AMOS 8:8 - Hakcipta - Biatah Bidayuh

⁸ Ngapŭi tana re bigugoh, ka barang naan daya di tarun tana anŭ re muās. Ndi tarun tarun tana rais re bigugoh; tana re mūn maad mun Yang Nile.

AMOS 8:8 ပူးပေါင်းရင်းမြစ်များ

MAZMUR 18:7

Komŭnŭ tana bigagar ka bigugoh; ka sigŭn darŭd gimŭgŭs ka biguyut, amai Tapa mbŭh baji.

ISAIAH 5:25

TUHAN baji di daya-I ka mbŭh pakat tangan-I re ngukum ngara. Darŭd re bigugoh, ka tadang ngara adi kabŭs re dog tingge di aran raya mun sapok. Pak sunggu mŭnŭ, baji TUHAN dŭh re ko, ka re babŭ pakat tangan-I re ngukum daya-I.

JEREMIAH 12:4

Ndŭg sinde tarun tana ami badŭh, ka kupai di barang tarun tana barŭm rayu? Dāng ngga manuk kabŭs sabab pingandai ginaka daya ami, daya adi nang, ‘Tapa dŭh kiris pingandai ta.’ ”

JEREMIAH 46:7

Asi anŭ adi makat mun piin Yang Nile, mun sungi adi ngapuh tabing-i?

JEREMIAH 46:8

Egypt inŭh anŭ, makat mun Yang Nile, mun sungi adi ngapuh tabing-i. Egypt nang, ‘Aku re makat ka ngapuh ong; aku re pirabur kupo kupo samŭn bara daya adi rŭŭ diginŭ.

JEREMIAH 51:29

Ong bigagar ka bigŭgŭs sabab TUHAN mbŭh taban atur-i ngga bada Babylonia jadi tarun tana-pajam, di yŭn daya mating rŭŭ.

DANIEL 9:26

Ka di tibŭn tipuh anŭ pinguru adi Tapa mien re dog siŭ sunggu ayŭh dŭh sarah. Kupo ngga Ramin TUHAN re dog nyirubuh bara soldadu pimritah adi bikuasa. Pinŭbŭn anŭ re keya ka uba, taban perang ngga pinyirusag adi Tapa mbŭh sidia.

HOSEA 10:5

Daya adi rŭŭ di kupo Samaria re taru ka re ngurid dari sapi mas di Bethaven. Ngara ngga bara imam adi bituan di tibudo anŭ re muās-i. Ngara re bana sien kan-i dog pirukos so sangŭn mas-i.

HOSEA 4:3

Tarun tana re badŭh, ka barang masam kayuh dieh re kabŭs. Sopŭrŭg dāng ngga manuk, ndŭg ka iken, re kabŭs.”

AMOS 8:10

Aku re bada andu gawai ngan jadi andu nyikubur ka bada ragu pawŭn ngan jadi ragu puās. Aku re bada angān gumbak ubok ngan ka nēn banang guni, ka angān re mun pimas ngurid anak tambŭ-i. Andu anŭ re pa'it ndŭg pinŭbŭn-i.

AMOS 9:5

TUHAN Raja adi Bisa-pŭrŭg tama ong, ka-i bigugoh; sopŭrŭg adi rŭŭ dieh re muās. Ndi ong ong re maad mūn mun Yang Nile.

NAHUM 1:8

Keya ka uba bās nyarab, Ayŭh pirarap bara pinganyu-I; Ayŭh siŭ ngara adi nyakar Ayŭh.

MATTHEW 24:30

Komŭnŭ tandā Anak Manusia re tatŭng di rangit; ka sopŭrŭg daya di ong re muās kan ngara kiris Anak Manusia mandŭg di tunduh abun ngga kuasa ka bragah bās.