DANIEL 11:35 - Hakcipta - Biatah Bidayuh

³⁵ Kada so bara pinguru adi bijak anŭ re dog siŭ, pak so ka kayuh adi mun anŭ daya re dog pibisig. Kayuh anŭ re babŭ mun anŭ ndŭg ka pimungan-i, tika adi Tapa mbŭh miratak.

DANIEL 11:35 ပူးပေါင်းရင်းမြစ်များ

2 KRONIKEL 32:31

ndŭg ka kan bara pingarun adi daya Babylonia mandŭg di siken pasar kayuh saruh adi mbŭh jadi di tarun tana anŭ, Tapa tandah Hezekiah nggen pinyinam-i amai raan puan isi atin-i.

PITAS 17:3

Mas ngga pirak dog suba ngga apui, ka atin daya dog suba TUHAN.

ISAIAH 27:9

Pak dosa Israel re dog apun adŭ-i kan batuh mija-sambah daya adat karŭm mbŭh dog pirandŭk ndŭg ka asur mun dabu binyuh, ka mating tia mija-sambah kimanyan, bait tandā tandā pinatŭng tapa Asherah dŭm.

DANIEL 11:27

Komŭnŭ duwŭh naan raja anŭ re samah guru man di ndi mija, pak pinŭtŭn ngara re arap, ka re kadong dingan-i. Ngara dŭh re dapŭd kayuh adi ngara raan, sabab tipuh-i gibayuh mandŭg.

DANIEL 11:29

“Dŭh tui ripas anŭ ayŭh re nyerang Egypt, pak kari ati kayuh dŭh re mun adi mbŭh.

DANIEL 11:33

Pinguru pinguru adi bijak re kutung pinyibijak ngara ngga bagŭ daya. Pak agi gŭh andu-i kada so ngara re agi dog siŭ darŭm perang puan kah dog badang bada kabŭs, ka kada re dog mirupak ka jadi daya-takap.

DANIEL 11:40

“Kan tipuh raja Syria mbŭh re mungan, raja so Egypt re nyerang ayŭh, ka raja Syria re maras serang anŭ ngga sopŭrŭg kuasa-i, pakai krita krita kuda, dudu kuda, ngga dudu kapar. Ayŭh re nyerang bagŭ rais, mun piin uba nyarab.

DANIEL 12:3

Pinguru adi bijak re nyirinyak ngga sopŭrŭg jawa rangit. Ka ngara adi mbŭh ngajar bagŭ daya ndai kayuh adi batur re nyirinyak mun bitang ndŭg situi tui.”

DANIEL 12:4

Ayŭh nang di aku, “Ka madin, Daniel, tŭŭp surat anŭ ka na patis dieh isa-i birabŭt ndŭg andu sikasŭn. Sibayuh ndŭg tipuh anŭ, bagŭ daya re saat jam suba mirati kayuh adi mbŭh jadi.”

DANIEL 8:10

Ayŭh mbŭh jadi makin sukup bake ngga nyerang bara tibaran soldadu shorga, adi adŭp dudu bitang, ka-i taran kudu kudu bitang anŭ ka tana ka bidigang dieh.

DANIEL 8:17

Gabriel mandŭg ka mijog sindŭk aku, ka aku mbŭh raru taru ndŭg ka tumbang ka tana. Ayŭh nang di aku, “O manusia adi bisa kabŭs, mirati meh kayuh adi kuu kiris anŭ. Kayuh adi dog kiris anŭ inŭh pasar pimungan ong.”

DANIEL 8:19

ka nang, “Aku kiren di kuu kayuh adi jadi kan Tapa baji. Kayuh adi dog kiris anŭ inŭh pasar pimungan ong.

