Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




COLOSSAE 2:18 - Hakcipta - Biatah Bidayuh

18 Dŭhnyah tandah adŭp ngan dog nyarah tadŭ daya adi nang adŭp-i bās dŭ so angān sabab-i mbŭh kiris kayuh saruh, ka adi ngajar pasar atin tŭkŭn adi dŭh batur ka pasar nyambah malaikat. Amai ngga mating sabab-i, daya adi mun anŭ mbŭh sambuh da aran pikir-kira manusia,

အခန်းကိုကြည့်ပါ။ ကော်ပီ




COLOSSAE 2:18
42 ပူးပေါင်းရင်းမြစ်များ  

TUHAN Tapa siken dayung, “Mani kuu ndai kayuh mun anŭ?” Ayŭh nam, “Jippŭh nyibudo aku da man-i.”


Asi kuu nak birani siken pinyibijak Ku ngga pinganang bawa ka au-tarun?


Angān pakai inyo ngga wangi ka di nyambah tapa Molech. Angān pait pinyisung ka rais rais adi jo bada jiroh tapa tapa an ngan nyambah, ndŭg ka jiroh di ong daya adi mbŭh kabŭs ani.


Ati inŭh kayuh adi TUHAN Raja nang: “Mbŭh payah inŭh bara nabi adi budo anŭ! Ngara nimbur pinyidapŭd adŭp-i ka nimbur adŭp-i agi kiris kayuh keya ka darŭm pŭmŭh.


Pak ayŭh re stabi di tapa adi grindung kuta. Ayŭh re jugan mas, pirak, batuh adi brega, ngga pinganggen adi bās ka tapa adi tayung babuk-i bŭn nyambah.


amai arap adi ngara ndai di angān kan ngara nipu angān di Peor, ka sabab Cozbi, adi dog siŭ di tipuh sesak-andam anŭ di Peor.”


Amai bara Kristus kadong ka bara nabi kadong re timbur; ngara re ndai pingandai-nginga ka pingandai-saruh ngga nipu ndŭg ka bara daya adi Tapa mbŭh mien ani, kambŭi tungang.


Ngara nyambi ajar adi sawŭ pasar Tapa ngga pinyikadong; ngara nyambah ka bituan di kayuh adi Tapa ko napa, dŭh nyambah adŭp Tapa, adi patut dog muji ndŭg situi tui! Amen.


Amai ngara adi ndai kayuh adi mun anŭ dŭh-i bituan di Kristus Tuhan ta, pak ndai kana yŭn adŭp-i. Ngga bang bang piminyu adi mandis ka ngga pinganang adi nganju katuh daya ngara nipu daya adi dŭh puan ani ani.


Pinyirindu inŭh sabar ka mandis; pinyirindu dŭh-i sina puan kah miruap ka sambuh;


sabab pimudip ngan babŭ mun pimudip daya di ong ati. Kan angān biyŭn atin sina dupan adŭp ngan, angān bikaii ngga dingan ngan, dŭh kah-i kiren angān mbŭh tung ong ati, udip ngga urah-rakah ong?


Agi so angān mbŭh mingangŭn sabab angān pikir aku dŭh re munan angān.


Sabab angān, bara dingan ku, aku mbŭh bada adŭp ku ngga Apollos jadi suto danding yŭn ngan, isa angān birajar ani rati ati, “Tunda atur adi mbŭh agi.” Angān dŭh siŭn mingangŭn pasar ndi naan daya ka ngamun adi bŭkŭn.


Di surat ngan angān siken aku pasar pinguman adi ko dog jugan ka tibudo. Taŭn-i sawŭ, “sopŭrŭg ata biyŭn pinyipuan,” sak adi nang ngara. Pinyipuan anŭ, ayŭh bada daya bakak ngga atin gambung, pak pinyirindu pijog ata.


Angān mbŭh tatu puan nang bagŭ daya sua birumba, pak ndi naan adŭ adi re manang ka dapŭd upah. Bikaduh meh, birumba yŭn dapŭd upah anŭ.


Pak aku taru sibia-i pikir ngan miriseu, ka dŭh tia tŭtŭd di Kristus, nimun Eve adi ko tibudō da akar jippŭh.


