DANIEL 11:45 - Hakcipta - Biatah Bidayuh

⁴⁵ Ayŭh re pijog tibande bari bari-i di asah rawŭt ngga sandah adi yŭn Ramin TUHAN mijog. Pak ayŭh re kabŭs, ka mating daya re turung ayŭh.”

DANIEL 11:45 ပူးပေါင်းရင်းမြစ်များ

MAZMUR 48:2

Zion, sandah Tapa, inŭh bigatung ka sangŭn; kupo raja bās taban pawŭn di ndi ong ong.

ISAIAH 10:12

Pak TUHAN nang, “Kan Aku muko ngamas kayuh adi Aku ndai di tunduh Sandah Zion ngga di Jerusalem, Aku re ngukum raja-empaya Assyria amai pinganang gambung-i ka uap sambuh-i.”

ISAIAH 11:9

Di tunduh Zion, sandah kudus Tapa, re mating kayuh adi arap bait adi bisa kandam. Tarun tana re puno ngga pinyipuan TUHAN nimun rawŭt puno ngga piin.

ISAIAH 14:13

Kuu ko bigŭtŭ an maad ka rangit ka tarun yŭn takta mu bigatung so bitang bitang adi siabo bigatung. Kuu pikir kuu re guru mun raja di tunduh darŭd di utara di yŭn tapa tapa tikuruk.

ISAIAH 2:2

Di tipuh adi re mandŭg sandah di yŭn Ramin TUHAN mijog re jadi adi siabo bigatung, bigatung so sopŭrŭg sandah. Bagŭ bangsa re birumbek kamanŭ,

ISAIAH 27:13

Kan andu anŭ mbŭh mandŭg, trompet re dog mambak ngga bagan sopŭrŭg daya Israel adi dog taran ka Assyria ngga Egypt. Ngara re mandŭg ka nyambah TUHAN di Jerusalem, di sandah kudus-I.

ISAIAH 65:25

Kasong tarun ngga anak anak biri re samah man; singah re man siriyang mun sapi, ka jippŭh re man dabu tana. Di Zion, sandah kudus Ku, re mating kayuh adi bisā bait kayuh adi arap.”

ISAIAH 66:20

Ngara re taban pari sopŭrŭg dingan ngan adi samah daya Israel so rais rais anŭ ndu pinganggen di Aku. Ngara re taban ngara ka sandah kudus Ku di Jerusalem nunggang kuda, kuda pinakan kaldi, ka onta, ka nambang krita kuda ngga tibande krita-sapi, nimun daya Israel taban sadis ruwang kayuh ka Ramin TUHAN darŭm bŭrŭh bŭrŭh adi bisig nanyam ka adat.

EZEKIEL 39:2

Aku re nguit ayŭh ka pinijū adi bŭkŭn ka nguru ayŭh ruah so tarun yŭn adi jo di utara ndŭg ka ayŭh mandŭg ka tarun tana darŭd Israel.

DANIEL 11:16

Daya Syria anŭ adi nyerang re ndai nanyam suka asŭng-i, ka mating daya re tungang rawan ayŭh. Ayŭh re mijog di Tarun Tana adi dog Janji ka-i re abo di ribo kuasa-i.

DANIEL 11:41

Ayŭh re nyerang gŭh Tarun Tana adi dog Janji ka siŭ biribu ribu daya, pak rais Edom, Moab, ngga daya adi dŭm di Ammon re siramat.

DANIEL 11:44

Komŭnŭ agah adi mandŭg so timor ngga utara re pirawan ayŭh, ka ayŭh re bandar bandar biperang, siŭ bagŭ daya.

DANIEL 2:35

Jam anŭ gŭh basi, tana-riyat, timaga, pirak, ngga mas anŭ rubuh ka jadi mun dabu di tarun yŭn daya ngiik di tipuh paras. Sabak taban sopŭrŭg-i ngga bu, ka arok-i mating gŭh. Pak batuh anŭ jadi tibande darŭd adi muno ndi ong ong.

