga pari ka tarun tana Israel.

HOSEA 13:14

Aku dŭh re nyiramat daya ati so ong daya adi mbŭh kabŭs bait pirupas ngara so kuasa pinyikabŭs. Taban sesak andam mu, pinyikabŭs! Taban pinyirusag mu, ong daya adi mbŭh kabŭs! Aku mbŭh dŭh tia masi di bangsa ati.

MATTHEW 25:46

Ngara anŭ inŭh adi re dog taran ka yŭn ukum ruro, pak ngara adi tŭnggŭn re dapŭd udip adi sawŭ adi tan adu adu.”

PINGANDAI 24:15

Aku biyŭn pingarap di Tapa nimun adŭp ngara gŭh, nang sopŭrŭg daya, adi kana ngga adi arap, re makat so kabŭs.

PINGANDAI 7:60

Ka ayŭh sidikang ka nyirais nang, “Tuhan, apun dosa ngara!” Ko-i nang sakanŭ, ayŭh kabŭs.

ROME 9:21

Amai sawŭ, daya adi ndai priok biyŭn hak pakai tana-riyat nimun sŭn adŭp-i nang, ka ndai duwŭh priok so ndi takang tana-riyat anŭ, ndi yŭn guna di tipuh gawai ka anŭ ndi yŭn guna di tipuh biasa.

1 THESSALONICA 4:14

Kieh sabah Jesus kabŭs ka mbŭh makat udip bauh. Kieh sabah gŭh Tapa re taban pari ngga Jesus sinadan ngara adi sabah di Ayŭh sibayuh ngara kabŭs.

PINANDŬNG 20:12

Ka aku kiris bara adi mbŭh kabŭs, bās ngga adi sŭ, mijog nura takta. Surat surat dog kuka, ka agi dinge dog kuka gŭh, surat di yŭn dŭn bara daya adi Tapa mbŭh mien dog nuris. Bara adi mbŭh kabŭs dog bisara nanyam ka pingandai ngara, nimun adi mbŭh dog nuris di surat surat anŭ.