Aku taru sibia-i kan aku mbŭh mandŭg te, aku dapŭd angān dŭh mun adi aku raan, ka angān dapŭd aku dŭh mun adi angān raan. Aku taru te aku kiris kaii, sina, baji, sibut, paki-pangu ka ngitong daya, uap-sambuh ka pito.


Ngga adŭn Tuhan meh aku bakan angān: dŭhnyah tia udip mun daya adi dŭh puan Tapa, adi pikir kira-i au-tarun.


Dŭhnyah bada daya nyibudo angān ngga pinganang au-tarun; kayuh adi mun ati inŭh adi re bada baji Tapa nyatŭk ngara adi dŭh an dingah pinganang-I.


“Agi kayuh adi TUHAN adi Tapa ta sukan so ata; pak Ayŭh mbŭh kiren ukum adat-I, ka ata ngga bara sesang ta an tunda-i adu adu.


Jadi aku bikaduh birumba an manang siŭn dapŭd upah anŭ, adi pinyibagan Tapa so ka Kristus Jesus nuju udip adi sawŭ adi tan adu adu.


Sawŭ inŭh atur adi mun anŭ mun adi bisangan di pinyibijak darŭm-i takan daya da nyambah malaikat, da biyŭn atin tŭkŭn adi dŭh batur, ka da kijera pŭrŭng; pak dŭh sawŭ biyŭn guna ngga ngarah pinyiripong pŭrŭng.


Aku kidaan di angān, dŭhnyah tandah daya nyibudo angān ngga pinganang adi sak adi yŭh.


Dŭhnyah bada daya piurun angān ngga pinyibijak manusia adi dŭh biguna adi bisa kinanyap angān. Ajar anŭ dŭh-i mandŭg so Kristus, pak ajar manusia adi mūn so sesang ndi ndŭg sesang andi, buang-i ajar adi mandŭg so roh roh adi nguasa rangit ngga ong.


Ngara raan jadi bara gurū ukum-adat Tapa, pak ngara dŭh mirati pinganang adŭp-i, bait-i kayuh adi-i nang darŭm bandar sabah nang sawŭ.


Roh Kudus nakit kidaan nang di andu sikasŭn kada daya re pasan pinyabah ngara; ngara re bituan di roh adi kadong ka tunda ajar umot.


Kayuh adi ngara jiroh inŭh pluang yŭn tanggah; pinyiripong ngara di dosa taŭn dŭh pandai ko. Ngara kudog daya adi ramah, ka atin ngara taŭn mbŭh kanyet tama. Ngara mbŭh di ribo pangu Tapa!


Aku nuris ati ka angān pasar ngara adi suba an kinanyap angān.


Tibande naga anŭ dog taran, anŭ inŭh jippŭh jah, adi dŭn Siarap, puan kah Shetan, adi nyibudo sopŭrŭg daya di ong. Ayŭh dog taran ka ong samŭn bara malaikat-i.


Ka ngga pingandai-nginga adi dog nyibandar ayŭh ndai yŭn dāng adi diŭ anŭ, ayŭh nyibudo sopŭrŭg daya adi udip di ong. Dāng ati bada ngara ndai tibudo darŭm gayŭn dāng anŭ adi ko tawan da pedang pak babŭ udip.


Sopŭrŭg daya adi udip di ong re nyambah dāng anŭ, adŭ-i ngara adi mbŭh dog nuris dŭn-i diŭ so ong dog napa darŭm surat di yŭn dŭn bara daya adi Tapa mbŭh mien dog nuris; ngara inŭh adi dog dapu Anak Biri adi ko dog siŭ.


Aku sidikang di kaja-i re nyambah ayŭh, pak ayŭh nang di aku, “Dŭhnyah simŭnŭ! Aku ati urun mun kuu gŭh, mun bara adi bŭkŭn adi sabah, sopŭrŭg adi bidigŭng tagap di ajar adi sawŭ adi dog pinandŭng Jesus. Nyambah Tapa nŭh!” Ajar adi sawŭ adi Jesus pinandŭng inŭh adi nyibake bara nabi.


Aku re rikas mandŭg. Bidigŭng tagap meh di anŭ adi kuu mbŭh biyŭn, isa mating daya bisa sirabut upah pimanang mu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