AMOS 4:10 - Hakcipta - Biatah Bidayuh

¹⁰ “Aku pait sesak-andam ka angān mun anŭ adi Aku pait ka daya Egypt. Aku siŭ bara dari ngan adi mara darŭm perang ka tambit kuda ngan. Aku ngisi undung ngan ngga buuh so tadang adi madam di tarun yŭn ngan bibari. Babŭ gŭh angān dŭh pari ka Aku.

AMOS 4:10 ပူးပေါင်းရင်းမြစ်များ

DITRONOMI 28:60

Ayŭh re taban ka angān dinge sopŭrŭg andam adi bisā adi angān ko taru ka kiris di Egypt, ka angān dŭh re tungang bua.

JOEL 2:20

Aku re kadi bara tibaran kadis adi mandŭg so utara ka re kasig kada-i ka tarun tana-pajam. Bara-i adi tura ka jawin re dog kasig ka Rawŭt Pide, bara adi tura ka punok ka rawŭt Mediterranean. Tadang ngara re buuh madam. Aku re pirabur ngara sabab sopŭrŭg kayuh adi ngara mbŭh ndai di tunduh ngan.

2 RAJA 13:7

Bara soldadu bisinyata Jehoahaz mating tia dŭm, adŭ-i 50 naan adi bara soldadu pinunggang kuda, simŭng krita kuda, ka 10,000 soldadu adi panu kaja, sabab raja Syria mbŭh siŭ adi bŭkŭn, adi-i digang ka pirandŭk mun dabu tana.

LEVITICUS 26:25

Aku re taban perang ka angān ngga ngukum angān amai angān miranggar simanya ta, ka kambŭi angān tikuruk re magŭng adŭp ngan darŭm kupo ngan, Aku re pait andam adi dŭh tikuri ka ruang ngan, ka angān re nyerah adŭp ngan ka pinganyu ngan.

DITRONOMI 7:15

TUHAN re grindung angān so sopŭrŭg andam, ka Ayŭh dŭh re bada nyatŭk angān tadŭ mun andam adi bisā adi muko angān kinyam di Egypt, pak Ayŭh re bada-i nyatŭk sopŭrŭg pinganyu ngan.

AMOS 8:3

Di andu anŭ ragu di istana re marui jadi puās. Di barang yŭn re agi tadang. Dudu tadang anŭ re dog taran ngga pajam.”

AMOS 4:6

“Aku inŭh adi taban apag ka sopŭrŭg kupo ngan, pak angān dŭh pari ka Aku.

JEREMIAH 18:21

Pak madin, TUHAN, tandah anak anak ngara kabŭs sikirau; tandah ngara dog siŭ darŭm perang. Tandah bara dayung ngara dŭh biyŭn banŭh ngga anak, amai mbŭh abo kabŭs. Tandah bara dari ngara kabŭs mandam ka dari adi mara dog siŭ darŭm perang.

JEREMIAH 11:22

Ka TUHAN Bisa-pŭrŭg nang, “Aku re ngukum ngara! Dari ngara adi mara re dog siŭ darŭm perang; anak anak ngara re kabŭs sikirau.

2 RAJA 13:3

Jadi TUHAN baji di Israel, ka Ayŭh tandah Raja Hazael so Syria ngga anak-i Benhadad ari ngarah Israel.

DITRONOMI 28:22

TUHAN re ngukum angān ngga andam adi bisa sawit, ngga andam bakak ngga sungoh; Ayŭh re pait raga ngga sabak adi paras da pirusak anŭ adi angān purun di ŭmŭh ngan. Pinyirusag anŭ re nyatŭk angān ndŭg ka angān kabŭs.

LEVITICUS 26:16

Aku re ngukum angān. Aku re taban pinyirusag ka angān, mun andam andam adi dŭh tikuri ka sungoh adi bisa bada angān karak ka adi re kirŭpŭt pimudip ngan. Angān re nyipurun, pak-i dŭh re jadi guna di angān, amai pinganyu ngan re ngarah angān ka re man kayuh adi angān purun.

PINYIRUAH 8:19

ka bara pinanung anŭ nang di raja, “Tapa inŭh adi ndai kayuh ati!” Pak raja gibabŭ baking ka, sak adi TUHAN ko nang, ayŭh abah dingah pinganang Moses ngga Aaron.

JEREMIAH 48:15

Moab ngga kupo kupo-i mbŭh dog nyerang; bara dari-i adi mara mbŭh dog siŭ. Aku ati raja, adi TUHAN Bisa-pŭrŭg, ka Aku mbŭh minyu.

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 15:3

Aku, adi TUHAN, mbŭh natu nang pat masam kayuh adi sipŭ re jadi di ngara: ngara re dog siŭ darŭm perang; tadang ngara re dog tarik kasong; manuk re man-i, ka dāng tarun re man tadŭh-i.

JEREMIAH 9:22

Tadang ngara mbŭh di barang yŭn, mun tugung tamŭh di tana, mun tŭngŭn gandom adi dog japa ka dog tingge daya adi ngatŭm, gandom adi dŭh dog sun. Anŭ inŭh kayuh adi TUHAN bada aku kidaan.”

