COLOSSAE 1:3 - Hakcipta - Biatah Bidayuh

³ Kieh ari nggen trima kaseh di Tapa, adi Sama Tuhan ta Jesus Kristus, kan kieh simayang yŭn ngan,

COLOSSAE 1:3 ပူးပေါင်းရင်းမြစ်များ

ROME 15:6

isa sopŭrŭg ngan samah samah ngga ndi sirŭŭn muji Tapa adi Sama Tuhan ta Jesus Kristus.

1 CORINTH 1:4

Aku siraru nggen trima kaseh di Tapa ku yŭn ngan sabab pinyirasi-mandis adi-I mbŭh nggen di angān so Kristus Jesus.

2 CORINTH 1:3

Ja ata nggen trima kaseh di Tapa, Sama adi raru masi, adi Sama Tuhan ta Jesus Kristus, Tapa adi so sopŭrŭg pinurung mandŭg!

EPHESUS 1:15

Sabab anŭ, so sibungas aku dingah pasar angān mbŭh sabah di Tuhan Jesus samŭn pinyirindu ngan di sopŭrŭg daya adi Tapa mbŭh mien,

EPHESUS 6:18

Ndai sopŭrŭg anŭ ngga simayang, mite turung so Tapa. Simayang di tadŭ nga-i, ngga kuasa Roh Kudus. Sabab anŭ angān an ari sidia ka dŭhnyah arah. Siraru simayang yŭn sopŭrŭg daya adi Tapa mbŭh mien.

PHILIPPI 4:6

Dŭhnyah gapang pasar tadŭ kayuh, pak siraru mite di Tapa darŭm simayang kayuh adi angān biguna ngga atin trima kaseh.

COLOSSAE 1:13

Ayŭh nyiramat ata so kuasa karŭm ka taban ata darŭm siramat ka darŭm pinyipritah Anak-I adi-I rindu;

COLOSSAE 1:9

Sabab anŭ meh, kieh mbŭh siraru simayang yŭn ngan, so andu kieh dingah pasar angān. Kieh mite Tapa ngisi angān ngga pinyipuan pasar pinyiraan-I, ngga sopŭrŭg pinyibijak ngga pinyimirati adi Roh-I nggen.

1 THESSALONICA 1:2

Kieh nggen trima kaseh di Tapa yŭn sopŭrŭg ngan, buang siraru nyabŭt dŭn ngan darŭm simayang ami.

2 TIMOTHY 1:3

Aku nggen trima kaseh di Tapa, di yŭn ku bituan ngga pikir-kira atin ku adi bisig, nimun tayung-babuk ku jah. Aku nggen trima kaseh di Ayŭh darŭm ku siraru ingat kuu darŭm dua ku sandu ngga singarŭm.