COLOSSAE 3:11 - Hakcipta - Biatah Bidayuh

¹¹ Ka darŭm-i mun anŭ, re mating katŭn daya bangsa Greek ngga daya bangsa Jahudi, bisunat ngga adi dŭh bisunat, bangsa tami, bangsa daya adi babŭ amba aran pimudip-i, daya urun bait adi dŭh urun, pak Kristus mbŭh sopŭrŭg-i ka mbŭh agi darŭm sopŭrŭg.

COLOSSAE 3:11 ပူးပေါင်းရင်းမြစ်များ

MAZMUR 117:2

Pinyirindu-I di ata inŭh bās ka pinyitŭtŭd-I inŭh tan adu adu. Muji meh TUHAN!

ISAIAH 49:6

TUHAN nang di aku, “Aku biyŭn kraja adi rabis bās yŭn mu, urun Ku. Dŭh-i kuu re bada pari bās adŭ daya Israel adi babŭ udip, pak Aku re bada kuu jadi jawa ani yŭn bangsa bangsa; isa sopŭrŭg daya di ong dapŭd dog nyiramat.”

ISAIAH 52:10

TUHAN re pakai kuasa kudus-I; Ayŭh re nyiramat daya-I, ka sopŭrŭg daya di ong re kiris-i.

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

EZEKIEL 47:22

Tana anŭ, angān adu adu dapu. Daya tami adi rŭŭ di ruang ngan ka adi mbŭh biyŭn anak adi dog biranak di rais ati an dog nggen gŭh tung ngara utung kan kuu kutung tana anŭ. Ngara an dog nyirundeng tigŭrŭ daya Israel ka siŭn sua taran dadu ngga dapŭd utung tana samah tibaran tibaran-asar Israel.

HOSEA 2:23

Aku re pijog daya Ku di tarun tana anŭ ka bada ngara mujur. Aku re masi di ngara adi dog kadŭn ‘Dŭh-dog-masi’, ka di ngara adi dog kadŭn “Dŭh daya Ku” Aku re nang, “Angān daya Ku,” ka ngara re nam, “Kaam inŭh Tapa ami.”

AMOS 9:12

Daya Israel re sirabut tana Edom adi dŭm, ka sopŭrŭg rais adi muko Aku dapu dawŭ-i,” nang TUHAN, adi re bada-i jadi simŭnŭ.

MICAH 4:2

ka bara daya-i re nang, “Ja maad sandah TUHAN, di ka Ramin TUHAN adi Tapa Israel. Ayŭh re ngajar ata kayuh adi Ayŭh raan ata ndai; ata re panu kadŭg aran adi Ayŭh mbŭh mien. Amai ajar TUHAN mandŭg so Jerusalem; so Zion Ayŭh minyu ngga daya-I.”

ZECHARIAH 2:11

Di tika anŭ bagŭ bangsa re mandŭg ka TUHAN ka jadi daya-I. Ayŭh re rŭŭ di ruang ngan, ka angān re puan nang Ayŭh inŭh adi pait aku ka angān.

MALACHI 1:11

Daya so bŭngŭn ong di parad ndi ndŭg bŭngŭn ong di parad andi stabi di Aku. Di barang yŭn ngara badang kimanyan ka Aku, ka jugan sadis adi patut dog trima. Sopŭrŭg ngara stabi di Aku!

JOHN 14:23

Jesus nam ayŭh, “Asi asi adi rindu Aku re tunda ajar Ku. Sama Ku re rindu ayŭh, ka Sama Ku ngga Aku re mandŭg ka rŭŭ darŭm ayŭh.

JOHN 15:5

“Aku inŭh tŭngŭn anggor, ka angān inŭh bara daan-i. Kambŭi daya rŭŭ darŭm Aku, ka Aku darŭm ngara, ngara re buān bagŭ buwa; amai angān dŭh bisa ndai ani ani kambŭi dŭh so Aku.

JOHN 17:23

Aku darŭm ngara ka Kaam darŭm Aku, isa ngara bisa batur jadi ndi, ka isa ong bisa puan nang Kaam mbŭh pait Aku ka puan nang Kaam rindu bara pinunda Ku nimun Kaam rindu Aku.

PINGANDAI 15:17

Ka sopŭrŭg bangsa bŭkŭn re mandŭg ka Aku, sopŭrŭg daya adi dŭh bangsa Jahudi adi Aku mbŭh bagan da jadi tung jaku.

PINGANDAI 28:2

Daya adi rŭŭ di purau anŭ mbŭh raru kana ngga kieh. Nganŭ gŭh andu mbŭh piguru ujen ka mbŭh madud, jadi ngara ndai apui ka kambat kieh sopŭrŭg.

PINGANDAI 28:4

Daya purau anŭ kiris jippŭh anŭ bikideng di tangan Paul, minyu dupan adŭp ngara, “Manyah-i daya ati pinyiŭ. Sunggu ayŭh tungang rupas so pinyusah rawŭt, nasip-i taŭn ayŭh re kabŭs.”

