AMOS 4:8 - Hakcipta - Biatah Bidayuh

⁸ Ramah ngga badŭh asŭng, daya so kupo kupo adi bŭkŭn mandŭg ka ndi kupo di yŭn ngara harap adŭp-i dapŭd piin, pak diginŭ dŭh sadang piin re ngara nok. Babŭ gŭh angān dŭh pari ka Aku.

AMOS 4:8 ပူးပေါင်းရင်းမြစ်များ

1 RAJA 18:5

Ahab nang di Obadiah, “Ja ata di tingga barang rubang piin ka barang dau di rais ati nang ka tungang kah dŭh ata dapŭd sadang kupai ngga kudip kuda ngga kuda pinakan kaldi. Kadŭ ata dŭhsah siŭ dāng ta.”

ISAIAH 9:12

Syria di parad tura ka timor ngga Philistia di parad tura ka barat mbŭh kanga baba ngara an man Israel. Pak sunggu mŭnŭ, baji TUHAN dŭh re ko; Ayŭh babŭ pakat tangan-I re ngukum.

JEREMIAH 23:14

Pak Aku mbŭh kiris bara nabi di Jerusalem ndai anŭ adi rabis arap: ngara tanggah ka kadong daya; ngara turung daya ndai sarah, ndŭg ka mating daya an ko ndai kayuh arap. Di Aku, sopŭrŭg ngara inŭh arap mun daya Sodom ngga Gomorrah.

JEREMIAH 3:3

Anŭ meh sabab andu dŭh ujen, ka ujen di tipuh bunga dŭh mandŭg. Kuu tanŭ ka mbŭh mun dayung sundar; dŭh biyŭn mangŭh.

JEREMIAH 3:7

Aku pikir ripas ayŭh mbŭh ndai sopŭrŭg anŭ, ayŭh raan pari ka Aku. Pak ayŭh dŭh pari, ka Judah adi jurud-i adi dŭh tŭtŭd anŭ kiris sopŭrŭg pingandai-i anŭ.

JEREMIAH 5:3

Tatu TUHAN jiroh atin tŭtŭd. Ayŭh ngukum angān, pak angān dŭh mbit piduri; Ayŭh pān angān, pak angān abah birajar. Angān baking ka dŭh raan ko bidosa.

HOSEA 11:5

“Ngara abah pari ka Aku, ngapŭi ngara dŭh siŭn dŭh pari ka Egypt, ka Assyria re mritah ngara.

HOSEA 7:10

Uap-sambuh daya Israel mbŭh manŭn ka mbŭh jadi taksi yŭn sarah ngara. Bagŭ kayuh mbŭh jadi, pak ngara dŭh pari ka Aku, adi TUHAN Tapa ngara.

AMOS 4:6

“Aku inŭh adi taban apag ka sopŭrŭg kupo ngan, pak angān dŭh pari ka Aku.

MICAH 6:14

Angān re man, pak re dŭh bisoh; sawŭ angān re babŭ sibŭrŭk. Angān re sirapas kayuh, pak angān re dŭh dapŭd bada-i pagŭng. Kayuh adi angān nyikŭn Aku re pirusak darŭm perang.

HAGGAI 1:6

Angān mbŭh purun bagŭ gandom, pak dŭh sadang ngga bada adŭp ngan bisoh. Angān biyŭn wain an ngan nok, pak dŭh re sadang ngga bada angān mabuk! Angān biyŭn piraka, pak dŭh re sadang ngga bada angān paras. Ka daya adi nyiraja dŭh re tungang dapŭd bagŭ duit ngga biranja adŭp-i.

HAGGAI 2:17

Aku pait sabak adi paras ngga ujen batuh bada pirusak sopŭrŭg kayuh adi angān purun, pak babŭ gŭh angān dŭh an marik pimudip ngan pari ka Aku.