AMOS 6:2 - Hakcipta - Biatah Bidayuh

² Panu di tingga kupo Calneh. Komŭnŭ panu radus ka Hamath kupo bās anŭ ka mūn ka Gath kupo daya Philistine. Kana dŭ kah ngara anŭ so pritah Judah ngga Israel? Bayah dŭ kah tarun tana ngara so tung jangān?

AMOS 6:2 ပူးပေါင်းရင်းမြစ်များ

TIBIRIK 10:10

Jadi sibungas rais adi dog mritah-i inŭh Babylon, Erech, ka Accad, so taruh-i di Babylonia.

2 SAMUEL 8:9

Raja Toi di Hamath dingah David muko ngarah sopŭrŭg bara soldadu Hadadezer.

1 RAJA 8:65

Diginŭ di Ramin TUHAN, Solomon ngga sopŭrŭg daya Israel bigawai man siramat Bari-Dawŭn ju andu. Daya mbŭh raru bagŭ so barang ka yŭn jeh so Ateng Hamath di utara ngga so baat Egypt di siratan.

2 RAJA 17:24

Raja-empaya Assyria taban daya so kupo kupo di Babylon, Cuth, Iwah, Hamath, ka Sepharvaim, ka bada ngara rŭŭ di kupo kupo di Samaria, ngga gati daya Israel adi mbŭh dog taran. Ngara dapu kupo kupo anŭ ka rŭŭ diginŭ.

2 RAJA 17:30

Daya Babylon ndai tibudo tapa Succoth Benoth; daya Cuth, tibudo Nergal; daya Hamath, tibudo Ashima;

2 RAJA 18:34

Diki meh ngara madin, tapa Hamath ngga tapa Arpad? Diki tapa Sepharvaim, Hena, ka Iwah? Agi kah adi mbŭh nyiramat Samaria?

2 RAJA 19:13

Diki meh raja raja kupo Hamath, Arpad, Sepharvaim, Hena, ka Iwah?”

2 KRONIKEL 26:6

Uzziah matak biperang rawan daya Philistine. Ayŭh nyirubuh sindung kuta kupo kupo Gath, Jamnia, ngga Ashdod, ka pijog kupo bikuta sindŭk Ashdod ka di tarun bŭkŭn di tarun tana daya Philistine.

JEREMIAH 49:23

Ati inŭh kayuh adi TUHAN nang pasar Damascus: “Daya adi rŭŭ di kupo Hamath ngga kupo Arpad mbŭh gapang buang susah sabab ngara mbŭh dingah agah arap. Atin gapang ngara nyarab ngara mun rawŭt, ka ngara dŭh dapŭd rŭŭ-paya.

NAHUM 3:8

Nineveh, kuu rabis kana so Thebes kah, adi sindŭ kupo Egypt? Ayŭh gŭh biyŭn ndi sungi adi grindung-i keya ka sindung; Yang Nile inŭh adi ngibān ayŭh.

1 SAMUEL 17:23

Darŭm-i minyu ngga ngara, Goliath ruah so uruk bara adŭp-i ka natang daya Israel nimun adi mbŭh. Ka David dingah ayŭh.

1 SAMUEL 17:4

Ndi naan daya dŭn Goliath, so kupo Gath, ruah so bari daya Philistine di natang daya Israel. Ajog-i sindŭk taruh mita bigatung

1 SAMUEL 5:10

Jadi ngara pait Pati Simanya anŭ ka Ekron, ndi so kupo daya Philistine adi bŭkŭn dinge. Pak kan-i mbŭh ndŭg nŭ, bara daya mbŭh bago, nang, “Ngara mbŭh taban Pati Simanya Tapa Israel ngga kamati amai raan siŭ sopŭrŭg ta!”

1 SAMUEL 5:8

Ngapŭi ngara pait pinyisung bada di bagan so-rimŭh raja daya Philistine da tikuruk ka siken ngara, “Re simuki ata ngga Pati Simanya Tapa Israel?” Bara raja anŭ nam, “Taban-i ka Gath.” Jadi ngara taban-i ka Gath, ndi so kupo daya Philistine adi bŭkŭn.