ROME 1:14

Amai aku biyŭn pinura adi dŭh siŭn dŭh aku ndai yŭn sopŭrŭg bangsa daya, di daya adi biradat ngga daya adi dŭh biradat, di daya adi pitar-pandai ngga daya adi dŭh pitar-pandai.

ROME 10:12

Pinganang anŭ yŭn sopŭrŭg daya, adi bangsa Jahudi ngga adi dŭh bangsa Jahudi, sabab sopŭrŭg ngara brimun; Tapa inŭh ndi Tuhan yŭn sopŭrŭg daya ka nyiberkat sopŭrŭg daya adi mite turung so Ayŭh.

ROME 3:22

Tapa bada daya bamai ngga adŭp-I so ka pinyabah ngara di Jesus Kristus. Tapa ndai simŭnŭ di sopŭrŭg daya adi sabah di Kristus, sabab sopŭrŭg mbŭh brimun di batŭh Tapa:

ROME 3:29

Agi kah Tapa anŭ Tapa daya Jahudi adŭ? Dŭh kah Ayŭh Tapa daya adi dŭh bangsa Jahudi ani? Ayŭh taŭn-I sawŭ Tapa daya adi dŭh bangsa daya Jahudi ani.

1 CORINTH 12:13

Simŭnŭ gŭh sopŭrŭg ta, bait-i ata daya Jahudi puan kah adi dŭh bangsa Jahudi, bait-i daya urun puan kah daya bebas, mbŭh dog baptisa Roh ndi anŭ ka darŭm ndi pŭrŭng anŭ. Tapa mbŭh nggen ndi Roh anŭ di ata da nok.

1 CORINTH 14:11

Pak kambŭi aku dŭh puan piminyu anŭ adi dog pakai, ngara adi minyu-i mbŭh keya ka daya tami di aku, ka aku daya tami di ngara.

1 CORINTH 7:19

Amai bait-i ko puan kah bayuh bisunat daya anŭ, kayuh anŭ dŭh mani; kayuh adi biguna inŭh tunda Pinyipesan Tapa.

GALATIA 2:20

isa-i dŭh tia aku adi udip, pak adŭp Kristus udip darŭm aku. Pimudip ku madin inŭh so ka pinyabah ku di Anak Tapa, adi rindu aku ka adi mbŭh kabŭs yŭn ku.

GALATIA 5:6

Amai kan ata mbŭh ndi ngga Kristus Jesus, bisunat bait dŭh ata anŭ mbŭh dŭh biguna tia; adi biguna inŭh pinyabah adi taban pinyirindu.

EPHESUS 1:23

Eklisia inŭh pŭrŭng Kristus, adi mbŭh pinyukup-I adi nyukup sopŭrŭg kayuh di barang yŭn.

EPHESUS 2:14

Amai adŭp Kristus mbŭh taban damai ka ata darŭm-I bada daya bangsa Jahudi ngga daya adi dŭh bangsa Jahudi jadi ndi bangsa. Ngga pŭrŭng adŭp-I Ayŭh mbŭh nyirubuh sindung baat adi nyibarai ngara ka adi bada ngara jadi pinganyu.

EPHESUS 2:15

Ayŭh mbŭh taran Ukum-adat Jahudi samŭn sopŭrŭg pinyipesan ngga atur atur-i, siŭn-I pijadi ndi bangsa adi bauh so so-duwŭh bangsa anŭ darŭm udip ndi ngga Ayŭh; ka darŭm ndai simŭnŭ pijadi damai.

EPHESUS 3:17

ka aku simayang gŭh mite Kristus rŭŭ darŭm atin ngan so ka pinyabah ngan di Ayŭh. Aku simayang mite sopŭrŭg kraja pingandai ngan bisangan di pinyirindu,

EPHESUS 3:6

Rusia anŭ inŭh, so ka Agah Kana daya adi dŭh bangsa Jahudi mbŭh sua dapu utung di berkat Tapa ngga bara daya Jahudi; ngara mbŭh sua darŭm ndi pŭrŭng anŭ ka sua dapu kayuh adi Tapa ko bijanji an nggen so Kristus Jesus.

EPHESUS 6:8

Ingat nŭh, Tuhan re ngupah barang naan daya, bait-i urun bait-i dŭh urun, yŭn kraja kana-i.

COLOSSAE 2:10

ka angān mbŭh dog nggen ngga sipuno-i udip adi sawŭ darŭm angān udip ndi ngga Ayŭh. Ayŭh mbŭh di tunduh sopŭrŭg roh adi bikuasa ngga adi mritah.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.

2 JOHN 1:9

Daya adi dŭh bidigŭng di ajar Kristus, ka mbŭh miriseu, daya anŭ dŭh biyŭn Tapa. Asi asi adi bidigŭng dieh, biyŭn Sama ngga Anak.