DANIEL 12:1 - Hakcipta - Biatah Bidayuh

¹ Malaikat adi nēn piraka banang linen nang, “Di andu anŭ malaikat bās, Michael, adi kingat daya bangsa mu, re nandŭng. Komŭnŭ re agi tipuh susah, siabo bisā so adi mbŭh ngitong so sibungas bangsa bangsa di ong timbur. Kan tipuh anŭ mandŭg, sopŭrŭg daya bangsa mu adi agi dŭn ngara dog nuris darŭm surat Tapa re siramat.

DANIEL 12:1 ပူးပေါင်းရင်းမြစ်များ

MAZMUR 56:8

Kaam puan munki susah aku; Kaam mbŭh nyikŭn randang batŭh ku. Dŭh kah sopŭrŭg-i mbŭh Kaam nuris di surat Mai?

MAZMUR 69:28

Isa-i dŭn ngara dog kadi so surat di yŭn dŭn bara daya adi Kaam mbŭh mien dog nuris; isa-i ngara dŭh dog pibŭrŭt di susud dŭn bara daya Mai.

ISAIAH 4:3

Barang naan daya adi dŭm di Jerusalem, adi Tapa mbŭh mien bada babŭ udip, re dog kadŭn kudus.

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

JEREMIAH 30:10

“Daya Ku, dŭhnyah taru; daya Israel, dŭhnyah tikaran. Aku re nyiramat angān so tarun tana adi jo anŭ, tarun tana adi yŭn ngan jadi daya-takap. Angān re pari ka rais adŭp ngan ka rŭŭ darŭm damai; angān re siramat, ka mating daya re tia bada angān taru.

JEREMIAH 30:7

Andu adi sipŭ mbŭh re mandŭg; gi-bŭn daya kiris andu adi mun anŭ — tika pinyusah yŭn bara daya Ku, pak ngara re babŭ udip.”

EZEKIEL 13:9

Aku re ngukum angān bara nabi adi kiris kayuh keya ka darŭm pŭmŭh pak adi dŭh sawŭ, ka adi nggen pininjau adi kinanyap daya. Angān re mating diginŭ kan daya Ku tikuruk matŭd pikir-kira ngara; dŭn ngan re dŭh dog pibŭrŭt di susud dŭn bara rayat Israel; angān dŭh re pari ka tarun tana adŭp ngan. Komŭnŭ angān re puan nang Aku ati TUHAN Raja.

EZEKIEL 34:24

Aku, adi TUHAN, re jadi Tapa ngara, ka ndi naan raja mun David, adi urun Ku, re jadi pinguasa ngara. Aku mbŭh minyu.

EZEKIEL 5:9

Sabab sopŭrŭg kayuh adi kuu ndai adi Aku tiru, Aku re ngukum Jerusalem; gi-bŭn Aku ngukum Jerusalem mun anŭ, ka Aku re dŭh tia ndai simŭnŭ.

DANIEL 10:13

Malaikat adi tukang kingat pritah Persia matah aku duwŭh puru ndi andu. Komŭnŭ Michael, ndi naan so bara pingubak malaikat, mandŭg di turung aku, sabab aku mbŭh dog tingge sadi adŭp ku di Persia.

DANIEL 11:45

Ayŭh re pijog tibande bari bari-i di asah rawŭt ngga sandah adi yŭn Ramin TUHAN mijog. Pak ayŭh re kabŭs, ka mating daya re turung ayŭh.”

DANIEL 7:10

ka sungi apui aman so takta-I. Mbŭh agi biribu ribu daya diginŭ an bituan di Ayŭh, ka bijuta juta daya mijog di sirung jawin-I. Komŭnŭ bisara piguru di yŭn bisara, ka surat surat dog kuka.

DANIEL 9:12

Kaam mbŭh ndai di kieh ngga di bara pimritah ami kayuh adi Kaam nang adŭp Mai re ndai. Kaam ngukum Jerusalem rabis bisā so adi mbŭh tadŭ tadŭ kupo di ong mbŭh kinyam,

JOEL 2:2

Andu anŭ re karŭm buang pajam andu anŭ singŭt ka kruman Bara tibaran kadis masang mun karŭm nutu darŭd. Gi-mating kayuh mun anŭ, ka re mating mun anŭ dinge.

MALACHI 3:16

Komŭnŭ daya adi taru di TUHAN minyu dupan adŭp ngara, ka TUHAN nyiringa ka dingah kayuh adi ngara nang. Di sirung jawin-I, agi dog nuris darŭm surat dŭn ngara adi taru di TUHAN ka adi stabi di Ayŭh.

MATTHEW 24:21

Amai pinyusah di tika anŭ re rabis payah so adi mbŭh, ngitong so sibungas ong jadi ndŭg andu ati. Ka mating re tia mun anŭ dinge.

