COLOSSAE 3:9 - Hakcipta - Biatah Bidayuh

⁹ Dŭhnyah kadong dingan ngan, amai angān mbŭh taran pimudip amba samŭn sopŭrŭg pingandai-i

COLOSSAE 3:9 ပူးပေါင်းရင်းမြစ်များ

PITAS 13:5

Daya adi jujur tiru di pinganang kadong, pak pinganang daya ginaka nggen mangŭh.

ISAIAH 63:8

TUHAN nang, “Ngara inŭh daya Ku; ngara dŭh re nipu Aku.” Ngapŭi Ayŭh nyiramat ngara

LEVITICUS 19:11

“Dŭhnyah naku puan kah ngakar puan kah kadong.

ZEPHANIAH 3:13

Daya Israel adi babŭ udip re dŭh ndai sarah di daya, kadong daya, bait suba an nipu daya. Ngara re udip mujur ka bamai, ka dŭh taru daya.”

ZECHARIAH 8:16

Ati inŭh kayuh adi angān patut ndai: minyu kayuh adi sawŭ di dingan ngan. Di tarun yŭn bisara, minyu ngga pimanu pinyitŭnggŭn; anŭ inŭh kayuh adi taban damai.

JOHN 8:44

Angān inŭh bara anak sama ngan, Siarap; angān raan tunda pinyiraan-i. So sibungas-i ayŭh taŭn mbŭh pinyiŭ ka bŭn adŭ tura ka pinyawŭ, sabab mating pinyawŭ darŭm ayŭh. Kan ayŭh kadong, anŭ mbŭh taŭn tibiat adŭp-i, sabab ayŭh pingadong ka raja pingadong.

ROME 6:6

Ka ata puan nang pimudip amba ta mbŭh dog siŭ ngga Kristus di atuh rigang, siŭn kuasa pŭrŭng adi bidosa bisa dog pirabur, isa ata dŭh tia jadi urun dosa.

EPHESUS 4:22

Jadi taran meh pimudip ngan adi amba, adi bada angān mun adi mbŭh, anŭ inŭh rusak da pinyiraan ngga pingandai tipu-i.

EPHESUS 4:25

Dŭhnyah tia kadong! Barang naan dŭh siŭn dŭh nang kayuh adi sawŭ di dingan adi samah sabah di Jesus, sabab sopŭrŭg ta mbŭh samah darŭm ndi pŭrŭng Kristus.

COLOSSAE 3:8

Pak madin angān dŭh siŭn dŭh an taran sopŭrŭg ati: atin baji, pinyiripong ngga pinyiraan adi sarah, ka atin tiru. Dŭhnyah nang kayuh arap pasar daya, puan kah piruah pinganang adi dŭh patut nŭŭh nang.

1 TIMOTHY 1:10

yŭn daya adi dŭh tatu urah rakah-i, yŭn daya adi nyibŭŭs ngga dingan-i adi samah dari, yŭn daya adi nakap daya ngga bu an-i jua, yŭn daya adi pingadong ka yŭn daya adi nggen taksi kadong, puan kah adi ndai kayuh adi dŭh nanyam ka ajar adi batur.

PINANDŬNG 21:27

Pak mating kayuh adi sembar re bisa mŭrŭt ka darŭm kupo anŭ; dŭh gŭh daya adi ndai kayuh adi taban mangŭh puan kah daya pingadong re bisa mŭrŭt ka darŭm-i. Kaŭs-i ngara, adi dog nuris dŭn-i di surat Anak Biri di yŭn dŭn bara daya adi Tapa mbŭh mien dog nuris, bisa mŭrŭt kamanŭ. Surat anŭ inŭh surat dŭn bara Daya adi dog dapu Tapa.

PINANDŬNG 21:8

Pak ngara adi pinakut, adi nyipunok Jesus, adi sembar, adi pinyiŭ, adi udip darŭm pimudip adi dŭh tatu darŭm pingandai kais, adi ndai biruri karŭm, adi nyambah tibudo, samŭn sopŭrŭg adi pingadong; tarun yŭn ngara inŭh danu anŭ adi bijagu ngga apui ka mirirang, anŭ inŭh pinyikabŭs adi numbor duwŭh.”

PINANDŬNG 22:15

Pak di sapa kupo inŭh ngara adi sembar ngga adi ndai biruri karŭm, ngara adi dŭh tatu pimudip-i darŭm pingandai kais ka ngara adi pinyiŭ, ngara adi nyambah tibudo ka ngara adi pingadong darŭm piminyu ka darŭm pingandai.