COLOSSAE 3:12 - Hakcipta - Biatah Bidayuh

¹² Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

COLOSSAE 3:12 ပူးပေါင်းရင်းမြစ်များ

ISAIAH 42:1

TUHAN nang, “Ati inŭh urun ku, adi Aku nyibake — adi Aku mbŭh mien; di ayŭh asŭng Ku munos. Aku mbŭh nggen di ayŭh kuasa Ku, ka ayŭh re taban pinyitŭnggŭn ka barang bangsa.

ISAIAH 45:4

Aku tijuan kuu bada turung urun Ku Israel, daya adi Aku mbŭh mien. Aku mbŭh nggen stabi di kuu, sunggu kuu dŭh puan Aku.

ISAIAH 63:15

TUHAN, tingga kieh so shorga, di yŭn Kaam rŭŭ darŭm pinyikudus ngga bragah Mai. Mbŭh dŭh kah Kaam mbit piduri pasar kieh? Diki kuasa Mai? Diki pinyirindu ngga masi Mai? Kaam nyipunok kieh kah?

ISAIAH 65:9

Aku re nyiberkat bara daya Israel adi so tibaran-asar Judah, ka sesang ngara re dapŭd tarun tana darŭd Ku. Daya adi Aku mbŭh mien, adi bituan di Aku, re rŭŭ diginŭ.

JEREMIAH 31:20

“Israel, kuu inŭh anak pinuai Ku, anak adi Aku nyirot. Tiap kari Aku nyabŭt dŭn mu Aku ingat kuu ngga pinyirindu. Atin Ku inŭh di kuu; Aku re masi di kuu.

JEREMIAH 31:3

Aku nandŭng di ngara so jo. Daya Israel, Aku ari rindu angān, jadi Aku re kiren di angān pinyirindu Ku adi dŭh bisa birubah.

EZEKIEL 16:8

“Darŭm Aku panu murah, Aku rada tipuh-i mbŭh mandŭg adi ngga mu biawang. Aku nutu pŭrŭng ganan mu adi babŭ dah dah ngga jipo-tunduh Ku ka bijanji an awang kuu. Sawŭ, Aku ndai simanya sawan ngga kuu, ka kuu jadi jaku.” Anŭ inŭh kayuh adi TUHAN Raja nang.

MATTHEW 24:22

Pak Tapa muko pisigŭt tipuh-i; kambŭi dŭh, mating manusia dŭm. Amai sitagar daya adi-I ko mien, Tapa sunggu mŭnŭ re pisigŭt tipuh anŭ.

MATTHEW 24:24

Amai bara Kristus kadong ka bara nabi kadong re timbur; ngara re ndai pingandai-nginga ka pingandai-saruh ngga nipu ndŭg ka bara daya adi Tapa mbŭh mien ani, kambŭi tungang.

MATTHEW 24:31

Trompet bās re jawŭn, ka Ayŭh re pait bara malaikat-I ka pat sikuh ong, ka ngara re nguruk daya adi-I ko mien so ong, so tŭbŭn ndi ndŭg tŭbŭn andi.

MARK 13:20

Pak Tuhan mbŭh pisigŭt tipuh-i; kambŭi dŭh, mating manusia dŭm. Sitagar bara daya adi-I ko mien, Ayŭh pisigŭt tipuh anŭ.

MARK 13:22

Amai bara Kristus kadong ka nabi kadong re timbur. Ngara re ndai pingandai-nginga ka pingandai-saruh ngga situngang tungang-i ngga kinanyap sopŭrŭg daya, rabis-i ngara adi Tapa mbŭh mien.

MARK 13:27

Ayŭh re pait bara malaikat ka pat sikuh ong da nguruk bara daya adi Tapa mbŭh mien so ong, so tŭbŭn ndi ndŭg tŭbŭn andi.

LUKE 1:78

Tapa ta masi buang duduh. Amai an nyiramat ata, Ayŭh re mandŭg. Keya ka pinusak batŭh andu

LUKE 18:7

Dŭh kah meh Tapa re an turung daya-I adi dŭh ko ko mite turung so Ayŭh sandu singarŭm? Re sais kah Ayŭh turung ngara?

ROME 1:7

Ngapŭi madin aku nuris ka angān adi di Rome, adi Tapa rindu ka mbŭh bagan da jadi daya-I: Isa-i Tapa Sama ta ngga Tuhan ta Jesus Kristus nggen di angān pinyirasi-mandis ngga damai.

ROME 13:14

Pak bada Tuhan Jesus Kristus jadi pinyigrindung ngan, ka dŭh tia nurut pinyiripong tibiat pŭrŭng ngan adi bidosa ngga pimunos adŭp ngan.

