DANIEL 10:12 - Hakcipta - Biatah Bidayuh

¹² Komŭnŭ ayŭh nang, “Daniel, dŭhnyah taru. Tapa mbŭh dingah dua mu so andu mu pirapat adŭp mu an mirati kayuh adi dog kiris keya ka darŭm pŭmŭh anŭ. Aku mbŭh mandŭg jadi pinyinam yŭn dua mu.

DANIEL 10:12 ပူးပေါင်းရင်းမြစ်များ

MAZMUR 69:10

Aku pirapat adŭp ku ngga bipusa, ka daya pimangŭh aku;

ISAIAH 35:4

Kidaan di barang naan daya adi pinakut, “Nyiriang simangi ngan ka dŭhnyah taru! Tapa mandŭg di nyiramat angān, mandŭg di ngukum pinganyu ngan.”

ISAIAH 41:10

Dŭhnyah taru — Aku agi ngga angān! Aku ati Tapa ngan — dŭhnyah bada ani ani pitaru angān! Aku re bada angān bake ka turung angān; Aku re grindung angān ka nyiramat angān.

ISAIAH 41:14

TUHAN nang, “Sawŭ angān sŭ buang ramah, Israel, dŭhnyah taru; Aku re turung angān. Aku, adi Tapa kudus Israel, Aku inŭh adi nyiramat angān.

ISAIAH 58:9

Kan angān bidua, Aku re nggen pimite ngan. Kan angān bagan Aku, Aku re nam. “Kambŭi angān pirŭŭ kraja pingandai ngan adi kinanyuh daya, adi ngamun daya, adi kinarap daya;

ISAIAH 65:24

Diŭ so ngara ko bidua ka Aku, Aku re nam dua ngara.

DANIEL 10:11

Malaikat anŭ nang di aku, “Daniel, Tapa rindu kuu. Mijog ka dingah nakit kayuh adi re ku nang. Aku mbŭh dog pait ka yŭn mu.” Kan ayŭh mbŭh nang sakanŭ, aku makat mijog, babŭ kimŭtŭr.

DANIEL 10:19

Ayŭh nang, “Tapa rindu kuu, ka dŭhnyah kuu susah bait taru.” Kan ayŭh nang sakanŭ, aku kinyam adŭp ku bitambah rabis bake ka nang, “Tuan, kidaan di aku kayuh adi re mai nang. Kaam mbŭh nggen di aku pinyibake.”

LEVITICUS 16:29

Atur-adat ati dŭh siŭn dŭh adu adu dog sita: Di andu adi simŭng darŭm buran adi ju, daya Israel ngga daya pinami adi rŭŭ bigaur ngga ngara dŭh siŭn dŭh bipusa ka dŭh siŭn ndai tadŭ tadŭ mun kraja.

LEVITICUS 16:31

Andu anŭ siŭn jadi andu adi raru kudus, andu adi ngga ngara bipusa ka dŭh ndai tadŭ mun kraja. Atur-adat ati dŭh siŭn dŭh adu adu dog sita.

PINYIKIANG 29:7

Tikuruk simayang ngga andu adi simŭng darŭm buran adi ju. Dŭhnyah man, ka dŭhnyah gŭh nyiraja.

MATTHEW 28:10

“Dŭhnyah taru,” Jesus nang di ngara. “Panu di kidaan di bara jurud Ku da di ka Galilee, ka diginŭ ngara re kiris Aku.”

MATTHEW 28:5

Malaikat anŭ minyu di dayung dayung anŭ, “Angān dŭhsah taru,” ayŭh nang. “Aku puan angān jiroh Jesus, adi ko dog masak di rigang.

MARK 16:6

“Dŭhnyah taru,” ayŭh nang. “Aku puan angān jiroh Jesus so Nazareth, adi ko dog masak di rigang. Ayŭh mating digiti; Ayŭh mbŭh dog pakat so kabŭs! Tingga ati, yŭn ngara ko piguring Ayŭh.

LUKE 1:13

Pak Malaikat anŭ nang di ayŭh, “Dŭhnyah taru, Zechariah! Tapa mbŭh dingah dua mu; sawŭn mu re biranak ndi anak dari yŭn mu. Kuu siŭn kadŭn ayŭh John.

LUKE 1:30

Malaikat anŭ nang di ayŭh, “Dŭhnyah taru, Mary; Tapa mbŭh raru mandis ngga kuu.

LUKE 2:10

pak malaikat anŭ nang di ngara, “Dŭhnyah taru! Aku mandŭg taban agah kana ka angān, agah gaŭn ginanyŭn yŭn sopŭrŭg daya.

LUKE 24:38

Pak Ayŭh nang di ngara, “Mani angān taru? Mani angān kurang sabah?

PINGANDAI 27:24

Ayŭh nang, ‘Dŭhnyah taruh, Paul! Kuu dŭh siŭn dŭh bisara di sirung jawin Caesar. Ka Tapa, sabab pinyikana-I di kuu, re bada siramat sopŭrŭg adi birayar ngga kuu.’

PINANDŬNG 1:17

Kan aku kiris Ayŭh aku suman adŭp ku di kaja-I, mun adi kabŭs. Ayŭh na tangan tauh-I tama aku ka nang, “Dŭhnyah taru! Aku ati adi sibungas ngga adi sikasŭn.