AMOS 5:12 - Hakcipta - Biatah Bidayuh

¹² Aku puan munki masam sipŭ dosa ngan ka kudu pingandai sarah mbŭh ngan ndai. Angān kisiis daya adi kana, angān man suap, ka bitan sirŭŭn daya sirata dog dingah di tarun yŭn bisara.

AMOS 5:12 ပူးပေါင်းရင်းမြစ်များ

JOB 20:19

sabab ngara kinanyuh buang dŭh piduri daya adi sirata ka sirapas ramin adi daya bŭkŭn pijog.

JOB 31:21

Kambŭi aku mbŭh nipu anak tumang, amai puan adŭp ku re manang di yŭn bisara,

MAZMUR 127:5

Sanang inŭh daya adi biyŭn reja-panah anŭ. Ayŭh re dŭh dog ngarah kan ayŭh bidapŭd ngga pinganyu-i di tarun yŭn bisara.

PINYIRUAH 23:3

Dŭhnyah marad ka daya sirata sabab ayŭh daya sirata darŭm ayŭh dog bisara.

PINYIRUAH 23:6

Kambŭi daya sirata dog bisara di yŭn daya bisara, dŭhnyah matŭn pinyitŭnggŭn so ayŭh.

PITAS 17:8

Agi daya pikir suap bisa ndai pingandai-nginga; ngara sabah-i bisa ndai bagŭ masam kayuh.

PITAS 22:22

Dŭhnyah mirupak daya sirata sabab ayŭh sirata; dŭhnyah ida ida ngga ngara di tarun yŭn bisara.

ISAIAH 1:23

Bara pinguru mu inŭh daya adi an birawan ka jerā bara pinaku; ngara marar trima pinganggen ngga suap. Ngara bŭn ngibān anak tumang di yŭn bisara bait dingah pinganang dayung uban pasar har ngara.

ISAIAH 10:2

Simŭnŭ inŭh angān kinarang daya sirata dapŭd hak ngara ka matŭn ngara dog ngatur ngga pinyitŭnggŭn. Simŭnŭ inŭh angān tambit buat-rata dayung uban ngga anak tumang.

ISAIAH 29:21

Tapa re pirabur ngara adi nyarah daya, ngara adi bitan daya adi sarah so dog ukum, samŭn daya adi nggen taksi kadong ngga bada pinyitŭnggŭn dŭh dog pimanu yŭn daya adi jujur.

ISAIAH 33:15

Angān re siramat kambŭi angān nang ka ndai kayuh adi batur. Dŭhnyah pakai kuasa ngan ngga nipu daya sirata bait trima suap. Dŭhnyah mŭrŭt pekat daya adi bisatur an siŭ daya puan kah ndai tadŭ masam pingandai adi arap.

ISAIAH 47:9

Pak nyitiro adŭ, darŭm ndi andu, soduwŭh kayuh anŭ re jadi. pakai kuasa nanung bait kani kuu, banŭh ngga anak anak mu re mating.

ISAIAH 5:23

Pak ngga suap adi sŭ, angān mbŭh pirupas daya adi sarah, ka angān bitan pinyitŭnggŭn dog pimanu yŭn daya adi dŭh sarah.

ISAIAH 66:18

Aku puan pikir-kira ngga pingandai ngara. Aku mandŭg di nguruk daya so sopŭrŭg bangsa. Kan ngara samah mandŭg, ngara re kiris kayuh adi kuasa Ku dapŭd ndai

JEREMIAH 29:23

Simŭnŭ inŭh re nasip ngara sabab ngara ndai dosa adi sipŭ; anŭ inŭh, ngara tanggah ka mbŭh minyu kadong ngga adŭn TUHAN. Kayuh anŭ inŭh miranggar pinyiraan TUHAN; Ayŭh puan kayuh adi ngara mbŭh ndai, ka Ayŭh inŭh saksi adi rawan ngara. TUHAN mbŭh minyu.”

PUĀS 3:34

TUHAN puan kan asŭng ta dog digang di tika ata darŭm jer;

EZEKIEL 13:22

“Ngga pinganang kadong ngan angān pijimŭ atin daya adi kana, adi Aku dŭh an ida ida ngga. Angān ngasu daya arap ndai kraja arap ndŭg ka ngara dŭh dapŭd dog nyiramat.

HOSEA 5:3

Aku puan mun ani Israel; dŭh-i bisa bisukan so Aku. Ayŭh dŭh tŭtŭd di Aku, ka daya-i dŭh bia re nyambah Aku.”

AMOS 2:16

Di andu anŭ, ndŭg ka soldadu adi siabo pagan re pasan sinyata-i ka bikaduh bu.” TUHAN mbŭh minyu.

AMOS 2:3

Aku re siŭ pimritah Moab ngga sopŭrŭg pinguru di tarun tana anŭ.”

AMOS 5:10

Angān tiru di daya adi natang daya adi dŭh parad pinyitŭnggŭn ka adi minyu kayuh adi sawŭ di tarun yŭn bisara.

AMOS 5:7

Mŭmbŭh inŭh angān, angān adi ngarut pinyitŭnggŭn ka sirapas hak daya!

AMOS 8:4

Dingah, angān adi bidigang di daya adi dŭh biyŭn kayuh ka suba an pirabur daya adi sirata darŭm rais.

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

MICAH 7:3

Sopŭrŭg ngara sukup pandai ndai arap. Bara pinurung pritah ngga akim akim mite suap. Daya adi bās kidaan kayuh adi-i raan, ngapŭi meh ngara taŭn bipekat ndai kayuh.

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

PINGANDAI 7:52

Agi kah nabi adi dŭh tayung-babuk ngan kisiis? Ngara siŭ bara pinyisung Tapa, adi ko jah-i piagah pimandŭg Urun Tapa adi tŭnggŭn. Madin, angān mbŭh jua ka siŭ Ayŭh.

DITRONOMI 16:18

“Tijuan bara akim ngga bara pinurung adi bŭkŭn di barang kupo adi TUHAN adi Tapa ngan nggen di angān. Bara daya anŭ siŭn ngatur har daya ngga tŭnggŭn.

DITRONOMI 31:21

ka bagŭ mun pinyirusag adi raru arap re nyatŭk ngara. Pak ragu ati re babŭ dog nang, ka jadi taksi Ku di ngara. Ka madin gŭh, diŭ so Aku taban ngara mŭrŭt tarun tana adi Aku mbŭh bijanji an nggen di ngara, Aku mbŭh puan kayuh adi ngara pikir.”

JAMES 5:4

Angān gibayuh bayar gaji ngara adi nyiraja di teya ngan. Dingah meh ngara mingungut! Ngara adi ko nguruk buwa yŭn ngan mbŭh ngadu buang mite turung so Tapa, Tuhan adi Bisa-pŭrŭg.

JAMES 5:6

Angān nunggu ka siŭ daya adi dŭh biyŭn sarah, pak ngara dŭh rawan angān.

RUTH 4:1

Boaz di ka tarun adi yŭn daya tikuruk di tiban-bās kupo ka guru diginŭ. Komŭnŭ madis Elimelech adi rabis sindŭk, daya adi Boaz muko nyabŭt, agi murah, ka Boaz bagan ayŭh, “Mandŭg kamati, jerā ku, ka sua guru.” Ka ayŭh mandŭg ka sua guru.

1 SAMUEL 8:3

Pak ngara dŭh tunda danding sama ngara; ngara gruwŭn adŭp-i dapŭd duit adŭ, sabab anŭ meh ngara trima suap ka dŭh nyirase har daya ngga batur.