COLOSSAE 1:4 - Hakcipta - Biatah Bidayuh

⁴ sabab kieh mbŭh dingah pinyabah ngan di Kristus Jesus ka pasar pinyirindu ngan di sopŭrŭg daya adi Tapa mbŭh mien.

COLOSSAE 1:4 ပူးပေါင်းရင်းမြစ်များ

2 CORINTH 7:7

Dŭh-i pimandŭg-i adŭ adi bada kieh gaŭn, pak pinganang-i pasar munki angān mbŭh ngatat ayŭh. Ayŭh agi kidaan di kieh nang angān raru an bidapŭd ngga aku, pasar atin nyesar ngan di kayuh adi mbŭh jadi, ka pasar munki angān taŭn sidia an turung aku; ngapŭi aku mbŭh rabis gaŭn madin.

GALATIA 3:26

So ka pinyabah inŭh sopŭrŭg ngan mbŭh bara anak Tapa darŭm angān mbŭh ndi ngga Kristus Jesus.

GALATIA 3:28

Mbŭh mating katŭn-i daya bangsa Jahudi ngga daya adi dŭh bangsa Jahudi, urun bait adi dŭh urun, dari bait dayung; sopŭrŭg ngan mbŭh ndi amai Kristus Jesus.

GALATIA 5:6

Amai kan ata mbŭh ndi ngga Kristus Jesus, bisunat bait dŭh ata anŭ mbŭh dŭh biguna tia; adi biguna inŭh pinyabah adi taban pinyirindu.

EPHESUS 1:15

Sabab anŭ, so sibungas aku dingah pasar angān mbŭh sabah di Tuhan Jesus samŭn pinyirindu ngan di sopŭrŭg daya adi Tapa mbŭh mien,

EPHESUS 6:18

Ndai sopŭrŭg anŭ ngga simayang, mite turung so Tapa. Simayang di tadŭ nga-i, ngga kuasa Roh Kudus. Sabab anŭ angān an ari sidia ka dŭhnyah arah. Siraru simayang yŭn sopŭrŭg daya adi Tapa mbŭh mien.

COLOSSAE 1:9

Sabab anŭ meh, kieh mbŭh siraru simayang yŭn ngan, so andu kieh dingah pasar angān. Kieh mite Tapa ngisi angān ngga pinyipuan pasar pinyiraan-I, ngga sopŭrŭg pinyibijak ngga pinyimirati adi Roh-I nggen.

1 THESSALONICA 1:3

Kieh ingat di sirung jawin Tapa adi Sama ta simuki kraja pingandai ngan mbŭh birasŭk ngga pinyabah ngan, simuki pinyirindu ngan mbŭh bada angān bandar nyiraja, ka simuki pingarap ngan mbŭh tagap di Tuhan Jesus Kristus.

1 THESSALONICA 3:6

Madin Timothy mbŭh pari, taban agah kana pasar pinyabah ngan ka pasar pinyirindu ngan. Ayŭh mbŭh kidaan di kieh nang angān siraru ingat kieh, ka raan bidapŭd ngga kieh nimun kieh gŭh raan bidapŭd ngga angān.

2 THESSALONICA 1:3

Bara dingan, kieh dŭh siŭn dŭh an siraru nggen trima kaseh di Tapa sabab angān. Patut inŭh kieh ndai simŭnŭ, sabab pinyabah ngan mbŭh bana kambang ka pinyirindu ngan dupan adŭp ngan mbŭh dŭ dŭ bitambah.

PHILEMON 1:5

Amai aku dingah pasar pinyirindu mu di sopŭrŭg daya adi Tapa mbŭh mien ka pinyabah mu di Tuhan Jesus.

HEBREW 6:10

Tapa, dŭh-I dŭh rada pingandai kana daya. Ayŭh dŭh re kambŭt kayuh adi angān ko ndai puan kah pinyirindu ngan yŭn-I adi angān ko kiren darŭm pinurung adi angān nggen di daya Kristen adi bŭkŭn, bait-i madin puan kah prajah.

1 JOHN 3:14

Ata puan adŭp ta udip, mbŭh ruah so pinyikabŭs, sabab ata rindu dingan ta. Ngara adi dŭh rindu gibabŭ di ribo kuasa pinyikabŭs.

1 JOHN 3:23

Kayuh adi-I pesan inŭh ata sabah di Anak-I Jesus Kristus ka rindu dingan ta, nimun Kristus ko pesan di ata.

1 JOHN 4:16

Ka adŭp ta puan ka sabah pinyirindu Tapa di ata. Tapa inŭh pinyirindu, ka ngara adi udip darŭm pinyirindu udip ndi ngga Tapa ka Tapa udip ndi ngga ngara.