DANIEL 11:36 - Hakcipta - Biatah Bidayuh

³⁶ “Raja Syria re ndai nanyam suka asŭng-i. Ayŭh re mingangŭn adŭp-i bās dŭ so tadŭ tadŭ tapa, bigatung dŭ so Tapa adi Siabo Bigatung. Ayŭh re tungang ndai simŭnŭ ndŭg ka andu adi ngga Tapa ngukum ayŭh. Tapa re ndai nimun adi mbŭh-I ngatur.

DANIEL 11:36 ပူးပေါင်းရင်းမြစ်များ

MAZMUR 136:2

Nggen trima kaseh di Ayŭh adi siabo bās so sopŭrŭg tapa; pinyirindu-I tan adu adu.

MAZMUR 33:10

TUHAN pijimŭ pinŭtŭn pingandai bangsa bangsa; Ayŭh bada ngara dŭh pimanu kayuh adi ngara mbŭh bisatur an ndai.

PITAS 19:21

Daya bisa bisatur ndai bagŭ masam kayuh, pak pinyiraan TUHAN inŭh adi re jadi.

ISAIAH 10:23

Sawŭ, di ndi tarun tarun tana rais TUHAN Raja Bisa-pŭrŭg re taban pinyirusag, sak adi muko-I nang.

ISAIAH 10:25

Dŭm nyitiro Aku re ko ngukum angān, ka komŭnŭ Aku re pirabur ngara.

ISAIAH 10:5

TUHAN nang, “Assyria! Aku pakai Assyria keya ka pukong ngga ngukum ngara adi yŭn Ku baji.

ISAIAH 14:13

Kuu ko bigŭtŭ an maad ka rangit ka tarun yŭn takta mu bigatung so bitang bitang adi siabo bigatung. Kuu pikir kuu re guru mun raja di tunduh darŭd di utara di yŭn tapa tapa tikuruk.

ISAIAH 14:14

Kuu nang adŭp mu an maad ka tunduh abun ka jadi mun Tapa Bisa-pŭrŭg.

ISAIAH 26:20

Mŭrŭt arŭn ngan, daya Ku, ka tŭŭp tiban ngan. Sukan adŭp ngan dawŭ-i ndŭg ka Tapa ko baji.

ISAIAH 30:33

Ndun jah agi ndi tarun yŭn muko dog sidia yŭn badang raja-empaya Assyria. Tarun yŭn anŭ tŭrŭp ka bayah ka puno ngga tugung uwang ungon. TUHAN re ngasŭng ka piruah jireb apui ngga badang tugung uwang ungon anŭ.

ISAIAH 46:10

So sibungas-i jah Aku ninjau pinŭbŭn kayuh; ndun jah Aku muko diŭ kidaan kayuh adi re jadi. Aku nang atur kraja Ku dŭh re dŭh jadi, ka Aku re pijadi sopŭrŭg kayuh adi nang Ku Aku re ndai.

ISAIAH 57:9

Angān pakai inyo ngga wangi ka di nyambah tapa Molech. Angān pait pinyisung ka rais rais adi jo bada jiroh tapa tapa an ngan nyambah, ndŭg ka jiroh di ong daya adi mbŭh kabŭs ani.

EZEKIEL 28:2

“Manusia,” Ayŭh nang, “kidaan di pimritah Tyre kayuh adi Aku, TUHAN Raja, nang di ayŭh: kuu miruap buang nang adŭp mu tapa. Kuu nang adŭp mu mun tapa guru di takta di yun rawŭt. Kuu bada adŭp mu mun tapa, pak sibatur-i kuu manusia saja, dŭh tapa.

EZEKIEL 35:13

Aku mbŭh dingah pinganang uap-sambuh adi kuu piruah rawan Aku.”

DANIEL 11:16

Daya Syria anŭ adi nyerang re ndai nanyam suka asŭng-i, ka mating daya re tungang rawan ayŭh. Ayŭh re mijog di Tarun Tana adi dog Janji ka-i re abo di ribo kuasa-i.

DANIEL 11:3

“Komŭnŭ raja pimagan re timbur. Ayŭh mritah tibande empaya ka ndai masam masam kayuh ngga suka asŭng-i.

DANIEL 11:37

Raja re nyibireu tapa tayung babuk-i, ka simŭnŭ gŭh ngga tapa adi bara dayung rindu. Ayŭh taŭn re nyibireu sopŭrŭg tapa, sabab ayŭh pikir adŭp-i bās dŭ so ngara.

DANIEL 12:7

Malaikat anŭ pakat soduwŭh tangan-i ka rangit ka bipayu ngga adŭn Tapa adi Udip adu adu. Aku dingah ayŭh nang, “Kayuh anŭ re jadi simŭnŭ sitŭkŭd taruh sawa sitangah. Kan daya Tapa muko dog kisiis, sopŭrŭg kayuh anŭ gŭh mbŭh tambus.”

DANIEL 2:47

Raja nang, “Tapa mu inŭh adi siabo bās so sopŭrŭg tapa, Tuhan di tunduh raja raja, ka adi pinandŭng rusia. Aku puan, sabab kuu tungang kidaan rati rusia anŭ.”

DANIEL 4:35

Ayŭh tingga daya di ong keya ka au-tarun; malaikat di shorga ngga manusia di ong inŭh di ribo kuasa-I. Mating daya dapŭd nyakar pinyiraan-I puan kah ngika pingandai-I.

DANIEL 5:19

Ayŭh raru bās ndŭg ka daya so barang bangsa, kaum, ka piminyu taru di ayŭh ndŭg ka kimŭtŭr. Kambŭi ayŭh raan siŭ daya, ayŭh sawŭ siŭ; kambŭi ayŭh raan tandah daya udip, ayŭh sawŭ tandah. Ayŭh paad pangkat daya ngga bisor pangkat daya nanyam pinyiraan adŭp-i.

