DANIEL 11:21 - Hakcipta - Biatah Bidayuh

²¹ Malaikat pijuu kidaan: “Raja Syria adi ripas anŭ re daya adi arap ka daya adi dŭh biyŭn hak jadi raja, pak ayŭh re tapŭ mandŭg ka sirapas kuasa ngga tipu.

DANIEL 11:21 ပူးပေါင်းရင်းမြစ်များ

MAZMUR 15:4

Ngara ngamun daya adi Tapa tirawan, pak stabi di ngara adi tunda pinganang TUHAN. Ngara ari ndai kayuh adi ngara bijanji, dŭh kira rugi.

MAZMUR 55:21

Pinganang-i ruai nang nyibanyis, pak atin-i puno ngga tiru; pinganang-i nyarap keya ka inyo, pak-i kapŭg mun pedang adi reja.

ISAIAH 32:5

Daya budo re dŭh dog kadŭn daya adi dog stabi, ka daya pinipu re dŭh dog kadŭn jujur.

DANIEL 11:20

“Ayŭh re dog gati raja adi bŭkŭn, adi re pait ndi naan pingubak bada kinanyuh bara daya ngga suke ngga nambah pinyikaya pritah. Dŭh tui ripas anŭ raja anŭ re dog siŭ, pak dŭh so pinyipuan daya bagŭ puan kah darŭm perang.”

DANIEL 11:32

Ngga aran tipu raja re dapŭd batu so ngara adi mbŭh tagan adat ngara, pak ngara adi tunda Tapa re rawan ngara.

DANIEL 11:34

Di tipuh ngara dog siŭ, daya Tapa re kambat nisŭ pinurung, sunggu bagŭ adi sua ngga ngara batur-i ndai simŭnŭ ngga atin sibut adŭ.

DANIEL 11:7

Dŭh tui ripas anŭ, ndi so bara madis-i re jadi raja. Ayŭh re nyerang bara tibaran soldadu Syria, mŭrŭt kuta ngara, ka ngarah ngara.

DANIEL 4:17

Anŭ inŭh pingatur bara malaikat adi gringet ka adi marar bijaga. Jadi meh, isa-i sopŭrŭg daya di barang yŭn puan Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien, samŭn ngara adi siabo sŭ darŭm pangkat.’

DANIEL 7:8

Darŭm aku tingga tanduk tanduk anŭ, aku kiris tanduk adi siit ruah so asah tanduk tanduk anŭ. Tanduk anŭ nanggar taruh tanduk adi bŭkŭn. Tanduk siit anŭ biyŭn batŭh manusia ka baba manusia adi minyu gambung.

DANIEL 8:23

“Kan pimungan pritah pritah anŭ mbŭh sindŭk buang ngara mbŭh raru ginaka yŭn patut dog ukum, re agi raja adi baking, gaok, ka adi pinipu.

DANIEL 8:25

Sabab ayŭh pinipu, ayŭh re mujur di kraja tipu-i. Ayŭh re mingangŭn di adŭp-i ka bŭn diŭ kidaan di daya kan-i re pirabur daya. Ayŭh re natang gŭh Raja adi siabo bās, pak ayŭh re dog pirabur dŭh ngga kuasa manusia.

DANIEL 8:9

So ndi tanduk anŭ ruah ndi tanduk adi siit, adi biyŭn kuasa adi ngukap ka siratan ngga timor nuju Tarun Tana adi dog Janji.

NAHUM 1:14

Ati inŭh kayuh adi TUHAN mbŭh miratak pasar daya Assyria: “Ngara re dŭh biyŭn sesang adi re tubu asar ngara. Aku re pirabur tibudo tibudo adi darŭm bari-sambah tapa ngara. Aku mbŭh sidia kubur yŭn bara daya Assyria; ngara dŭh patut udip!”

1 SAMUEL 3:13

Aku muko kidaan di ayŭh nang Aku re ngukum rawang-i ndŭg jŭ amai anak anak dari-i muko minyu arap rawan Aku. Eli puan ngara agi ndai simŭnŭ, pak ayŭh dŭh kijaman ngara.