MARK 13:19

Amai pinyusah di tipuh anŭ re rabis arap so adi ong ko kinyam, ngitong so sibungas Tapa napa ong ndŭg andu ati. Ka re mating tia mun anŭ.

LUKE 10:20

Dŭhnyah gaŭn sabab roh arap nundok di angān, pak gaŭn sabab dŭn ngan mbŭh dog nuris di shorga.”

ROME 11:15

Amai kan ngara dog tirawan, daya bangsa bŭkŭn birubah jadi dingan Tapa ka dŭh tia jadi pinganyu-I. Munki meh-i re garang, kan ngara mbŭh dog trima? Anŭ re keya ka pakat daya kabŭs da pari udip!

ROME 11:26

Ka simuti inŭh sopŭrŭg daya Israel re dog nyiramat. Sak adi nang Surat-kudus, “Pinyikudip re mandŭg so Zion ka kadi sopŭrŭg kayuh arap so bara sesang Jacob.

EPHESUS 1:21

Diginŭ Kristus mritah di sambu sopŭrŭg pinyipritah, pinguasa, pinguru ka raja. Ayŭh agi dŭn adi rabis bigatung so tadŭ mun dŭn kuasa, bait-i di ong ati puan kah di ong adi re.

PHILIPPI 4:3

Ka kuu gŭh, dingan ku adi tŭtŭd darŭm kraja, aku mite kuu turung duwŭh naan dayung anŭ; amai ngara mbŭh bandar nyiraja ngga aku darŭm nyuse Agah Kana, samah ngga Clement samŭn sopŭrŭg adi bŭkŭn di kraja ta. Dŭn ngara mbŭh agi darŭm surat di yŭn dŭn bara daya adi Tapa mbŭh mien dog nuris.

JUDE 1:9

Pingubak malaikat, Michael, bŭn-i ndai simŭnŭ. Darŭm kaii-i ngga Siarap, pasar asi so ngara adi re tambit pŭrŭng Moses, Michael dŭh birani nunggu Siarap ngga pinganang adi arap; adŭ-i nang, “Tuhan re ngukum kuu!”

PINANDŬNG 1:5

ka so Jesus Kristus, saksi adi tŭtŭd, adi sibungas dog pakat so kabŭs ka adi pimritah di tunduh raja raja di ong. Ayŭh rindu ata, ka ngga pinyikabŭs-I adi sadis Ayŭh mbŭh pirupas ata so dosa ta

PINANDŬNG 12:7

Komŭnŭ agi perang di shorga. Michael ngga bara malaikat-i birawan ngga naga anŭ adi dog batu bara malaikat adŭp-i.

PINANDŬNG 13:8

Sopŭrŭg daya adi udip di ong re nyambah dāng anŭ, adŭ-i ngara adi mbŭh dog nuris dŭn-i diŭ so ong dog napa darŭm surat di yŭn dŭn bara daya adi Tapa mbŭh mien dog nuris; ngara inŭh adi dog dapu Anak Biri adi ko dog siŭ.

PINANDŬNG 17:14

Ngara re birawan ngga Anak Biri; pak Anak Biri, ngga bara adi-I ko mien, bara adi sabah, re ngarah ngara, sabab Ayŭh inŭh Tuhan di tunduh sopŭrŭg tuhan ka Raja di tunduh sopŭrŭg raja.”

PINANDŬNG 20:12

Ka aku kiris bara adi mbŭh kabŭs, bās ngga adi sŭ, mijog nura takta. Surat surat dog kuka, ka agi dinge dog kuka gŭh, surat di yŭn dŭn bara daya adi Tapa mbŭh mien dog nuris. Bara adi mbŭh kabŭs dog bisara nanyam ka pingandai ngara, nimun adi mbŭh dog nuris di surat surat anŭ.

PINANDŬNG 20:15

Ngara adi dŭh biyŭn dŭn-i dog nuris darŭm surat di yŭn dŭn bara daya adi Tapa mbŭh mien dog nuris, dog taran ka darŭm danu apui anŭ.

PINANDŬNG 3:5

Ngara adi mbŭh manang re dog kibarui simŭnŭ ngga piraka buda, ka Aku dŭh re kadi dŭn ngara so surat di yŭn dŭn bara daya adi Tapa mbŭh mien dog nuris. Di sirung jawin Sama Ku ka di sirung jawin bara malaikat-I Aku re kidaan nang ngara mbŭh tung jaku.

PINANDŬNG 7:14

“Aku dŭh puan, tuan. Kaam kidŭ-i puan,” aku nam. Ayŭh nang di aku, “Ngara inŭh adi ko kinyam sangsara pinyikisiis. Ngara muko ngu piraka ambu ngara da buda pakai deya Anak Biri.