AMOS 4:1 - Hakcipta - Biatah Bidayuh

¹ Dingah, angān bara dayung Samaria, adi mbŭh bitambah gamu mun sapi Bashan adi nakit dog paan. Angān arap ngga daya adi ramah, kinanyuh daya adi sirata, ka takan banŭh ngan bada ari nggen nok adi bisā di angān!

AMOS 4:1 ပူးပေါင်းရင်းမြစ်များ

1 RAJA 16:24

ka komŭnŭ ayŭh miris sandah Samaria ngga rega 6,000 kiping pirak so ndi naan daya dŭn Shemer. Omri nyindung sandah anŭ ngga sindung kuta, pijog ndi kupo diginŭ, ka kadŭn-i Samaria, tarik dŭn Shemer, daya adi diŭ dapu sandah anŭ.

JOB 20:19

sabab ngara kinanyuh buang dŭh piduri daya adi sirata ka sirapas ramin adi daya bŭkŭn pijog.

JOB 24:4

Ngara nagah daya sirata dapŭd hak ngara ka daya adi dŭh biyŭn ani ani an dŭh an bu di bisukan.

MAZMUR 12:5

“Pak madin aku re mandŭg,” nang TUHAN, “sabab ngara adi sirata dog kinanyuh ka adi dog kisiis nyidaing amai mandam. Aku re nggen di ngara pinyipagŭng adi ngara gruwŭn.”

MAZMUR 140:12

TUHAN, aku puan Kaam kingat ngga pinyitŭnggŭn daya adi misakin ka kingat hak daya adi sirata.

MAZMUR 22:12

Bagŭ pinganyu kirurung aku keya ka dari dari sapi; ka mbŭh maning aku, keya ka dari dari sapi adi mangah so tarun tana Bashan.

PITAS 22:7

Daya sirata inŭh urun daya kaya. Nginjam duit ka kuu inŭh urun daya adi so kuu nginjam-i.

EKLISIASTIS 4:1

Komŭnŭ aku tingga dinge ka kiris sopŭrŭg daya dog kinanyuh di barang yŭn di ong. Daya adi dog kinanyuh sien, ka mating daya turung ngara. Mating daya an turung ngara, sabab bara adi kinanyuh ngara inŭh daya adi bikuasa.

EKLISIASTIS 5:8

Dŭhnyah gŭgŭh kan kuu kiris pritah kinanyuh daya sirata, dŭh pimanu pinyitŭnggŭn yŭn ngara ka dŭh piduri hak ngara. Barang naan pinurung pritah inŭh dog grindung sianŭ adi di tunduh ngara, ka sopŭrŭg ngara dog grindung pinurung adi bigatung dinge so ngara.

ISAIAH 28:1

Mŭmbŭh inŭh pritah Israel! Bragah-i asab keya ka makota rarak bunga di ubak pinguru pinguru adi mabuk. Anŭ inŭh adi ngara ngangŭn ka na wangi dieh, pak ngara guring mabuk ka dŭh rada ani ani.

ISAIAH 5:8

Mbŭh payah inŭh angān! Angān miris bagŭ ramin ngga tana ngga nambah anŭ adi angān mbŭh biyŭn. Dŭm dŭh tui re mating tarun yŭn daya bŭkŭn, ka angān sadi adŭ rŭŭ di tarun tana anŭ.

ISAIAH 56:12

‘Ja nok wain,’ bara pimabuk anŭ nang, ‘ka nok sipuas puas ta! Sipagi re rabis kana so andu ati!’ ”

ISAIAH 58:6

“Bipusa adi Aku raan inŭh ati: kadi parik basi so daya-takap adi dog muak dŭh ngga sipatut-i. Pirupas ngara adi dog kinanyuh!

JEREMIAH 50:11

TUHAN nang, “Daya Babylonia, angān pirinda bangsa Ku. Angān pawŭn ka gaŭn, panu kamati kamanŭ mun sapi bidigang di tunduh gandom bait mun kuda adi pira-mr|e adŭp-i,

JEREMIAH 50:27

Siŭ sopŭrŭg soldadu ngara! Simŭnŭ inŭh nasip ngara, amai tika ngara dog ukum mbŭh mandŭg!”

JEREMIAH 51:34

Raja Babylonia ko natad Jerusalem ka man-i. Ayŭh kangan kupo mun kangan tipayan; mun raja dāng ayŭh tŭrŭn-i. Ayŭh tambit kayuh adi-I raan ka taran adi bŭkŭn.

