COLOSSAE 2:16 - Hakcipta - Biatah Bidayuh

¹⁶ Jadi isa-i dŭhnyah daya ndai atur pasar kayuh adi angān man puan kah kayuh adi angān nok, puan kah pasar andu bās adat, puan kah pasar Gawai Anak Buran, puan kah pasar andu Sabbath.

COLOSSAE 2:16 ပူးပေါင်းရင်းမြစ်များ

2 RAJA 4:23

“Mani kuu sah di andu ati?” banŭh-i siken. “Ati dŭh andu Sabbath puan kah Gawai Anak Buran.” “Dŭh mani,” ayŭh nam.

1 KRONIKEL 23:31

ka di tadŭ tadŭ tika sadis dog badang yŭn TUHAN di andu Sabbath, di Gawai Anak Buran, ka di gawai gawai adi bŭkŭn. Atur agi dog ndai ngga ngatŭn kudu naan daya Levi tiap kari dog tijuan bada ndai kraja anŭ. Bara daya Levi dog tijuan bada adu adu ndai kraja simayang nyambah TUHAN.

2 KRONIKEL 31:3

So kaban dāng kudip ngga kaban biri-i ayŭh nggen dāng yŭn sadis badang di andu Sabbath, di tika Gawai Anak Buran, ka di tika gawai gawai adi bŭkŭn adi dog miratak Ukum-adat TUHAN.

NEHEMIAH 10:31

Kambŭi daya tami taban gandom bait tadŭ tadŭ kayuh adi bŭkŭn an-i jua di kieh di andu Sabbath puan kah di tadŭ tadŭ andu kudus adi bŭkŭn, kieh dŭh re miris-i so ngara. Barang sawa adi ju kieh re dŭh nyipurun di teya, ka kieh re kinating sopŭrŭg utang.

NEHEMIAH 10:33

Kieh re nggen kayuh kayuh ati ngga bisambah di Ramin TUHAN: ruti kudus, sadis ruwang kayuh, dāng adi re dog badang barang andu ndu sadis, pinganggen kudus yŭn andu Sabbath, Gawai Anak Buran, ka gawai gawai adi bŭkŭn, pinganggen kudus adi bŭkŭn, sadis sadis ngga taran dosa daya Israel, ka tadŭ tadŭ kayuh adi bŭkŭn adi dog biguna yŭn Ramin TUHAN.

NEHEMIAH 8:9

Kan bara daya dingah Ukum-adat dog basa, ngara piguru sien. Jadi Nehemiah, adi gabenor, Ezra, adi imam ka adi sukup pandai di Ukum-adat, ka bara daya Levi adi kidaan rati Ukum-adat nang di sopŭrŭg daya, “Andu ati inŭh kudus di TUHAN adi Tapa ngan, ka angān dŭhsah susah bait sien.

MAZMUR 42:4

Atin ku majot kan aku ingat kayuh adi mbŭh, kan aku ayō daya bagŭ di ka ramin Tapa ka nguru ngara darŭm ngara panu, tibaran adi gaŭn, biragu ka nyirais muji Tapa.

MAZMUR 81:3

Mambak trompet yŭn gawai di tika anak buran ngga di tika buran turak.

ISAIAH 1:13

Dŭh biguna inŭh angān taban sadis. Aku tiru di dagŭn kimanyan adi angān badang. Aku dŭh tan kiris Gawai Anak Buran ngan, andu Sabbath ngan, ka tikuruk adat ngan; sopŭrŭg-i mbŭh rusak bada dosa ngan.

EZEKIEL 4:14

Pak aku nam, “Dŭh, TUHAN Raja! Aku bŭn nyembar adŭp ku. So aku gi-sŭ aku bŭn man dagin dāng adi mbŭh kabŭs sadi adŭp-i bait adi kabŭs dog siŭ dāng tarun. Aku bŭn man pinguman adi dog nyirundeng kais.”

EZEKIEL 45:17

Ayŭh inŭh adi dapu tanggong sidia dāng dāng adi re dog mŭrŭng badang, ka sadis ruwang kayuh, ngga sadis wain yŭn sopŭrŭg daya di Israel di tika Gawai Anak Buran, andu Sabbath, ka gawai gawai adi bŭkŭn. Ayŭh gŭh dapu tanggong sidia sadis taran dosa, sadis ruwang kayuh, sadis adi dog mŭrŭng badang, ka sadis bidingan, ngga taran dosa daya Israel.”

