COLOSSAE 1:10 - Hakcipta - Biatah Bidayuh

¹⁰ Amai simŭnŭ inŭh meh, angān re bisa udip nanyam ka pinyiraan Tuhan, siraru ndai kayuh adi pimunos asŭng-I. Angān re buān buwa darŭm sopŭrŭg pingandai kana, buang bitambah darŭm pinyipuan ngan pasar Tapa.

COLOSSAE 1:10 ပူးပေါင်းရင်းမြစ်များ

PITAS 16:7

Kan kuu pimunos asŭng TUHAN, kuu dapŭd bada pinganyu mu jadi jerā.

ISAIAH 53:11

Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.

DANIEL 12:4

Ayŭh nang di aku, “Ka madin, Daniel, tŭŭp surat anŭ ka na patis dieh isa-i birabŭt ndŭg andu sikasŭn. Sibayuh ndŭg tipuh anŭ, bagŭ daya re saat jam suba mirati kayuh adi mbŭh jadi.”

MICAH 4:5

Barang bangsa nyambah ka nundok di tapa adŭp-i, pak ata re nyambah ka nundok di TUHAN adi Tapa ta ndŭg situi tui.

HABAKKUK 2:14

Pak ong re puno ngga pinyipuan pasar bragah TUHAN nimun rawŭt puno ngga piin.

JOHN 15:16

Angān dŭh mien Aku; Aku mien angān ka tijuan angān da panu ka pijadi bagŭ buwa, buwa adi tan adu adu. Ka Sama meh re nggen di angān tadŭ kayuh adi angān mite ngga adŭn Ku.

JOHN 15:8

Bragah Sama Ku tatŭng kan angān buān bagŭ buwa; ka simŭnŭ inŭh angān bisa jadi murid Ku.

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

ROME 1:13

Bara dingan ku, aku raan angān puan nang mbŭh piawet aku ngasa adŭp ku an di munan angān, pak ari dŭh tŭk amai kayuh agi matŭn aku. Aku raan ngajar daya di dupan ngan gŭh da ngaku Jesus, nimun di dupan daya adi dŭh bangsa Jahudi.

ROME 4:12

Ayŭh gŭh sama ngara adi mbŭh bisunat, anŭ inŭh, sama ngara adi, darŭm mbŭh bisunat, udip darŭm pinyabah adi brimun ngga tung sama ta Abraham sibayuh ayŭh bisunat.

ROME 6:4

Ngga baptisa ta ata dog kubur ngga Ayŭh ka samah ngga Ayŭh darŭm pinyikabŭs-I, siŭn nimun Kristus mbŭh dog pakat so kabŭs ngga kuasa Sama adi bragah, simŭnŭ gŭh ata bisa dapŭd udip adi bauh.

2 CORINTH 2:14

Pak trima kaseh di Tapa! Amai darŭm udip ndi ngga Kristus kieh mbŭh siraru dog nguru Tapa nimun daya-takap darŭm baris pimanang Kristus. Tapa pakai kieh da pikambang pinyipuan pasar Kristus adi keya ka buuh wangi ka barang yŭn.

2 CORINTH 4:6

Tapa adi nang, “Jawa re nyekar darŭm karŭm!” inŭh babŭ Tapa anŭ adi bada jawa-I nyekar darŭm atin ami, isa ata bisa puan bragah Tapa adi nyekar di Jawin Kristus.

2 CORINTH 5:9

Rabis so kayuh bŭkŭn, kieh raan pimunos Tuhan bait-i darŭm pŭrŭng ami digiti puan kah di ramin arŭn di shorga.

2 CORINTH 9:8

Ka adŭp Tapa bisa nggen di angān rabis so adi angān biguna, isa angān bisa siraru biyŭn sopŭrŭg kayuh adi angān biguna, ka biyŭn rabis so sadang yŭn barang kraja kana.

EPHESUS 1:17

buang mite Tapa Tuhan ta Jesus Kristus, Sama adi bragah, nggen di angān Roh Kudus adi re bada angān bijak buang pinandŭng Tapa di angān, isa angān bisa puan Ayŭh.

EPHESUS 2:10

Ata ati pingandai Tapa, ka darŭm ata udip ndi ngga Kristus Jesus, Tapa mbŭh napa ata yŭn pingandai kana, adi-I mbŭh diŭ sidia da ata ndai.

EPHESUS 4:1

Aku adi mbŭh dog jer sabab aku bituan di Tuhan, mite angān udip nanyam ka atur aran pimudip adi Tapa mbŭh nggen di angān di andu Ayŭh bagan angān.

EPHESUS 4:13

Jadi ata meh, re mandŭg tikuruk jadi ndi darŭm pinyabah ngga darŭm pinyipuan pasar Anak Tapa; ata re jadi daya adi sukup mirati, ndŭg ka mbŭh sukup brimun ngga Kristus.

EPHESUS 5:10

Ka suba birajar ani anŭ adi pimunos asŭng Tuhan.

EPHESUS 5:15

Jadi nakit ingat meh munki angān udip. Dŭhnyah udip mun daya budo, pak udip mun daya adi bijak.

