AMOS 8:3 - Hakcipta - Biatah Bidayuh

³ Di andu anŭ ragu di istana re marui jadi puās. Di barang yŭn re agi tadang. Dudu tadang anŭ re dog taran ngga pajam.”

AMOS 8:3 ပူးပေါင်းရင်းမြစ်များ

MAZMUR 39:9

Aku re pajam, aku dŭh re nang ani ani, amai Kaam inŭh adi bada aku sangsara mun ati.

ISAIAH 37:36

Malaikat TUHAN di ka tarun yŭn bara daya Assyria bibari ka siŭ 185,000 naan soldadu. Ngga isan isan andu jawa ndi ngara mbŭh abo kabŭs!

JEREMIAH 22:18

Ngapŭi meh, TUHAN minyu pasar Jehoiakim anak Josiah, adi raja Judah, “Mating daya re ngurid pinyikabŭs-i ka nang, ‘Adoh hoh, jerā ku, adoh hoh!’ Mating daya re muās ayŭh ka nang, ‘Tadah, Tuan ku!’

PUĀS 2:10

Bara nyamba daya Jerusalem guru di tana dŭh nang ani ani, na dabu di ubak ka nēn piraka banang guni. Bara dayung adi mara mutu ubak ngara ka tana.

JOEL 1:11

Susah, angān adi biteya; sien, angān adi jaga teya anggor, sabab gandom, jari, sawŭ, sopŭrŭg pimuruh mbŭh dog pirusak.

JOEL 1:13

Nēn banang guni ka muās, angān bara imam adi nyiraja di mija-sambah! Di mŭrŭt Ramin TUHAN ka muās ndi ngarŭm ngarŭm! Mating gandom puan kah wain re ngan jugan ka Tapa ngan.

JOEL 1:5

Burah meh ka muās, angān adi pimabuk; sien, angān adi gagā nok wain; buwa anggor adi ngga ndai wain bauh mbŭh dog pirusak.

LEVITICUS 10:3

Komŭnŭ Moses nang di Aaron, “Ati inŭh kayuh adi TUHAN mbŭh kidaan kan-I nang, ‘Sopŭrŭg daya adi bituan di Aku, dŭh siŭn dŭh an stabi di pinyikudus Ku; Aku re pinandŭng bragah Ku di daya Ku.’ ” Pak Aaron pirŭŭ adŭp-i adŭ.

AMOS 4:10

“Aku pait sesak-andam ka angān mun anŭ adi Aku pait ka daya Egypt. Aku siŭ bara dari ngan adi mara darŭm perang ka tambit kuda ngan. Aku ngisi undung ngan ngga buuh so tadang adi madam di tarun yŭn ngan bibari. Babŭ gŭh angān dŭh pari ka Aku.

AMOS 5:16

Sabab anŭ meh TUHAN Raja adi Bisa-pŭrŭg nang, “Re agi sien adi bana ngga sien sabab susah di aran aran kupo. Ndŭg ka tukang tukang teya re dog bagan bada sua muās daya kabŭs ngga ngara adi dog ngupah bada muās.

AMOS 5:23

Pirŭŭ ragu ngan adi bidudu anŭ; Aku dŭh raan dingah kachapi ngan.

AMOS 6:4

Munki masam sipŭ-i re di angān adi guring di pangō grua ngan anŭ, bigawai man dagin anak sapi ngga anak biri!

AMOS 6:5

Angān suka nimbur ragu, mun David, ka mambak-i di kachapi.

AMOS 6:8

TUHAN Raja adi Bisa-pŭrŭg mbŭh nggen pinyibakan ati: “Aku dŭh rindu uap-sambuh daya Israel; Aku ngamun ramin grua ngara. Aku re nggen sindŭ kupo ngara samŭn sopŭrŭg kayuh adi agi dieh di pinganyu ngara.”

AMOS 8:10

Aku re bada andu gawai ngan jadi andu nyikubur ka bada ragu pawŭn ngan jadi ragu puās. Aku re bada angān gumbak ubok ngan ka nēn banang guni, ka angān re mun pimas ngurid anak tambŭ-i. Andu anŭ re pa'it ndŭg pinŭbŭn-i.

NAHUM 3:3

Bara pinunggang kuda nyurong, pedang mikirab, jarok mikirib! Tadang bitugung, adi mbŭh kabŭs dŭh tungang dog mirang, daya sikak-i!

ZEPHANIAH 1:7

Andu mbŭh sindŭk adi ngga TUHAN re guru nggen bisara; jadi pajam meh di sirung jawin-I. TUHAN mbŭh sidia re nyadis daya-I ka mbŭh bagan bara pinganyu bada pirinda Judah.