AMOS 8:2 - Hakcipta - Biatah Bidayuh

² TUHAN siken, “Amos, ani kiris mu?” “Bakur brisi ngga buwa kayuh,” aku nam. TUHAN nang di aku, “Mbŭh ripuan tipuh daya Ku Israel. Aku dŭh re nukar pikir Ku pasar re ngukum ngara.

AMOS 8:2 ပူးပေါင်းရင်းမြစ်များ

TIBIRIK 6:13

Tapa nang di Noah, “Aku mbŭh natu adŭp Ku re pirarap sopŭrŭg manusia. Aku re kubo pirusak ngara, sabab ong ati mbŭh puno ngga pinyiganas ngara.

ISAIAH 28:4

Bragah bara pinguru adi mingangŭn anŭ re miyap mun sibungas buwa ara adi masak diŭ so tipuh-i; dog kiris daya, ka rasu dog tambit ka dog man.

JEREMIAH 40:10

Adŭp ku re rŭŭ di Mizpah ka jadi pingarun ngan kan daya Babylonia mandŭg kamati. Pak angān siŭn nyikŭn wain, buwa buwa pimuruh, ka inyo kanā, ka rŭŭ di anak anak kupo adi angān ngisi.”

JEREMIAH 5:31

Sopŭrŭg kayuh adi bara nabi nang inŭh pinganang kadong; bara imam mritah so ka pesan bara nabi anŭ, ka daya Ku mating matah. Pak ani re ngara ndai kan sopŭrŭg-i mungan?”

PUĀS 4:18

Pinganyu nyibatŭh kieh; kieh dŭh dapŭd panu di aran. Tipuh ami mbŭh ripuan; pimungan ami mbŭh mandŭg.

EZEKIEL 12:23

Madin kidaan di ngara kayuh adi Aku, adi TUHAN Raja, mbŭh nang pasar anŭ. Aku re pirŭŭ pitas anŭ. Pitas anŭ re dŭh tia pari pari dog nang darŭm Israel. Kidaan di ngara nang: tika mbŭh mandŭg, ka pininjau anŭ mbŭh re jadi bitŭtŭk!

EZEKIEL 29:8

Sabab anŭ meh, Aku, adi TUHAN Raja, kidaan di kuu nang Aku re bada tibaran soldadu nyerang kuu ngga pedang, ka ngara re siŭ daya mu ngga dāng dāng mu.

EZEKIEL 3:10

Tapa pijuu minyu, “Manusia, nakit dingah ka ingat sopŭrŭg kayuh adi Aku nang di kuu.

EZEKIEL 3:7

Pak ndi naan daya Israel mating re an dingah; ngara dŭh gŭh an dingah Aku. Sopŭrŭg ngara inŭh baking ka an birawan.

EZEKIEL 7:6

Sopŭrŭg-i mbŭh mungan. Ati inŭh pimungan mu. Mating tia pingarap mu.

EZEKIEL 8:12

Tapa siken aku, “Manusia, kiris mu kah kayuh adi daya Israel ndai darŭm bisukan? Ngara bisambah darŭm birit adi puno ngga masam masam gayŭn kayuh. Sŭn ngara nang, ‘TUHAN dŭh kiris ata! Ayŭh mbŭh tagan rais ta.’ ”

EZEKIEL 8:17

TUHAN nang di aku, “Manusia, kiris mu kah anŭ? Bara daya Judah ati dŭh puas asŭng ndai anŭ adi kuu kiris tejah samŭn pingandai ganas di ndi tarun tana rais. Tanŭ kah ngara dŭh siŭn dŭh mandŭg ka ndai-i digiti darŭm Ramin Ku ka bada Aku rabis baji. Tingga munki masam ngara pimangŭh Aku ngga pingandai adi raru sipŭ anŭ!

EZEKIEL 8:6

Tapa nang di aku, “Manusia, kiris mu kah kayuh adi mbŭh jadi? Tingga pingandai sipŭ adi daya Israel ndai digiti, ngga bada Aku makin jo so tarun yŭn kudus Ku. Kuu re kiris rabis bagŭ kayuh adi arap so ati.”

HOSEA 9:7

Tika ngga ngukum mbŭh mandŭg, tika adi ngga daya trima baras yŭn kayuh adi mbŭh ngara ndai. Kan-i mbŭh jadi simŭnŭ, daya Israel re puan! “Nabi ati,” angān nang, “inŭh budo. Daya ati adi dog pait Tapa inŭh gira.” Angān ruai tiru di aku sabab dosa ngan mbŭh raru bagŭ.

AMOS 7:8

Ayŭh siken di aku, “Amos, ani kiris mu?” “Prambap,” aku nam. Komŭnŭ Ayŭh nang, “Aku pakai-i ngga kiren daya Ku mbŭh keya ka sindung adi dŭh tŭnggŭn. Aku dŭh re nukar pikir Ku dinge pasar re ngukum ngara.

AMOS 8:1

TUHAN Raja kiren dinge kayuh di aku. Aku kiris ndi bakur brisi ngga buwa kayuh.

MICAH 7:1

Mating tia pingarap! Aku keya ka daya adi sibŭrŭk adi dŭh dapŭd buwa di tŭngŭn kayuh bait buwa anggor di tŭngŭn anggor. Sopŭrŭg buwa anggor ka sopŭrŭg buwa ara adi sidi mbŭh abo dog sun.

ZECHARIAH 5:2

Malaikat anŭ siken ani adi kiris ku. Aku nam, “Ndi surat-barun mikabur di au-tarun; surat anŭ prii mita ambu-i ka pat mita sitangah ramba-i.”