AMOS 7:10 - Hakcipta - Biatah Bidayuh

¹⁰ Amaziah, imam di Bethel, pait ripot ati ka Jeroboam adi raja Israel: “Amos agi bipekat ngga daya bagŭ rawan kuu. Pinganang-i re pirusak rais.

AMOS 7:10 ပူးပေါင်းရင်းမြစ်များ

TIBIRIK 37:8

Bara jurud-i siken ayŭh, “Kuu natis adŭp mu re jadi raja ka mritah kieh kah?” Jadi ngara mbŭh jadi rabis dinge tiru di ayŭh sabab pŭmŭh-i ka sabab kayuh adi-i nang pasar ngara.

1 RAJA 13:33

Raja Jeroboam, di Israel gibabŭ dŭh tingge pingandai arap-i, ka babŭ mien imam imam so rawang daya saja bada nyiraja di mija-sambah adi-i muko ndai. Ayŭh garar tadŭ daya adi raan jadi imam.

1 RAJA 18:17

Kan Ahab kiris ayŭh, ayŭh nang, “Anŭ inŭh ayŭh, pimito di Israel!”

JEREMIAH 18:18

Komŭnŭ daya nang, “Ja ata bipekat rawan Jeremiah! Re ari agi imam adi an ngajar ata, daya bijak adi an pitayan ata, ka bara nabi adi an piagah pinganang so Tapa. Ja ata nyarah ayŭh, ka dŭh tia dingah kayuh adi nang-i.”

JEREMIAH 36:16

Ripas-i basa, ngara kimat dingan ngara buang gŭgŭh, ka nang di Baruch, “Ata dŭh siŭn dŭh kidaan kayuh ati di raja.”

JEREMIAH 38:4

Komŭnŭ bara pinurung anŭ di ka yŭn raja ka nang, “Daya ati dŭh siŭn dŭh dog nggen ukum kabŭs. Pinganang-i anŭ re bada bara soldadu darŭm kupo taru, ka ayŭh mbŭh minyu sakanŭ di barang naan daya adi babŭ darŭm kupo. Ayŭh dŭh turung rayat; sibatur-i ayŭh an nyusah rayat.”

AMOS 1:1

Ati inŭh piminyu pinganang Amos, ndi naan pingingat-biri so kupo Tekoa. Duwŭh sawa diŭ so tana-bigugoh, kan Uzziah jadi raja Judah ka Jeroboam anak Jehoash jadi raja Israel, Tapa pinandŭng di Amos sopŭrŭg kayuh ati pasar Israel.

AMOS 3:14

“Di andu Aku ngukum daya Israel amai dosa ngara, Aku re pirabur mija mija-sambah Bethel. Sikuh sikuh barang mija-sambah re timber ka re rabu ka tana.

AMOS 5:10

Angān tiru di daya adi natang daya adi dŭh parad pinyitŭnggŭn ka adi minyu kayuh adi sawŭ di tarun yŭn bisara.

AMOS 5:5

Dŭhnyah di bisambah di Beersheba. Dŭhnyah suba jiroh Aku di Bethel — Bethel re jadi au-tarun. Dŭhnyah di ka Gilgal — daya-i re dog taran ka rais tami.”

AMOS 7:11

Ati inŭh kayuh nang-i: ‘Jeroboam re kabŭs darŭm biperang, ka daya Israel re dog taran jo so rais adŭp ngara.’ ”

MATTHEW 21:23

Jesus pari ka Ramin Tuhan; ka darŭm Ayŭh ngajar, pingubak pingubak imam ngga bara nyamba bangsa Jahudi mandŭg tudu Ayŭh ka siken, “Ani hak Mu ndai kayuh kayuh ati? Asi nggen di Kuu hak ngga ndai-i?”

LUKE 23:2

diginŭ ngara piguru nyarah Ayŭh: “Kieh mbŭh dapŭd daya ati kinanyap bangsa ami ngga ajar-I, nang kieh dŭh siŭn bayar suke ka Caesar, buang-I nang adŭp-I Kristus, adi raja.”

PINGANDAI 24:5

Kieh mbŭh dapŭd daya ati raru arap-i, ndai pito di dupan daya Jahudi di barang yŭn-i buang-i mbŭh pinguru tibaran daya Nazareth.

PINGANDAI 5:28

“Kieh muko nakit kidaan di angān da dŭh tia ngajar ngga adŭn daya anŭ, pak tingga meh kayuh adi angān mbŭh ndai! Angān mbŭh ngisi Jerusalem ngga ajar ngan, ka bada kieh dapu tanggong di pinyikabŭs-I!”

PINGANDAI 7:54

Kan bara daya Kunsil dingah pinganang Stephen, ngara mbŭh raru triyŭn buang baji di ayŭh.