COLOSSAE 3:16 - Hakcipta - Biatah Bidayuh

¹⁶ Isa-i ajar Kristus darŭm sopŭrŭg pinyikana-i ngisi atin ngan. Ngajar ka pitayan dingan ngga sopŭrŭg pinyibijak. Nang ragu mazmur, nang nyanyi, ka ragu kudus; biragu ka Tapa ngga atin trima kaseh.

COLOSSAE 3:16 ပူးပေါင်းရင်းမြစ်များ

1 RAJA 3:28

Kan daya Israel dingah gaya Solomon matŭd itong, sopŭrŭg ngara mbŭh puno ngga stabi di ayŭh, amai ngara puan nang Tapa mbŭh nggen di ayŭh pinyibijak ngga nyirase kaii daya ngga tŭnggŭn.

1 KRONIKEL 25:7

Sopŭrŭg ngara adi 24 naan anŭ inŭh daya adi sukup pandai; ka dingan ngara adi samah daya Levi inŭh bara adi muko dog ngajar jadi daya tukang main musik. 288 naan prungun sopŭrŭg ngara.

NEHEMIAH 12:46

So jaman Raja David ngga pinyanyi Asaph adi jah, bara pinyanyi mbŭh nguru ragu puji ngga trima kaseh ka Tapa.

JOB 23:12

Aku ari ndai kayuh adi Tapa pesan; aku tunda pinyiraan-I, dŭh pinyiraan adŭp ku.

MAZMUR 119:11

Aku nyikŭn ukum-adat Mai darŭm atin ku, isa aku dŭh bidosa rawan Kaam.

MAZMUR 119:54

Darŭm pimudip purok ku di ong ati aku ndai ragu pasar pesan Mai.

MAZMUR 138:1

Aku nggen trima kaseh di Kaam, TUHAN, ngga siabo atin ku; aku nang ragu puji ka Kaam di sirung jawin bara tapa.

MAZMUR 28:7

TUHAN grindung ka ngibān aku; aku sabah di Ayŭh. Ayŭh turung aku ka bada aku gaŭn; aku muji Ayŭh ngga ragu gaŭn.

MAZMUR 32:7

Kaam inŭh yŭn ku bisukan; Kaam re nyiramat aku so pinyusah, aku bana biragu pasar pinyiramat Mai, sabab Kaam grindung aku.

MAZMUR 71:23

Aku re nyirais amai gaŭn darŭm aku main yŭn Mai; ngga siabo asŭng ku aku re biragu sabab Kaam mbŭh nyiramat aku.

PITAS 14:8

Mani daya adi pandai bijak? Sabab ayŭh puan kayuh adi an-i ndai. Mani daya adi budo tibudo bada budo bawa adŭp-i? Sabab ayŭh kaŭs-i pikir adŭp-i puan.

PITAS 18:1

Daya adi nyadi adŭp-i inŭh daya adi rada adŭp-i sadi; ngara nyakar sopŭrŭg kayuh adi daya bŭkŭn puan nang batur.

RAGU 1:1

Ragu adi siabo kana, so Solomon.

ISAIAH 10:2

Simŭnŭ inŭh angān kinarang daya sirata dapŭd hak ngara ka matŭn ngara dog ngatur ngga pinyitŭnggŭn. Simŭnŭ inŭh angān tambit buat-rata dayung uban ngga anak tumang.

ISAIAH 26:1

Andu-i re mandŭg adi ngga daya re nang ragu ati di tarun tana Judah: Kupo ta tagap! Adŭp Tapa kingat sindung-i!

ISAIAH 30:29

Pak angān, adi daya Tapa, re gaŭn ka biragu nimun di ngarŭm gawai adat. Angān re pawŭn nimun ngara adi panu ngga jawŭn ragu dog mambak ngga tirari di aran nuju Ramin TUHAN, adi pingibān Israel.

ISAIAH 5:1

Dingah darŭm aku nang ragu ati, ragu jerā ku ngga teya anggor-i: Jerā biyŭn teya anggor di sandah adi raru damŭn.

JEREMIAH 15:16

Kaam minyu ngga aku, ka aku dingah barang bang piminyu Mai. Aku ati jamai, TUHAN Tapa Bisa-pŭrŭg, ngapŭi meh pinganang Mai bada atin ku gaŭn ka sanang.