LEVITICUS 16:31

Andu anŭ siŭn jadi andu adi raru kudus, andu adi ngga ngara bipusa ka dŭh ndai tadŭ mun kraja. Atur-adat ati dŭh siŭn dŭh adu adu dog sita.

AMOS 8:5

Angān nang, “Ata dŭh tungang kajŭn sinde primisi gawai anak buran ati re abo, yŭn ata re jua gandom ta. Sinde andu Sabbath re abo, isa ata bisa piguru bijua dinge? Nganŭ ata bisa paad rega kayuh pakai takar adi sarah, ka ngana batŭh timbang ngga nipu daya adi miris.

PINYIKIANG 10:10

Simŭnŭ gŭh di tipuh pawŭn, mun di tika Gawai Anak Buran ngga di tika gawai gawai adat adi bŭkŭn; angān siŭn mambak trompet trompet kan angān jugan sadis badang ngga sadis bidingan. Jadi Aku re turung angān. Aku ati TUHAN adi Tapa ngan.”

MATTHEW 15:11

Dŭh-i kayuh adi mŭrŭt baba adi kinais daya; pak kayuh adi ruah so baba, anŭ inŭh adi kinais daya.”

MARK 7:19

sabab kayuh anŭ dŭh mŭrŭt atin-i pak radus ka tain-i ka komŭnŭ ruah so pŭrŭng-i.” (Ngga pinganang ati, Jesus kidaan nang sopŭrŭg pinguman bisa dog man.)

PINGANDAI 15:20

Kaŭs-i ata patut nuris surat ngga kidaan di ngara da dŭh man pinguman adi sŭn adat nang kais, adi ko dog jugan ka tibudo; pijo adŭp ngara so pimudip adi dŭh tatu darŭm pingandai kais; ka dŭh man dāng adi kabŭs ko dog nyŭt tungo-i, bait kah deya.

ROME 14:10

Ka angān meh, adi man dawŭn kudos adŭ, mani angān nyarah daya bŭkŭn? Ka angān adi man tadŭ tadŭ kayuh, mani angān ngamun dingan ngan adi samah sabah? Sopŭrŭg ta re bisara di sirung jawin Tapa.

GALATIA 4:10

Angān sita andu, sita buran, sita tipuh, sita sawa.

COLOSSAE 2:20

Angān mbŭh kabŭs ngga Kristus ka mbŭh dog pirupas so roh roh adi nguasa rangit ngga ong. Mani meh garang angān udip mun daya adi tung ong ati? Mani angān tunda atur, mun

HEBREW 13:9

Dŭhnyah bada barang masam ajar adi saruh taban angān miriseu so aran adi batur. Kana dŭ inŭh ata dog nyibake ngga pinyirasi-mandis Tapa, ka dŭh so tunda atur pasar pinguman; ngara adi tunda atur anŭ bŭn-i dapŭd utung so dieh.

HEBREW 9:10

amai kayuh anŭ kaŭs-i pasar pinguman, nok, ka barang masam adat pibisig. Sopŭrŭg anŭ batur-i atur adi tungang dog kiris adŭ, adi dog pakai ndŭg ka tipuh adi ngga Tapa nukar-i ngga atur adi bauh.

JAMES 4:11

Bara dingan ku, dŭhnyah angān ngamun dingan ngan. Kambŭi angān ngamun puan kah nyarah dingan ngan, angān ngamun ka nyarah Ukum-adat. Kambŭi angān nyarah Ukum-adat, rati-i angān mbŭh dŭh tia sita Ukum-adat, pak mbŭh nyarah-i.

1 SAMUEL 20:18

Komŭnŭ Jonathan nang di ayŭh, “Amai sipagi inŭh Gawai Anak Buran, taŭn-i re tatŭng kambŭi kuu mating mandŭg di sua guru man ngga raja.

1 SAMUEL 20:5

“Sipagi inŭh Gawai Anak Buran,” David nam, “ka aku sipatut-i sua man ngga raja. Pak kambŭi-i kana di pikir mu, aku re di bisukan di sapa tarun ndŭg singumi andu, andu girundi.