ROME 9:11

Pak ngga kiren ndi naan so ngara duwŭh mbŭh pimien Tapa, Tapa nang di Rebecca, “Anak pinuai re bituan di sude.” Ayŭh nang sakanŭ diŭ so ngara dog biranak, diŭ so ngara ndai kayuh adi kana puan kah kayuh adi arap. Jadi pingatur Tapa inŭh bisangan di pinyibagan-I, dŭh so tadŭ kayuh adi ngara ko ndai.

1 CORINTH 13:4

Pinyirindu inŭh sabar ka mandis; pinyirindu dŭh-i sina puan kah miruap ka sambuh;

2 CORINTH 6:6

Ngga pimudip bisig ami, ngga pinyipuan, ngga atin sabar, ka ngga atin mandis kieh mbŭh kiren adŭp ami urun Tapa. Roh Kudus agi ngga kieh, ka pinyirindu ami taŭn sawŭ.

GALATIA 5:6

Amai kan ata mbŭh ndi ngga Kristus Jesus, bisunat bait dŭh ata anŭ mbŭh dŭh biguna tia; adi biguna inŭh pinyabah adi taban pinyirindu.

EPHESUS 1:4

Sibayuh ong ati dog napa, Tapa mbŭh mien ata da jadi tung adŭp-I so ka udip ndi ta ngga Kristus, isa ata bisa jadi kudus mating takar sarah di sirung jawin-I. Sabab pinyirindu-I

EPHESUS 4:2

Angān an siraru pirapat adŭp ngan, duduh ngga daya, ka sabar ngga daya. Turung dingan ngan ngga pinyirindu.

EPHESUS 4:24

ka adŭp ngan dŭh siŭn dŭh an kasŭk pimudip adi bauh, adi dog napa nunda ka gayŭn Tapa ka nandŭng adŭp-i darŭm pimudip adi sawŭ, anŭ inŭh adi tŭnggŭn buang kudus.

EPHESUS 4:32

Pak, mandis ngga dingan ngan, ka apun dingan ngan nimun Tapa so Kristus mbŭh apun angān.

PHILIPPI 1:8

Tapa puan pinganang ku sawŭ kan aku nang pinyirindu ku di angān agi mandŭg so atin adŭp Kristus Jesus.

COLOSSAE 3:10

ka mbŭh jadi daya bauh adi Tapa taŭn ari pibauh darŭm gayŭn adŭp-I adi pinapa-i. Ngga simŭnŭ inŭh angān bisa puan Tapa ngga sipuno-i.

1 THESSALONICA 5:15

Dŭhnyah angān maras arap ngga arap, pak isa-i barang naan angān gruwŭn ndai kana di dingan ngan ka di sopŭrŭg daya.

2 TIMOTHY 1:9

Ayŭh mbŭh nyiramat buang mbŭh bagan ata da jadi daya-I, dŭh sabab kayuh adi ko ta ndai, pak sabab pinŭtŭn ngga pinyirasi-mandis adŭp-I. Ayŭh mbŭh, ngga Kristus Jesus, nggen di ata pinyirasi mandis-I diŭ so ong dog napa,

2 TIMOTHY 2:10

Ngapŭi aku nyijŭn sopŭrŭg-i yŭn kana bara daya adi Tapa mbŭh mien, siŭn ngara dapŭd pinyiramat adi mandŭg so ka Kristus Jesus samah ngga bragah adi tan adu adu.

TITUS 1:1

So Paul, adi urun Tapa ka pinyuruh Jesus Kristus. Aku mbŭh dog mien ka dog pait da turung nagap pinyabah bara daya adi Tapa mbŭh mien ka nyiruton ngara siŭn ngara natŭng ajar adi sawŭ adi dog ngajar adat ta,

1 PETER 1:2

Angān mbŭh dog mien nanyam ka pinŭtŭn Tapa Sama, ka mbŭh dog ndai Roh-I jadi daya kudus, da nundok di Jesus Kristus ka dog pibisig ngga deya-I. Isa-i Tapa nggen pinyirasi-mandis ngga damai di angān ngga sipuno-i.

2 PETER 1:10

Jadi meh, bara dingan ku, angān dŭh siŭn dŭh ngga situngang ngan kiren darŭm pimudip ngan Tapa sawŭ ko bagan ka mien angān. Kambŭi angān ndai simŭnŭ, angān dŭh re udah pasan pinyabah ngan;

1 JOHN 4:19

Ata rindu sabab Tapa diŭ rindu ata.

2 JOHN 1:13

Bara anak Jurud dayung mu pait tabi ka kuu.

PINANDŬNG 17:14

Ngara re birawan ngga Anak Biri; pak Anak Biri, ngga bara adi-I ko mien, bara adi sabah, re ngarah ngara, sabab Ayŭh inŭh Tuhan di tunduh sopŭrŭg tuhan ka Raja di tunduh sopŭrŭg raja.”