COLOSSAE 3:10 - Hakcipta - Biatah Bidayuh

¹⁰ ka mbŭh jadi daya bauh adi Tapa taŭn ari pibauh darŭm gayŭn adŭp-I adi pinapa-i. Ngga simŭnŭ inŭh angān bisa puan Tapa ngga sipuno-i.

COLOSSAE 3:10 ပူးပေါင်းရင်းမြစ်များ

TIBIRIK 5:1

Ati inŭh susud sesang Adam. (Di andu Tapa napa manusia, Ayŭh napa ngara nunda gayŭn adŭp-I.

JOB 29:14

Aku ari mandis buang tŭnggŭn.

MAZMUR 51:10

Ndai atin bisig di aku, O Tapa, ka bada aku tŭtŭd dinge.

ISAIAH 52:1

Jerusalem, pari bake ka bās dinge! Kupo adi kudus, kibarui adŭp mu ngga piraka mu adi sangŭn! Daya tami adi ko pirusag kupo kudus mu re dŭh tia mŭrŭt kuu dinge.

ISAIAH 59:17

Ayŭh re pakai pinyitŭnggŭn ndu jipo basi ka kuasa nyiramat ndu tupi basi. Ayŭh re kibarui adŭp-I ngga pinyiraan an bada kayuh batur, ka ngukum ka ngatur diki adi sarah.

EZEKIEL 11:19

Aku re nggen di ngara atin adi bauh ka pikir adi bauh. Aku re gati atin ngara adi baking mun batuh ngga atin adi nundok.

EZEKIEL 18:31

Pasan sopŭrŭg arap adi angān mbŭh ndai, ka bada pikir ngga atin ngan jadi bauh. Mani angān daya Israel raan kabŭs?

EZEKIEL 36:26

Aku re nggen di angān atin adi bauh ka pikir adi bauh. Aku re tambit atin tangek ngan adi mun batuh so angān ka nggen di angān atin adi nundok.

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

ROME 12:2

Dŭhnyah bada adŭp ngan mun daya di ong ati, pak bada Tapa ngubah aran pikir ngan. Mun anŭ angān re tungang puan pinyiraan Tapa, anŭ inŭh kayuh adi kana, adi sukup batur ka adi pimunos asŭng-I.

ROME 13:12

Ngarŭm mbŭh re ripuan, andu mbŭh re nusak. Ja meh ata taran pingandai karŭm, ka sidia yŭn pimudip darŭm jawa.

ROME 13:14

Pak bada Tuhan Jesus Kristus jadi pinyigrindung ngan, ka dŭh tia nurut pinyiripong tibiat pŭrŭng ngan adi bidosa ngga pimunos adŭp ngan.

ROME 6:4

Ngga baptisa ta ata dog kubur ngga Ayŭh ka samah ngga Ayŭh darŭm pinyikabŭs-I, siŭn nimun Kristus mbŭh dog pakat so kabŭs ngga kuasa Sama adi bragah, simŭnŭ gŭh ata bisa dapŭd udip adi bauh.

ROME 8:29

Bara daya adi Tapa mbŭh mien dog nyidŭrŭ-I gŭh da jadi brimun ngga Anak-I, isa Anak jadi diŭ di dupan bara adi sabah.

2 CORINTH 3:18

Sopŭrŭg ata meh, ngga jawin adi dŭh bitaŭb, kiren jawa bragah Tuhan; ka bragah anŭ, adi mandŭg so Tuhan adi Roh, bada ata bitukar jadi mun Ayŭh darŭm bragah adi rabis bās.

2 CORINTH 4:16

Sabab anŭ inŭh kieh bŭn re jimŭ. Sunggu pŭrŭng ami ati mbŭh makin madam, darŭm roh kieh dog pibauh barang andu.

2 CORINTH 4:6

Tapa adi nang, “Jawa re nyekar darŭm karŭm!” inŭh babŭ Tapa anŭ adi bada jawa-I nyekar darŭm atin ami, isa ata bisa puan bragah Tapa adi nyekar di Jawin Kristus.

2 CORINTH 5:17

Daya adi udip darŭm Kristus mbŭh daya bauh; adi amba mbŭh mating, adi bauh mbŭh mandŭg.

GALATIA 3:27

Angān mbŭh dog baptisa ka darŭm Kristus, ka madin mbŭh dog kibarui, anŭ inŭh ngga pimudip adŭp Kristus.

GALATIA 6:15

Dŭh-i mani, bait bisunat puan kah dŭh bisunat; kayuh adi biguna inŭh ata jadi manusia adi bauh.

EPHESUS 2:10

Ata ati pingandai Tapa, ka darŭm ata udip ndi ngga Kristus Jesus, Tapa mbŭh napa ata yŭn pingandai kana, adi-I mbŭh diŭ sidia da ata ndai.

EPHESUS 2:15

Ayŭh mbŭh taran Ukum-adat Jahudi samŭn sopŭrŭg pinyipesan ngga atur atur-i, siŭn-I pijadi ndi bangsa adi bauh so so-duwŭh bangsa anŭ darŭm udip ndi ngga Ayŭh; ka darŭm ndai simŭnŭ pijadi damai.

COLOSSAE 3:12

Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

COLOSSAE 3:14

Ka di sopŭrŭg pingandai kana anŭ angān an nambah pinyirindu, adi ngabŭt sopŭrŭg kayuh da birasŭk jadi ndi.

PHILEMON 1:6

Aku simayang mite ata adi samah sabah di Jesus bisa rabis mirati sopŭrŭg berkat adi ata biyŭn darŭm udip ndi ngga Kristus.

HEBREW 6:6

Pak komŭnŭ ngara taran pinyabah-i! Mbŭh mbar inŭh nŭŭh re pari bada ngara marik pimudip ngara pari ka Tapa, sabab ngara mbŭh masak dinge Anak Tapa di atuh rigang ka pimangŭh Ayŭh di sirung jawin daya bagŭ.

1 JOHN 2:3

Kambŭi ata sita pinyipesan Tapa, ata taŭn ngaku adŭp ta sawŭ puan Ayŭh.

1 JOHN 2:5

Pak kambŭi ata tunda pinganang Tapa, ata sawŭ rindu Tapa. Simŭnŭ inŭh ata dapŭd puan adŭp ta agi udip ndi ngga Tapa:

PINANDŬNG 21:5

Komŭnŭ sianŭ adi guru di tunduh takta nang, “Madin meh Aku bada sopŭrŭg kayuh bauh!” Ayŭh gŭh nang di aku, “Nuris ati, sabab pinganang ati agi sawŭ buang bisa dog sabah.”