DANIEL 11:15 - Hakcipta - Biatah Bidayuh

¹⁵ Jadi raja so Syria re nyerang kupo adi bikuta ka sirabut-i. Bara soldadu Egypt dŭh re adu adu biperang; sirabi ka ngara adi siabo pandai biperang dŭh gŭh re tia sukup bake.

DANIEL 11:15 ပူးပေါင်းရင်းမြစ်များ

JEREMIAH 33:4

Aku, adi TUHAN, adi Tapa Israel, nang ramin ramin di Jerusalem ngga istana raja di Judah re rubuh amai dog nyikapung ka dog nyerang.

JEREMIAH 5:10

Aku re pait pinganyu bada pirusak teya anggor daya Ku, pak dŭh batur batur pirusak-i. Aku re bada ngara kadi daan daan-i, sabab daan daan anŭ dŭh jaku.

JEREMIAH 52:4

ka sabab anŭ Nebuchadnezzar mandŭg ngga sopŭrŭg tibaran bara soldadu-i ka nyerang Jerusalem di andu adi simŭng darŭm buran simŭng ngga sawa adi prii darŭm pinyipritah Zedekiah. Ngara bibari di sapa kupo, pijog sindung sindung ngga nyikapung-i,

JEREMIAH 6:6

TUHAN Bisa-pŭrŭg mbŭh nggen ukum bada raja raja tabŭng tŭngŭn tŭngŭn kayuh ka nugung tana ngga nyikapung Jerusalem. Ayŭh nang, “Aku re ngukum kupo ati sabab-i mbŭh puno ngga kraja pingandai kinanyuh.

EZEKIEL 17:17

Tibaran bara soldadu raja Egypt, adi raru bake re dŭh gŭh tungang turung ayŭh darŭm biperang kan bara daya Babylonia ndai tugung tana ka ndai parit parit ngga re siŭ bagŭ daya.

EZEKIEL 4:2

Komŭnŭ, ngga nyuto pinyikapung anŭ, ndai parit, ndai tugung tana, bari bari, ka betang betang kayuh pinumbuk maning-i.

DANIEL 11:14

Di tika anŭ bagŭ daya re rawan pritah raja Egypt. Ka kada so ngara adi ganas so bangsa mu, Daniel, re rawan pritah sabab kayuh adi dog kiris keya ka darŭm pŭmŭh, pak ngara re dog ngarah.

DANIEL 11:6

Kudu kudu sawa ripas anŭ raja Egypt re bipambit ngga raja so Syria ka bada anak dayung-i banan ngga raja anŭ. Pak pambit anŭ dŭh re tui, ka ayŭh, banŭh-i, anak-i, ngga bara urun adi tunda ayŭh re dog siŭ.

DANIEL 8:7

Aku tingga ayŭh nyerang dari biri anŭ. Ayŭh mbŭh raru baji ndŭg ka miradak ayŭh ka mata duwŭh tanduk-i. Dari biri anŭ dŭh biyŭn pinyibake ngga rawan. Ayŭh tiparak ka tana ka dog digang, ka mating daya tungang nyiramat ayŭh.

JOSHUA 1:5

Joshua, mating daya re tungang ngarah kuu sitŭkŭd kuu udip. Aku re agi ngga kuu nimun Aku agi ngga Moses. Aku re ari agi ngga kuu; Aku dŭh re tagan kuu.