AMOS 5:2 - Hakcipta - Biatah Bidayuh

² Israel, dayung tibŭn anŭ, mbŭh rabu, dŭh re makat dinge! Ayŭh dog tandah guring di tunduh tana, ka mating daya turung pakat ayŭh.

AMOS 5:2 ပူးပေါင်းရင်းမြစ်များ

2 RAJA 15:29

Di jaman Pekah jadi raja, Tiglath Pileser, adi raja-empaya Assyria, sirabut kupo kupo di Ijon, Abel Beth Maacah, Janoah, Kedesh, ka Hazor, samŭn tarun tana Gilead, Galilee, ka Naphtali, ka tambit daya ka Assyria jadi daya-takap.

2 RAJA 17:16

Ngara miranggar sopŭrŭg ukum-adat TUHAN adi Tapa ngara, ka mbŭh ndai patong dari sapi basi an ngara nyambah; ngara gŭh ndai uros gayŭn tapa Asherah, nyambah bitang samŭn tapa Baal.

ISAIAH 14:21

Tandah bisiŭ anŭ piguru! Bara anak raja re kabŭs sabab dosa tayung-babuk ngara. Mating so ngara re mritah ong bait ndai bagŭ kupo dieh.”

ISAIAH 24:20

Ong re tibabeu mun daya mabuk ka tipawing mun bari dog poh sabak ribut. Ong dog nanuh dosa, ka re rubuh ka dŭh pari makat.

ISAIAH 3:8

Sawŭ, Jerusalem mbŭh rabu! Judah mbŭh rubuh! Sopŭrŭg kayuh adi ngara ndai bait nang mbŭh rawan TUHAN; ngga dŭh biyŭn atin taru ngara ngamun Tapa.

ISAIAH 37:22

TUHAN mbŭh nang, “Kupo Jerusalem tawŭh kuu, Sennacherib, ka ngamun kuu.

ISAIAH 43:17

Ayŭh pirabur bara tibaran soldadu adi bās, bara tibaran soldadu krita kuda ngga soldadu pinunggang kuda. Ngara kabŭs, dŭh re pari makat, ngara kabŭs mun apui di sumbu prita pura!

JEREMIAH 14:17

TUHAN pesan aku bada kidaan di daya pasar pinyusah ku. Aku patut nang: “Isa-i randang batŭh ku pripasog ruah sandu ngga singarŭm, isa-i aku dŭh ko muās, amai daya ku mbŭh biragan ka mbŭh bana sangsara.

JEREMIAH 18:13

TUHAN nang, “Siken barang bangsa agi kah kayuh mun anŭ ari jadi dawŭ-i. Daya Israel mbŭh ndai kayuh adi sipŭ!

JEREMIAH 2:27

Sopŭrŭg ngan re dog pimangŭh; angān adi nang tŭngŭn kayuh inŭh sama ngan ka batuh inŭh sindŭ ngan. Kayuh ati re jadi sabab angān bu tagan Aku darŭm angān patut marik pimudip ngan pari ka Aku. Pak kan angān dog pinyusah, angān bagan Aku bada mandŭg di nyiramat angān.

JEREMIAH 31:4

Aku re pari pijog angān. Angān re pari tambit tamburin ngan ka birajang ngga gaŭn.

JEREMIAH 4:20

Pinyirusag ndi dog tunda pinyirusag andi; ndi tarun tarun tana rais mbŭh rabur. Gŭgŭh bari bari ami mbŭh dog pirusak; dudu tabir-i mbŭh tiratak.

JEREMIAH 50:32

Kuu bangsa adi sambuh re sikak ka rabu, ka mating daya re turung kuu makat. Aku re sigot kupo kupo mu, ka sopŭrŭg kayuh adi maning-i re abo dog pirabur.”

JEREMIAH 51:64

ka nang, ‘Ati inŭh kayuh adi re jadi di Babylonia. Babylonia re timŭtŭm ka manŭn dŭh re tipuang, sabab pinyirusag adi TUHAN re bada nyatŭk-i.’ ” Pinganang Jeremiah abo digiti.

JEREMIAH 8:4

TUHAN bada aku kidaan di daya-I, “Kan daya rabu, dŭh kah ayŭh makat? Kan daya manyap di aran, dŭh kah ayŭh pari ka panu so puun-i dinge?

JEREMIAH 9:21

Pinyikabŭs mbŭh mŭrŭt so pinjan ta ka mŭrŭt istana ta; pinyikabŭs mbŭh siŭ anak-sŭ di aran raya ka bara dari adi mara di passar.

JEREMIAH 9:9

Re dŭh kah Aku ngukum ngara amai sopŭrŭg anŭ? Re dŭh kah Aku maras dendam di tunduh bangsa adi mun anŭ? Aku, adi TUHAN, mbŭh minyu.”

PUĀS 2:13

O Jerusalem, kupo adi dog rindu, ani bisa ku nang? Aku dŭh dapŭd nyaduh kuu. Gi-bŭn daya sangsara mun kuu. Pinyirusag mu raru bayah mun rawŭt; mating pingarap mu tia.

HOSEA 14:1

Pari ka TUHAN adi Tapa ngan, daya Israel. Dosa ngan mbŭh bada angān sikak ka rabu.

HOSEA 6:2

Darŭm duwŭh puan kah taruh andu Ayŭh re pibua ata, ka ata re udip di sirung jawin-I.

AMOS 8:14

Ngara adi bipayu pakai tibudo Samaria, buang nang, ‘Ngga dŭn tapa Dan,’ puan kah, ‘Ngga dŭn tapa Beersheba’, re rabu ka dŭh tia makat.”

AMOS 9:11

TUHAN nang, “Andu-i re mandŭg adi ngga Aku pari pijog pritah David, adi keya ka ramin adi mbŭh rubuh. Aku re nyurat sindung-i ka bada-i pari tagap mun dawŭ-i.