DANIEL 5:20

Pak sabab ayŭh jadi sambuh, baking, ka gaok, ayŭh dog kadi so takta-i, ka dog kadi so bragah-i.

DANIEL 7:8

Darŭm aku tingga tanduk tanduk anŭ, aku kiris tanduk adi siit ruah so asah tanduk tanduk anŭ. Tanduk anŭ nanggar taruh tanduk adi bŭkŭn. Tanduk siit anŭ biyŭn batŭh manusia ka baba manusia adi minyu gambung.

DANIEL 8:19

ka nang, “Aku kiren di kuu kayuh adi jadi kan Tapa baji. Kayuh adi dog kiris anŭ inŭh pasar pimungan ong.

DANIEL 8:4

Aku kiris dari biri anŭ nanduk ka barat, ka utara, ka siratan. Mating dāng adi dapŭd pirŭŭ ayŭh bait bu so kuasa-i. Ayŭh ndai nanyam ka pinyiraan adŭp-i ka ayŭh mbŭh jadi gambung.

ZECHARIAH 11:16

Aku mbŭh tijuan pingingat-biri bada kingat kaban biri Ku, pak ayŭh dŭh turung biri adi re dog pinyusah, bait nguri anŭ adi biragan, bait paan anŭ adi tiranah. Tibarik ayŭh man dagin biri adi siabo gamu ka dimbut tinjug biri.

JOHN 5:30

“Aku dŭh bisa ndai ani ani ngga kuasa adŭp Ku sadi; Aku tingga arap kana daya so pinyibada Tapa adŭ, ngapŭi anŭ adi Aku nang agi batur, sabab-i dŭh so pinyiraan adŭp Ku, pak so pinyiraan-I adi pait Aku.

JOHN 6:38

Amai Aku mbŭh mandŭg so shorga dŭh sabab an ndai kayuh nanyam pinyiraan adŭp Ku, pak an ndai kayuh nanyam pinyiraan-I adi pait Aku.

PINGANDAI 4:28

Ngara mbŭh tikuruk ka ndai anŭ adi Kaam, so ka kuasa ngga pinyiraan Mai, mbŭh natu nang re jadi.

DITRONOMI 10:17

TUHAN adi Tapa ngan inŭh bikuasa di tunduh sopŭrŭg tapa ka di tunduh sopŭrŭg kuasa. Ayŭh inŭh bās ka bikuasa, ka Ayŭh inŭh adi patut ata dingah. Ayŭh dŭh marad di pingatur-I, ka Ayŭh dŭh trima suap.

2 THESSALONICA 2:3

Dŭhnyah bada daya nyibudo angān. Andu anŭ dŭh re mandŭg ndŭg ka andu adi ngga daya bagŭ makat rawan Tapa, ka Manusia adi Arap anŭ adi taŭn re dog taran ka neraka, pinandŭng adŭp-i.

2 THESSALONICA 2:4

Ayŭh re rawan sopŭrŭg anŭ adi daya kadŭn tapa. Ayŭh re bada adŭp-i bikuasa dŭ so sopŭrŭg anŭ adi manusia nyambah. Rabis so anŭ, Ayŭh re mŭrŭt ka guru darŭm Ramin Tapa, ka kadŭn adŭp-i Tapa.

2 THESSALONICA 2:8

Komŭnŭ Manusia adi Arap anŭ re dog pinandŭng, pak kan Tuhan Jesus mandŭg, Ayŭh re siŭ ayŭh ngga asŭng adi ruah so baba-I ka pirabur ayŭh ngga pimandŭg-I adi bragah.

JOSHUA 22:22

“Adi Siabo Bikuasa inŭh Tapa! Ayŭh inŭh TUHAN! Adi Siabo Bikuasa inŭh Tapa! Ayŭh inŭh TUHAN! Ayŭh puan ani sabab kieh ndai simŭnŭ, ka kieh raan angān sua puan! Kambŭi kieh rawan TUHAN ka dŭh sabah di Ayŭh, dŭhnyah tandah kieh udip!

PINANDŬNG 10:7

Pak di andu malaikat anŭ adi numbor ju mambak trompet-i, Tapa re ngamas atur pinyiraan-I adi tian ti taŭn mbŭh rusia-I, adi-I ko kidaan di urun-I bara nabi.”

PINANDŬNG 12:14

Dayung anŭ mbŭh dog nggen duwŭh tibande urad beuh ngga-i mikabur ka tarun yŭn-i rŭŭ di tarun tana-pajam, di yŭn-i dog sita sitian taruh sawa sitangah, jo so serang naga anŭ.

PINANDŬNG 13:1

Komŭnŭ aku kiris ndi dāng ruah so rawŭt. Dāng anŭ biyŭn simŭng tanduk-i ka ju ubak; di tiap tanduk-i agi makota, ka di tiap ubak-i agi dŭn adi nggen mangŭh di Tapa.

PINANDŬNG 17:17

Amai Tapa mbŭh na darŭm atin ngara pinyiraan ngga ndai pinyiraan-I darŭm ndi atin buang nggen di dāng anŭ kuasa ngga mritah ndŭg ka pinganang Tapa jadi bitŭtŭk.

PINANDŬNG 17:3

Roh Kudus nguasa aku, ka malaikat anŭ taban aku ka tarun tana-pajam. Diginŭ aku kiris dayung guru di tunduh dāng adi bireh adi biyŭn dŭn dŭn adi pimangŭh Tapa dog nuris di ndi pŭrŭng ganan-i; dāng anŭ biyŭn ju ubak ka simŭng tanduk.