COLOSSAE 3:2 - Hakcipta - Biatah Bidayuh

² Bada pikir ngan di kayuh adi di shorga, dŭh di kayuh adi di ong.

COLOSSAE 3:2 ပူးပေါင်းရင်းမြစ်များ

1 KRONIKEL 22:19

Madin bituan meh di TUHAN adi Tapa mu ngga siabo atin ka ngga siabo simangi mu. Piguru pijog Ramin TUHAN, isa kuu dapŭd na di darŭm-i Pati Simanya TUHAN samŭn sopŭrŭg kayuh kudus adi dog pakai ngga nyambah Ayŭh.”

1 KRONIKEL 29:3

Ngga nambah anŭ, aku mbŭh nggen pirak ngga mas so buat-rata adŭp ku sabab pinyirindu ku di ramin Tapa.

MAZMUR 62:10

Dŭhnyah sabah di pinyiganas; dŭhnyah harap adŭp ngan dapŭd utung so kraja taku; sunggu pinyikaya ngan bitambah, dŭhnyah bisangan dieh.

MAZMUR 91:14

Tapa nang, “Aku re nyiramat ngara adi rindu Aku ka grindung ngara adi ngaku Aku TUHAN.

PITAS 23:5

Duit mu bisa miyap ngga ndi kidap batŭh, mun kah duit anŭ biyŭn urad ka mikabur bu mun beuh.

EKLISIASTIS 7:14

Kan kuu sanang, gaŭn meh; kan kuu susah, ingat nŭh sanang ngga susah mandŭg so Tapa. Manusia dŭh puan ani kayuh adi re jadi.

MATTHEW 16:23

Jesus bigiring ka nang di Peter, “Bu so Aku, Shetan! Kuu ati baka di aran Ku, sabab pikir-kira mu anŭ dŭh-i mandŭg so Tapa, pak so tibiat manusia.”

MATTHEW 6:19

“Dŭhnyah nugung buat-rata ngan di ong, di yŭn gŭgŭt ngga tagar bisa pirusak, ka pirupak bisa mirupak ka naku.

LUKE 12:15

Ka-I pijuu nang di sopŭrŭg ngara, “Jaga meh ka kingat adŭp ngan so barang masam pinyiripong; sabab udip ngan adi sawŭ dŭh-i so ka buat-rata adi angān biyŭn, kaya bait kani angān.”

LUKE 16:11

Jadi meh, kambŭi angān dŭh tŭtŭd darŭm ngatur kaya ong, simuki meh angān re bisa dog sabah di pinyikaya adi sawŭ?

PHILIPPI 1:23

Soduwŭh-i aku raan. Aku raru raan tingge pimudip ati ka rŭŭ samah ngga Kristus, adi taŭn kana dŭ;

COLOSSAE 3:1

Angān mbŭh dog pakat udip bauh ngga Kristus, jadi na meh atin ngan di kayuh adi di shorga, di yŭn Kristus agi guru di takta-I tura ka tauh Tapa.

COLOSSAE 3:5

Angān patut siŭ pinyiraan ong adi nguasa angān, mun pingandai kais, pimudip adi dŭh tatu, pinyiripong ngga pinyiraan adi sarah, ka tama (amai tama inŭh nyambah tibudo).