Tibudo ngara dog marut ngga pirak so Spain ka ngga mas so Uphaz; sopŭrŭg-i mbŭh pingandai tukang adi sukup pandai. Piraka tibudo anŭ dog ndai so banang adi bēng ngga bēng adi tuuh dog nanun tukang tanun adi sukup pandai.
Nŭm naan daya rasu mandŭg so tiban-bās sapa Ramin TUHAN tura ka utara. Ayō ngara ndi naan daya nēn piraka banang linen, taban kayuh ngga nuris. Sopŭrŭg ngara mandŭg ka mijog sindŭk mija-sambah timaga.
Aku kiris ndi naan daya nunggang kuda bireh. Ayŭh rŭŭ di arong randa mirtel di dau, ka di punok-i agi kuda kuda adi bŭkŭn, adi bireh, adi bibatŭng, adi buda.
Darŭm Joshua gibabŭ sindŭk Jericho, gŭgŭh ka ayŭh kiris ndi naan daya mijog di sirung jawin-i, digŭng pedang. Joshua panu tudu ayŭh ka siken, “Kuu ndi naan so bara soldadu ami kah ndi naan so pinganyu ami?”