JEREMIAH 6:6

TUHAN Bisa-pŭrŭg mbŭh nggen ukum bada raja raja tabŭng tŭngŭn tŭngŭn kayuh ka nugung tana ngga nyikapung Jerusalem. Ayŭh nang, “Aku re ngukum kupo ati sabab-i mbŭh puno ngga kraja pingandai kinanyuh.

JEREMIAH 7:6

Dŭh tia kinanyuh daya saruh, anak tumang, ka dayung uban. Dŭh tia siŭ daya adi dŭh sarah di tarun tana ati. Dŭh tia nyambah tapa tapa bŭkŭn, amai anŭ re pirabur angān.

EZEKIEL 18:12

Ayŭh nipu daya sirata, ayŭh mirupak, ayŭh dŭh pari kayuh adi daya nggen di ayŭh ndu jamen kayuh adi dog nginjam. Ayŭh di ka bari-sambah adat karŭm, nyambah tibudo adi sipŭ anŭ,

EZEKIEL 22:12

Agi kada so daya mu siŭ daya sabab an dog ngupah. Agi adi sun anak duit so duit adi ngara nginjam di daya adi samah daya Israel ka jadi kaya darŭm ngara ndai simŭnŭ. Ngara mbŭh kambŭt Aku.” TUHAN Raja mbŭh minyu.

EZEKIEL 22:27

Bara pinurung pritah mbŭh keya ka kasong tarun nyirigat dāng dāng adi ngara mbŭh siŭ. Ngara siŭ daya ngga pikaya adŭp-i.

EZEKIEL 22:29

Ngara adi kaya nipu ka mirupak. Ngara kinanyuh daya sirata ka nyibudo daya tami.

EZEKIEL 22:7

Angān daya adi darŭm kupo dŭh stabi di pimas ngan. Angān nipu daya tami ka nyibudo dayung uban ngga anak tumang.

EZEKIEL 34:16

“Aku re jiroh ngara adi manyap, taban pari ngara adi miriseu, marut ngara adi tawan, pibua ngara adi mandam; pak ngara adi gamu buang bake Aku re pirabur, sabab Aku ati pingingat-biri adi ndai kayuh adi batur.

EZEKIEL 39:18

Ngara re man tadang bara soldadu ka nok deya bara pimritah ong, adi re sopŭrŭg dog siŭ mun dari dari biri ngga anak anak biri, kambing bait kah sapi adi gamu.

JOEL 3:3

Ngara taran dadu ngga natu asi re dapu daya-takap. Ngara jua anak-anya dari ngga dayung da jadi urun ngga bayar dayung sundar bait wain.

AMOS 3:1

Daya Israel, dingah pinganang ati adi TUHAN mbŭh piruah pasar angān, ndi bangsa adi-I mbŭh taban ruah so Egypt:

AMOS 3:3

Bisa kah duwŭh naan daya panu samah kambŭi dŭh diŭ bisatur diki re bidapŭd?

AMOS 5:11

Angān mbŭh kinanyuh daya sirata ka sirapas gandom ngara. Ngapŭi angān dŭh re tia rŭŭ di ramin batuh grua adi angān pijog. Angān dŭh re tia nok wain so teya anggor damŭn adi angān purun.

AMOS 6:1

Munki masam sipŭ-i re di angān adi mbŭh udip sanang di Zion ka angān adi kinyam adŭp ngan siramat di Samaria. Angān adi bara pinguru bās bangsa adi bās anŭ, ka yŭn ngan daya mandŭg mite turung!

AMOS 6:6

Angān nok wain ndi makuk ka pakai wangi adi brega, pak angān dŭh muās pinyirabu Israel.

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

PINYIKIANG 21:33

Komŭnŭ daya Israel biruit ka aran nuju Bashan, ka Og adi raja di Bashan matak ngga bara soldadu-i di nyerang ngara di Edrei.

DITRONOMI 24:14

“Dŭhnyah ngakar daya-gaji adi sirata ka adi sutok bagŭ kayuh, bait-i daya Israel puan kah daya pinami adi rŭŭ darŭm ndi so dudu kupo ngan.

DITRONOMI 28:33

Bangsa tami re tambit sopŭrŭg buwa pimuruh ngan adi angān ko bandar bandar nyiraja sita-i, ka adŭp ngan dŭh trima ani ani adŭ-i dog kinanyuh ka dog pijera.