EPHESUS 5:2

Pimudip ngan dŭh siŭn dŭh dog nguasa pinyirindu, nimun Kristus mbŭh rindu ata ka mbŭh nggen asŭng-I yŭn ta adi keya ka pinganggen adi buuh ramak ngga sadis adi pimunos asŭng Tapa.

PHILIPPI 1:11

Pimudip ngan re brisi ngga pingandai kana adi Jesus Kristus sadi adŭ bisa nggen, yŭn bragah ngga puji ka Tapa.

PHILIPPI 1:27

Jadi, kayuh adi raru biguna inŭh aran pimudip ngan patut nanyam ka ajar Agah Kana pasar Kristus isa, tungang bait dŭh aku di tudu angān, aku bisa dingah angān mijog tagap ngga ndi pinŭtŭn, darŭm ndi pinyiraan samah birawan yŭn pinyabah Agah Kana anŭ.

PHILIPPI 4:18

Aku ngaku agi trima sopŭrŭg kayuh adi angān nggen, adi mbŭh rabis so sadang! Aku mbŭh trima sopŭrŭg pinganggen ngan so tangan Epaphroditus, ka madin aku mbŭh biyŭn sopŭrŭg-i adi aku biguna. Pinganggen ngan anŭ mbŭh keya ka pinganggen adi buuh ramak adi dog jugan ka Tapa, sadis adi tibirang buang pimunos asŭng-I.

COLOSSAE 2:19

buang mbŭh dŭh tia bidigen di Kristus, adi ubak pŭrŭng-I, eklisia. Di ribo pingatur Kristus ndi pŭrŭng anŭ mbŭh dog sita ka dog tubu pakai bukuh bukuh turang ka isin-i, siŭn-i masang kambang nanyam ka pinyiraan Tapa.

COLOSSAE 2:6

Amai angān mbŭh kambat Kristus Jesus jadi Tuhan ngan, angān patut udip ndi ngga Ayŭh.

COLOSSAE 3:20

Angān adi bara anak, darŭm sopŭrŭg kayuh stabi di pimas ngan, amai simŭnŭ inŭh angān pimunos asŭng Tapa.

COLOSSAE 4:5

Angān an bijak darŭm urah-rakah ngan darŭm angān bigaur ngga daya adi dŭh sabah di Jesus; nakit pakai pluang adi angān biyŭn.

1 THESSALONICA 2:12

Kieh ngatat angān, kieh nyaduh angān, ka kieh babŭ ngasu angān panu aran pimudip adi pimunos asŭng Tapa. Ayŭh inŭh adi bagan angān da sua kinyam Pinyipritah-I ngga bragah-I.

1 THESSALONICA 4:1

Sikasŭn-i, bara dingan, angān muko birajar so kieh simuki patut udip ngga pimunos asŭng Tapa. Sawŭ, anŭ taŭn mbŭh aran pimudip ngan. Ka madin kieh mite buang ngatat angān, ngga adŭn Tuhan Jesus, ndai rabis so adi mbŭh.

2 TIMOTHY 2:4

Soldadu adi aŭn ndai kraja-i raan pimunos asŭng pingubak-i. Abah ayŭh jiroh kraja bŭkŭn.

TITUS 3:1

Kidaan di daya mu da dŭh kambŭt nundok di bara adi mritah ngga adi bikuasa, da nurut pinganang ngara, ka da sidia an ndai kana darŭm sopŭrŭg kayuh.

TITUS 3:14

Daya ta dŭh siŭn dŭh an birajar pakai masā ngara ndai kayuh kana, siŭn dapŭd turung daya adi sutok; pimudip ngara dŭh-i patut pimudip adi dŭh biguna.

HEBREW 11:5

Pinyabah inŭh adi bada Enoch dŭh kabŭs. Ayŭh dog tambit ka dog taban ka yŭn Tapa. Mating daya tungang dapŭd ayŭh, sabab ayŭh mbŭh dog tambit adŭp Tapa. Sŭn Surat-kudus nang, diŭ so Enoch dog tambit, ayŭh agi pimunos asŭng Tapa.

HEBREW 13:16

Dŭhnyah kambŭt ndai pingandai kana ka turung dingan ngan, sabab anŭ inŭh sadis adi pimunos asŭng Tapa.

2 PETER 1:8

Simŭnŭ inŭh angān patut masang darŭm pimudip ngan, ka kambŭi angān udip mun anŭ, angān re puan nang kayuh adi angān puan pasar Jesus Kristus mbŭh bada pimudip ngan biguna ka biyŭn rati.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.

1 JOHN 3:22

Ata kambat so Ayŭh tadŭ tadŭ kayuh adi ata mite, sabab ata sita pinyipesan-I ka ndai kayuh adi pimunos asŭng-I.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.

3 JOHN 1:6

Ngara agi minyu di bara daya eklisia digiti pasar pinyirindu mu. Aku mite kuu turung ngara pijuu pimanu-i nanyam ka adi pimunos asŭng Tapa.