JEREMIAH 6:11

Baji Mai di ngara bijagu gŭh darŭm aku, TUHAN, ka aku dŭh tungang nyijŭn-i tia.” Komŭnŭ TUHAN nang di aku, “Ren baji Ku di tunduh bara anak-sŭ di aran raya ka di tunduh anak anak-anya. Banŭh banŭh ngga sawŭn sawŭn ngara re dog taban ngga bu, ndŭg ka adi minyamba re dŭh gŭh dog kidŭm.

ISAIAH 9:13

Daya Israel babŭ dŭh marik pimudip ngara pari ka Tapa; sunggu TUHAN Bisa-pŭrŭg mbŭh ngukum ngara, ngara gibayuh pari ka Ayŭh.

2 RAJA 10:32

Di tipuh anŭ TUHAN piguru bada sŭ tarun tana Israel. Raja Hazael so Syria ngarah sopŭrŭg tarun tana daya Israel

2 RAJA 8:12

“Mani kaam sien, tuan?” Hazael siken. “Sabab aku puan kayuh adi raru sipŭ adi kuu re ndai di tunduh daya Israel,” Elisha nam. “Kuu re sigot kuta kuta ngara, siŭ bara anak dari ngara adi piaŭn, mukong anak-anya ngara ndŭg kabŭs, ka nyeja tain dayung ngara adi bite.”

PINYIRUAH 15:26

Ayŭh nang, “Kambŭi angān an tunda pinganang Ku ngga ndai anŭ adi Aku nang batur ka sita pesan Ku, Aku dŭh re ngukum angān ngga tadŭ mun andam anŭ adi Aku ko bada dog daya Egypt. Aku ati TUHAN adi pibua angān.”

PINYIRUAH 14:4

Aku re bada ayŭh baking, ka ayŭh re tadak angān, ka pimanang Ku ngarah raja ngga bara tibaran soldadu-i re taban bragah ka adŭp Ku. Nganŭ daya Egypt re puan nang Aku ati TUHAN.” Daya Israel ndai nimun adi mbŭh dog kidaan.

PINYIRUAH 10:27

TUHAN bada raja baking, ka ayŭh dŭh an bada ngara ruah.

PINYIRUAH 10:3

Jadi Moses ngga Aaron di dapŭd raja ka nang di ayŭh, “TUHAN, adi Tapa daya Hebrew, nang, ‘Ndŭg sinde kuu dŭh an nundok di Aku? Bada daya Ku ruah isa ngara bisa nyambah Aku.

PINYIRUAH 9:17

Pak kuu gibabŭ gŭh dŭh tigŭgŭs ka dŭh raan piruah daya Ku.

PINYIRUAH 9:12

Pak TUHAN bada raja anŭ baking ka, sak adi TUHAN ko nang, raja abah dingah pinganang Moses ngga Aaron.

DITRONOMI 28:21

Ayŭh re pait andam bigati gati ka angān ndŭg ka ndi naan mating gŭh angān re dŭm di tarun tana anŭ adi angān re ngisi.

ISAIAH 9:17

Ngapŭi TUHAN dŭh re bada tadŭ tadŭ so daya adi mara rupas, ka Ayŭh dŭh re masi di tadŭ tadŭ dayung uban ngga anak tumang, sabab sopŭrŭg daya inŭh daya adi dŭh stabi di Tapa buang ginaka, ka barang masam kayuh adi ngara nang inŭh arap. Pak sunggu mŭnŭ, baji TUHAN dŭh re ko, ka babŭ pakat tangan-I re ngukum.

ISAIAH 34:3

Tadang ngara re dŭh dog kubur, pak re prigure diginŭ ka buuh madam; ka darŭd darŭd re bireh ngga deya.

ISAIAH 50:11

Sopŭrŭg ngan adi bipekat an pirusak daya re rusak bada pekat adŭp ngan. Adŭp TUHAN re bada-i jadi simŭnŭ; angān re sangsara bada nasip adi arap.

JEREMIAH 49:26

Di andu anŭ bara dari ngara adi mara re dog siŭ di arong aran raya, ka sopŭrŭg soldadu-i re dog pirabur.

ISAIAH 9:12

Syria di parad tura ka timor ngga Philistia di parad tura ka barat mbŭh kanga baba ngara an man Israel. Pak sunggu mŭnŭ, baji TUHAN dŭh re ko; Ayŭh babŭ pakat tangan-I re ngukum.

JEREMIAH 5:3

Tatu TUHAN jiroh atin tŭtŭd. Ayŭh ngukum angān, pak angān dŭh mbit piduri; Ayŭh pān angān, pak angān abah birajar. Angān baking ka dŭh raan ko bidosa.

HOSEA 11:5

“Ngara abah pari ka Aku, ngapŭi ngara dŭh siŭn dŭh pari ka Egypt, ka Assyria re mritah ngara.

HAGGAI 2:17

Aku pait sabak adi paras ngga ujen batuh bada pirusak sopŭrŭg kayuh adi angān purun, pak babŭ gŭh angān dŭh an marik pimudip ngan pari ka Aku.