DANIEL 7:26

Komŭnŭ ayŭh re dog bisara, kuasa-i dog tambit, ka ayŭh dog pirabur.

DANIEL 8:25

Sabab ayŭh pinipu, ayŭh re mujur di kraja tipu-i. Ayŭh re mingangŭn di adŭp-i ka bŭn diŭ kidaan di daya kan-i re pirabur daya. Ayŭh re natang gŭh Raja adi siabo bās, pak ayŭh re dog pirabur dŭh ngga kuasa manusia.

DANIEL 9:16

Kaam ngibān kieh di jaman adi mbŭh, ka dŭhsah baji di Jerusalem tia. Anŭ inŭh kupo Mai, sandah kudus Mai. Sopŭrŭg daya di rais rais adi sindŭk ngamun Jerusalem samun daya Mai sabab dosa ami ngga arap adi tayung-babuk ami mbŭh ndai.

DANIEL 9:20

Aku babŭ bidua, ngaku dosa ku ngga dosa daya ku bangsa Israel, ka mite turung so TUHAN adi Tapa ku bada pari pijog Ramin-I adi kudus.

JOEL 2:20

Aku re kadi bara tibaran kadis adi mandŭg so utara ka re kasig kada-i ka tarun tana-pajam. Bara-i adi tura ka jawin re dog kasig ka Rawŭt Pide, bara adi tura ka punok ka rawŭt Mediterranean. Tadang ngara re buuh madam. Aku re pirabur ngara sabab sopŭrŭg kayuh adi ngara mbŭh ndai di tunduh ngan.

MICAH 4:2

ka bara daya-i re nang, “Ja maad sandah TUHAN, di ka Ramin TUHAN adi Tapa Israel. Ayŭh re ngajar ata kayuh adi Ayŭh raan ata ndai; ata re panu kadŭg aran adi Ayŭh mbŭh mien. Amai ajar TUHAN mandŭg so Jerusalem; so Zion Ayŭh minyu ngga daya-I.”

ZECHARIAH 14:8

Kan andu anŭ mbŭh mandŭg, piin adi nggen udip re aman so Jerusalem, sitangah di ka Rawŭt Pide ka sitangah di ka Rawŭt Mediterranean. Piin anŭ re aman sitŭkŭd sawa, di tipuh raga ngga di tipuh ujen.

PINYIKIANG 34:5

di yŭn-i re biruit nuju rubān di baat Egypt ndŭg Rawŭt Mediterranean.

2 THESSALONICA 2:4

Ayŭh re rawan sopŭrŭg anŭ adi daya kadŭn tapa. Ayŭh re bada adŭp-i bikuasa dŭ so sopŭrŭg anŭ adi manusia nyambah. Rabis so anŭ, Ayŭh re mŭrŭt ka guru darŭm Ramin Tapa, ka kadŭn adŭp-i Tapa.

2 THESSALONICA 2:8

Komŭnŭ Manusia adi Arap anŭ re dog pinandŭng, pak kan Tuhan Jesus mandŭg, Ayŭh re siŭ ayŭh ngga asŭng adi ruah so baba-I ka pirabur ayŭh ngga pimandŭg-I adi bragah.

PINANDŬNG 13:10

Daya adi re dog nakap manŭn re dog nakap; daya adi re dog siŭ ngga pedang manŭn re dog siŭ ngga pedang. Sirati-i bara daya adi Tapa mbŭh mien dŭh siŭn dŭh an biyŭn pinyitŭtŭd atin ngga pinyabah.”

PINANDŬNG 20:2

Ayŭh nakap naga anŭ, jippŭh adi jah. Jippŭh anŭ inŭh Siarap, puan kah Shetan, ka muak ayŭh sitian siribu sawa.

PINANDŬNG 20:9

Ngara kutung adŭp-i di ndi ong ong ka kirurung bari bari bara daya adi Tapa mbŭh mien, samŭn kupo adi Tapa rindu. Pak apui mūn so shorga ka pirabur ngara.