DANIEL 9:27

Pimritah anŭ re biyŭn pekat-janji adi takung ngga bara daya sitŭkŭd ju sawa, ka kan sitangah tipuh anŭ mbŭh ripuan, ayŭh re pirŭŭ sadis ngga pinganggen. Pinyembar adi Raru Sipŭ re dog na di yŭn adi siabo bigatung di Ramin TUHAN ka re babŭ diginŭ ndŭg ka sianŭ adi na-i diginŭ mbŭh dapŭd pimungan adi Tapa mbŭh sidia yŭn-i.”

HABAKKUK 2:3

Nuris-i, sabab gibayuh tika-i jadi bitŭtŭk. Pak tika-i re rikas mandŭg, ka kayuh adi Aku kiren di kuu re sawŭ jadi. Mun adi sais, pak kajŭn adŭ; kayuh anŭ manŭn re jadi, ka dŭh-i re dog pirambat.

ZECHARIAH 13:9

Ka Aku re suba utung adi taruh adi siramat ka re pibisig ngara mun pirak dog pibisig ngga apui. Aku re suba ngara mun suba mas. Ka ngara re bidua ka Aku, ka Aku re nam ngara. Aku re kidaan di ngara nang ngara inŭh daya Ku, ka ngara re ngaku Aku ati Tapa ngara.”

MATTHEW 16:17

“Bituah inŭh kuu, Simon anak John!” Jesus nam. “Pinyidapŭd mu anŭ dŭh-i so adŭp mu, pak mbŭh adŭp Sama Ku adi di shorga nggen di kuu.

MATTHEW 26:56

Pak sopŭrŭg ati mbŭh jadi siŭn kayuh adi bara nabi ko nuris di Surat-kudus jadi bitŭtŭk.” Komŭnŭ sopŭrŭg murid babak bu, tingge Ayŭh.

JOHN 15:2

Barang daan adi darŭm Aku adi dŭh buān Ayŭh japa, ka barang daan adi buān buwa Ayŭh pibisig isa-i buān rabis bagŭ buwa.

JOHN 20:25

Jadi bara murid adi bŭkŭn kidaan di ayŭh, “Kieh agi kiris Tuhan!” Thomas nang di ngara, “Kambŭi gibayuh kiris arit pasak di tangan-I, ka tama arit anŭ samŭn arit jarok di tigang-I, aku manŭn dŭh re sabah.”

PINGANDAI 13:13

Paul ngga bara dingan-i birayar so Paphos ka mandŭg ka Perga, kupo di Pamphylia, di yŭn John Mark bu tingge ngara ka pari ka Jerusalem.

DITRONOMI 8:16

Di tarun tana-pajam Ayŭh nggen manna di angān bada man, pinguman adi tayung-babuk ngan bŭn man. Ayŭh bada pimudip ngan jera ngga-I suba angān, isa di pinŭbŭn-i Ayŭh bisa nyiberkat angān ngga kayuh kayuh adi kana.

JAMES 1:2

Bara dingan ku, nyirundeng adŭp ngan mbŭh binasip kan barang masam pisuba dog angān,

PINANDŬNG 14:15

Komŭnŭ malaikat adi bŭkŭn ruah so Ramin Tapa ka nang ngga sirŭŭn bana di sianŭ adi guru di abun, “Pakai gayang Mai ka ngatŭm meh, sabab tika-i mbŭh mandŭg; ong mbŭh sukup masak yŭn dog ngatŭm!”

PINANDŬNG 17:17

Amai Tapa mbŭh na darŭm atin ngara pinyiraan ngga ndai pinyiraan-I darŭm ndi atin buang nggen di dāng anŭ kuasa ngga mritah ndŭg ka pinganang Tapa jadi bitŭtŭk.

PINANDŬNG 2:10

Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.

PINANDŬNG 7:14

“Aku dŭh puan, tuan. Kaam kidŭ-i puan,” aku nam. Ayŭh nang di aku, “Ngara inŭh adi ko kinyam sangsara pinyikisiis. Ngara muko ngu piraka ambu ngara da buda pakai deya Anak Biri.