MATTHEW 26:30

Komŭnŭ ngara nang ndi nyanyi, ka ripas anŭ ngara ruah di ka Sandah Kanā.

LUKE 2:51

Jadi Jesus pari ngga ngara ka Nazareth, di yŭn-I nundok di ngara. Sindŭ-I nyikŭn sopŭrŭg kayuh ati darŭm atin-i.

JOHN 15:7

Kambŭi angān rŭŭ darŭm Aku ka pinganang Ku rŭŭ darŭm angān, angān bisa mite tadŭ tadŭ kayuh adi angān raan, ka angān re dapŭd-i.

ROME 10:17

Jadi meh, pinyabah mandŭg so dingah agah anŭ, ka agah anŭ mandŭg darŭm kieh nyuse Kristus.

ROME 15:14

Bara dingan ku: Aku taŭn puan angān mbŭh raru kana, puan sopŭrŭg kayuh adi angān patut ngajar di dingan ngan.

1 CORINTH 14:15

Ani re ku ndai garang? Aku re bidua ngga roh ku, pak aku re bidua gŭh ngga pikir ku; aku re biragu ngga roh ku, pak aku re biragu gŭh ngga pikir ku.

1 CORINTH 14:26

Ati inŭh kayuh adi aku nang, bara dingan ku. Kan angān tikuruk simayang, agi tukang nyanyi, agi tukang ngajar, agi tukang nggen pinandŭng so Tapa, agi tukang piagah agah so Tapa darŭm piminyu saruh, ka agi tukang kidaan rati kayuh adi dog nang. Sopŭrŭg kayuh dŭh siŭn dŭh ngga turung eklisia.

EPHESUS 1:17

buang mite Tapa Tuhan ta Jesus Kristus, Sama adi bragah, nggen di angān Roh Kudus adi re bada angān bijak buang pinandŭng Tapa di angān, isa angān bisa puan Ayŭh.

EPHESUS 5:17

Dŭhnyah budo, pak suba jiroh ani anŭ adi Tuhan raan angān ndai.

EPHESUS 5:19

Minyu ngga dingan ngan ngga pinganang mazmur, pinganang nyanyi, ka ngga pinganang ragu kudus; ka nang nyanyi ngga mazmur ka Tuhan ngga atin adi gaŭn.

EPHESUS 5:26

Ayŭh ndai simŭnŭ ngga bada eklisia jadi kudus ngga pinganang-I, ripas-I ko ngu-i da bisig di piin,

COLOSSAE 1:28

Jadi kieh nyuse Kristus di barang naan daya. Ngga situngang tungang darŭm sopŭrŭg pinyibijak kieh bakan ka ngajar ngara siŭn tungang taban ngara ka sirung jawin Tapa nimun daya adi mbŭh sukup mirati darŭm udip ndi ngga Kristus.

COLOSSAE 1:9

Sabab anŭ meh, kieh mbŭh siraru simayang yŭn ngan, so andu kieh dingah pasar angān. Kieh mite Tapa ngisi angān ngga pinyipuan pasar pinyiraan-I, ngga sopŭrŭg pinyibijak ngga pinyimirati adi Roh-I nggen.

COLOSSAE 4:6

Piminyu pinganang ngan patut mandis buang adi suka daya dingah, ka angān patut nggen pinyinam adi batur di daya.

1 THESSALONICA 1:8

Amai dŭh-i agah pasar Tuhan so angān adŭ adi kambang di ndi tarun tana Macedonia ngga Achaia, pak agah pasar pinyabah ngan di Tapa mbŭh kambang di barang yŭn gŭh. Jadi kieh dŭhsah nang ani ani.

1 THESSALONICA 4:18

Ngapŭi meh, ngatat dingan ngan ngga pinganang sakati.

2 THESSALONICA 3:15

Pak dŭhnyah ndai ngara da mun pinganyu ngan; bakan buang ngajar ngara mun ngga dingan ngan adi sabah.

