COLOSSAE 3:4 - Hakcipta - Biatah Bidayuh

⁴ Pimudip ngan adi sawŭ inŭh Kristus ka kan Ayŭh pinandŭng adŭp-I, angān re nandŭng ngga Ayŭh ka sua dapu bragah-I!

COLOSSAE 3:4 ပူးပေါင်းရင်းမြစ်များ

MAZMUR 17:15

Pak aku re kiris Kaam, sabab aku mating ndai sarah; ka kan aku burah, Kaam agi ngga aku bada aku gaŭn.

MAZMUR 73:24

Kaam kayak aku ngga ajar Mai ka di pinŭbŭn-i Kaam re trima aku ngga stabi.

MATTHEW 13:43

Komŭnŭ bara daya adi ndai pinyiraan Tapa re nyirinyak mun batŭh andu darŭm Ong Bauh Tapa, adi Sama ngara. Dingah meh garang, kambŭi angān biyŭn kajit!

LUKE 17:30

Simŭnŭ inŭh kayuh re di andu Anak Manusia dog pinandŭng.

JOHN 11:25

Jesus nang di ayŭh, “Aku ati inŭh adi pakat daya so kabŭs ka adi nggen udip. Asi asi adi sabah di Aku, sunggu-i kabŭs, ayŭh re udip;

JOHN 14:3

Ka ripas Aku ko di sidia tarun yŭn ngan, Aku re pari di tambit angān yŭn adŭp Ku, isa angān agi ngga Aku.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 17:24

“Sama! Kaam mbŭh nggen ngara di Aku, ka Aku raan ngara agi ngga Aku di yŭn Ku rŭŭ, isa ngara bisa kiris bragah Ku, bragah adi Kaam mbŭh nggen di Aku; amai Kaam mbŭh rindu Aku sibayuh ong jadi.

JOHN 20:31

Pak sopŭrŭg ati dog nuris siŭn angān bisa sabah Jesus ati sawŭ Kristus, Anak Tapa, ka so ka pinyabah ngan angān bisa dapŭd udip adi sawŭ.

PINGANDAI 3:15

Angān siŭ sianŭ adi nggen aran nuju udip adi sawŭ, pak Tapa mbŭh pakat Ayŭh so kabŭs, ka kieh ati mbŭh bara saksi di kayuh anŭ.

ROME 8:18

Di rundeng ku kayuh adi ata naman di tipuh ati manŭn dŭh tungang dog danding ngga bragah adi re dog pinandŭng di ata.

ROME 8:19

Sopŭrŭg kayuh adi ko dog napa mbŭh graŭh kajŭn Tapa kiren asi bara anak-I.

1 CORINTH 1:7

adi bada angān biar dŭh kurang ndi berkat, darŭm angān kajŭn Tuhan ta Jesus Kristus dog pinandŭng.

1 CORINTH 15:43

Kan dog kubur ayŭh dŭh ramus buang ramah; kan dog pakat, ayŭh re ramus buang bake.

2 CORINTH 4:17

Ka pinyusah ami ati, adi siit buang adi dŭh tui kieh kinyam re taban bragah adi tan adu adu ka kieh, bās dŭ so pinyusah anŭ.

GALATIA 2:20

isa-i dŭh tia aku adi udip, pak adŭp Kristus udip darŭm aku. Pimudip ku madin inŭh so ka pinyabah ku di Anak Tapa, adi rindu aku ka adi mbŭh kabŭs yŭn ku.

PHILIPPI 3:21

Ayŭh re nukar pŭrŭng ta ati adi ramah adi re kabŭs da mun pŭrŭng adŭp-I adi bragah, pakai kuasa anŭ adi-I pakai ngga nguasa sopŭrŭg kayuh.

1 THESSALONICA 4:17

komŭnŭ ata adi udip di tika anŭ re dog nguruk ngga ngara di abun siŭn bidapŭd ngga Tuhan di rangit. Jadi ata meh re siraru agi ngga Tuhan.

1 TIMOTHY 6:14

ndai sopŭrŭg kayuh adi aku tijuan kuu ndai darŭm atin tŭtŭd ndŭg Andu anŭ adi ngga Tuhan Jesus Kristus nandŭng!

2 TIMOTHY 1:1

So Paul, adi pinyuruh Kristus Jesus so ka pinyiraan Tapa, adi dog pait da piagah pimudip adi Tapa ko bijanji an nggen, anŭ inŭh udip ndi ngga Kristus Jesus.

2 TIMOTHY 4:8

Ka madin mbŭh agi kajŭn aku, upah manang udip bamai ngga Tapa, adi Tuhan, arang adi tŭnggŭn, re nggen di aku di Andu anŭ. Dŭh di aku adŭ, pak di sopŭrŭg daya adi kajŭn, ngga pinyirindu, Ayŭh adi re tatŭng.

TITUS 2:13

darŭm ata kajŭn andu adi biberkat anŭ adi ata harap, adi ngga bragah Tapa bās ta ngga Pinyikudip ta, Jesus Kristus, re tatŭng.

HEBREW 9:28

Mun anŭ gŭh adŭp Kristus mbŭh dog jugan ndi sidah jadi sadis ngga ngarun dosa daya bagŭ. Ayŭh re mandŭg dinge, dŭh sitagar an ngatur dosa, pak an nyiramat ngara adi kajŭn Ayŭh.

1 PETER 1:13

Sabab anŭ meh, angān patut sidia. Bijaga buang na puno pingarap ngan di berkat anŭ adi re dog nggen di angān di andu Jesus Kristus dog pinandŭng.

1 PETER 5:4

Jadi kan Pingubak Pingingat-biri nandŭng, angān re kambat makota bragah adi dŭh re asab jawa-i.

1 JOHN 2:28

Sawŭ, bara anak ku, angān bijijŭ meh darŭm udip ndi ngga Ayŭh, isa di andu Ayŭh nandŭng, ata re pus ka dŭh sukan adŭp ta darŭm mangŭh so Ayŭh di Andu Ayŭh mandŭg.

1 JOHN 3:2

Angān adi aku rindu, madin ata mbŭh bara anak Tapa, pak gibayuh ata puan ani re ta jadi. Pak ata puan nang kan Kristus nandŭng, ata re mun Ayŭh, sabab ata re kiris munki Ayŭh sibandar-i.

1 JOHN 5:12

Asi asi adi biyŭn Anak biyŭn udip adi sawŭ anŭ; asi asi adi dŭh biyŭn Anak Tapa dŭh biyŭn udip anŭ.

JUDE 1:24

Jugan puji ka Tapa adi Pinyikudip ta sabab Tuhan ta Jesus Kristus! Tapa sadi adŭ adi tungang kingat angān isa angān dŭh rabu, ka bada angān bisig ka gaŭn di sirung jawin bragah-I. So jah diŭ so sopŭrŭg kayuh jadi, madin ka ndŭg situi tui, ka Tapa inŭh bragah, stabi, bisa-pŭrŭg, ngga kuasa. Amen

PINANDŬNG 2:7

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Di ngara adi mbŭh manang Aku re nggen hak da man buwa so tŭngŭn kayuh adi nggen udip, adi timbu di teya Tapa.

PINANDŬNG 22:1

Malaikat anŭ gŭh kiren di aku sungi adi nggen piin udip, adi bringam mun kristal. Piin anŭ aman so takta Tapa ngga takta Anak Biri

PINANDŬNG 22:14

Sanang inŭh ngara adi ngu piraka ambu ngara da bisig ka biyŭn hak man buwa so tŭngŭn kayuh adi nggen udip, ka mŭrŭt so tiban di ka darŭm kupo.