AMOS 5:4 - Hakcipta - Biatah Bidayuh

⁴ TUHAN nang di daya Israel, “Mandŭg ka Aku, ka angān re udip.

AMOS 5:4 ပူးပေါင်းရင်းမြစ်များ

2 RAJA 20:3

“Ingat, TUHAN, aku mbŭh bituan di Kaam ngga atin tŭtŭd ka stabi, ka aku mbŭh siraru bandar bandar ndai kayuh adi Kaam bada aku ndai.” Ka-i nyisakuk sien.

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

2 KRONIKEL 15:2

ka ayŭh di bidapŭd ngga Raja Asa. Ayŭh nang, “Dingah aku, Raja Asa, ngga sopŭrŭg daya Judah ngga Benjamin! TUHAN agi ngga angān atas angān agi ngga Ayŭh. Kambŭi angān jiroh Ayŭh, Ayŭh re bada angān dapŭd adŭp-I, pak kambŭi angān tagan Ayŭh, Ayŭh re tagan angān.

2 KRONIKEL 20:3

Jehoshaphat mbŭh taru ka bidua ka TUHAN mite Ayŭh turung kidaan ani patut-i ndai. Komŭnŭ ayŭh nggen ukum bada sopŭrŭg daya bipusa di ndi tarun tana rais.

2 KRONIKEL 20:4

So barang kupo di Judah daya bigaut di ka Jerusalem mite turung so TUHAN,

2 KRONIKEL 34:3

Di sawa adi mai darŭm pinyipritah Josiah, darŭm ayŭh gibabŭ mara, ayŭh piguru nyambah Tapa babuk-i David. Pat sawa ripas anŭ ayŭh piguru nyirubuh tarun yŭn bisambah adat karŭm, tandā tandā pinatŭng tapa Asherah, ngga sopŭrŭg tibudo adi bŭkŭn.

MAZMUR 14:2

TUHAN tingga manusia so shorga an puan agi kah mating adi bijak, agi kah mating adi nyambah Ayŭh.

MAZMUR 22:26

Daya sirata re man sikiang kiang ngara raan; ngara adi mandŭg ka TUHAN re muji Ayŭh. Isa-i ngara mujur adu adu!

MAZMUR 27:8

Kan Kaam nang, “Mandŭg ka nyambah Aku,” aku nam, “Aku re mandŭg, TUHAN;

MAZMUR 69:32

Kan daya adi dog kinanyuh kiris ati, ngara re gaŭn; ngara adi nyambah Tapa re dog ngatat.

MAZMUR 69:33

TUHAN dingah ngara adi sirata ka dŭh kambŭt daya-I di jer.

ISAIAH 31:1

Mbŭh payah inŭh ngara adi di ka Egypt yŭn mite turung! Ngara bisangan di kuasa ngga pinyibake bara tibaran soldadu Egypt, mun kuda, krita kuda, ka bara soldadu. Pak ngara dŭh bisangan di TUHAN, adi Tapa Israel, bait mite turung so Ayŭh.

ISAIAH 55:3

“Dingah madin, daya Ku, ka mandŭg ka Aku; mandŭg ka Aku, ka angān re udip! Aku re ndai simanya adi tan adu adu ngga angān ka nggen di angān berkat adi Aku mbŭh bijanji nggen di David.

JEREMIAH 38:20

Aku nang, “Kuu dŭh re dog nggen ka darŭm tangan ngara. Aku mite kuu tunda pinganang TUHAN; ka sopŭrŭg kayuh re siramat, ka kuu dŭh re dog siŭ.

EZEKIEL 18:9

Daya adi mun anŭ tunda pesan Ku ka nakit sita ukum-adat Ku. Ayŭh tŭnggŭn, ka ayŭh re udip,” nang TUHAN Raja.

HOSEA 10:12

Aku nang, ‘Majak tana adi bauh yŭn adŭp ngan, purun pinŭnggŭn, ka ngatŭm berkat adi mandŭg so pinyirindu ngan di Aku. Ati inŭh tika adi ngga angān pari ka Aku, adi TUHAN ngan, ka Aku re mandŭg ka ren berkat di tunduh ngan.’

AMOS 5:6

Di ka TUHAN, ka angān re udip. Kambŭi dŭh, Ayŭh re mandŭg mun apui adi bijagu ka daya Israel. Apui anŭ re man daya Bethel, ka mating daya re tungang mura-i.

ZEPHANIAH 2:3

Pari ka TUHAN, sopŭrŭg ngan adi di rais ati adi pirapat adŭp ngan, adi tunda pesan-I. Ndai kayuh adi batur, ka pirapat adŭp ngan di sirung jawin TUHAN. Kadŭ angān dapŭd pirupas adŭp ngan so ukum di andu anŭ adi ngga TUHAN kiren baji-I.

MATTHEW 7:8

Amai barang naan daya adi mite re kambat, ka tadŭ tadŭ daya adi jiroh re dapŭd, ka tiban re tikuka yŭn daya adi gutog.

DITRONOMI 32:46

ayŭh nang, “Nakit ingat ka tunda sopŭrŭg pesan adi nggen ku di angān andu ati. Pesan anak anak ngan bada sita-i, isa ngara bisa ngga atin tŭtŭd tunda sopŭrŭg ajar Tapa.

DITRONOMI 32:47

Ajar ajar ati dŭh-i pinganang au-tarun, pak aŭn asŭng udip ngan. Tunda nŭh ka angān re tui udip di tarun tana adi di pah mandi Yang Jordan adi angān re ngisi.”

DITRONOMI 4:29

Diginŭ angān re jiroh TUHAN adi Tapa ngan, ka kambŭi angān jiroh Ayŭh ngga siabo atin ngan, angān re dapŭd ayŭh.