1 TIMOTHY 6:17

Nakit ngajar ngara adi kaya di kayuh ong siŭn dŭh jadi gambung, pak na pingarap ngara, dŭh di kayuh adi dŭh tan tui mun pinyikaya, pak di Tapa, adi ngga pinyikana-I mbŭh nggen sopŭrŭg kayuh di ata yŭn udip sanang.

2 TIMOTHY 3:15

ka kuu ingat so mu gi-sŭ kuu mbŭh puan Surat-kudus, adi bisa nggen di kuu pinyibijak adi ngga kuu dapŭd pinyiramat so ka pinyabah di Kristus Jesus.

TITUS 3:6

Tapa mbŭh ren Roh Kudus di ata ngga sibagŭ bagŭ-i so ka Jesus Kristus Pinyikudip ta,

JAMES 1:5

Pak kambŭi agi so angān dŭh biyŭn pinyibijak, ayŭh patut bidua ka Tapa, adi an nggen-i di ayŭh; sabab Tapa inŭh adi an nggen ngga siabo asŭng-I di sopŭrŭg daya.

JAMES 3:17

Pak pinyibijak adi so sambu, inŭh bisig, pinyidamai, duduh, ka pinyijerā; ayŭh puno ngga pinyirasi ka pijadi pingandai kana; dŭh-i napŭ daya, dŭh-i nyibudo daya.

JAMES 5:13

Agi kah di dupan ngan daya dog pinyusah? Ngara patut simayang. Agi kah adi gaŭn? Ngara patut biragu ragu puji.

1 JOHN 2:14

Aku nuris ka angān, bara anak ku, sabab angān puan Sama. Aku nuris ka angān, adi bara sama, sabab angān puan Ayŭh agi so sibungas-i. Aku nuris ka angān, bara dari adi mara, sabab angān bake; pinganang Tapa rŭŭ darŭm angān, ka angān mbŭh ngarah Siarap anŭ.

1 JOHN 2:24

Ingat meh, angān an nyikŭn darŭm atin ngan agah anŭ adi angān ko dingah so sibungas-i. Kambŭi angān bidigŭng di agah anŭ, angān re siraru udip ndi ngga Anak ka ngga Sama.

1 JOHN 2:27

Pak mun angān, Kristus ko ren Roh-I di angān. Sitŭkŭd Roh-I babŭ darŭm angān, angān dŭh biguna di daya da ngajar angān. Amai Roh-I ngajar angān pasar sopŭrŭg kayuh, ka kayuh adi-I ngajar agi sawŭ, dŭh kayuh kadong. Tunda meh garang ajar Roh anŭ, ka bijijŭ darŭm udip ndi ngga Kristus.

2 JOHN 1:2

sabab Tapa agi darŭm atin ta ka re adu adu agi ngga ata.

PINANDŬNG 14:3

144,000 naan daya mijog nura takta, pat dāng udip, ka bara nyamba; ngara biragu nang ragu bauh, adi ngara sadi adŭ bisa birajar. So ndi rayat rayat manusia ngara sadi adŭ adi mbŭh dog nyiramat.

PINANDŬNG 15:3

ka biragu ragu Moses, adi urun Tapa, ngga ragu Anak Biri: “Tuhan Tapa Bisa-pŭrŭg, munki masam bās ka grua inŭh pingandai Mai! Raja barang bangsa, munki masam batur ka sawŭ inŭh pingatur Mai!

PINANDŬNG 19:10

Aku sidikang di kaja-i re nyambah ayŭh, pak ayŭh nang di aku, “Dŭhnyah simŭnŭ! Aku ati urun mun kuu gŭh, mun bara adi bŭkŭn adi sabah, sopŭrŭg adi bidigŭng tagap di ajar adi sawŭ adi dog pinandŭng Jesus. Nyambah Tapa nŭh!” Ajar adi sawŭ adi Jesus pinandŭng inŭh adi nyibake bara nabi.

PINANDŬNG 5:9

Ngara nang ragu adi bauh: “Kaam inŭh adi sadang kana tambit surat-barun anŭ ka kuka patis patis-i. Amai Kaam ko dog siŭ, ka ngga pinyikabŭs Mai adi sadis Kaam mbŭh miris yŭn Tapa daya so barang tibaran-asar, piminyu, rais, ngga bangsa.