AMOS 2:4 - Hakcipta - Biatah Bidayuh

⁴ TUHAN nang, “Daya Judah mbŭh pari pari bidosa, ka sabab anŭ Aku re sawŭ ngukum ngara. Ngara mbŭh ngamun ajar Ku ka dŭh sita pesan Ku. Ngara mbŭh manyap bada tapa-kadong adi tayung-babuk ngara ko nyambah dawŭ-i.

AMOS 2:4 ပူးပေါင်းရင်းမြစ်များ

2 RAJA 17:19

Pak daya Judah dŭh gŭh tunda ukum ukum-adat TUHAN adi Tapa ngara; ngara nanya adat adi daya Israel mbŭh tunda.

2 KRONIKEL 25:14

Kan Amaziah mari muko ngarah daya Edom, ayŭh taban mari tibudo tibudo ngara, pijog-i, nyambah-i, ka badang kimanyan yŭn-i.

2 KRONIKEL 30:7

Dŭhnyah mun tayung-babuk ka bara dingan ngan adi sama daya Israel adi dŭh tŭtŭd di TUHAN adi Tapa ngara. Nimun adi mbŭh angān kiris, Ayŭh bandar bandar ngukum ngara.

NEHEMIAH 1:7

Kieh mbŭh raru ginaka ngga Kaam ka dŭh ndai kayuh adi Kaam pesan. Kieh mbŭh dŭh sita ukum ukum-adat adi Kaam mbŭh nggen di kieh so Moses, adi urun Mai.

NEHEMIAH 9:26

“Pak daya Mai rawan ka dŭh tŭtŭd di Kaam; ngara nyipunok Ukum-adat Mai. Ngara siŭ nabi nabi adi bakan ngara, adi kidaan di ngara bada pari ka Kaam. Ngara ari ngamun Kaam,

ISAIAH 28:15

Angān ngangŭn adŭp ngan mbŭh ndai simanya ngga pinyikabŭs ka ndai janji ngga ong daya adi mbŭh kabŭs. Angān nang adŭp ngan tatu re dŭh dog nyatŭk pinyusah kan-i mandŭg, sabab angān bisangan di pinganang kadong ngga tipu ngga nyiramat adŭp ngan.

ISAIAH 44:20

Pingandai anŭ mbŭh keya ka man apŭk. Pikir kira-i adi budo mbŭh kinanyap ayŭh ndŭg ka dŭh dapŭd dog turung tia. Ayŭh dŭh re ngaku nang tibudo adi ayŭh digŭng ngga tangan-i anŭ dŭh tapa.

JEREMIAH 16:11

Kidaan di ngara nang TUHAN mbŭh nang, ‘Tayung-babuk ngan bu so Aku ka nyambah ka bituan di tapa tapa bŭkŭn. Ngara tagan Aku ka abah tunda ajar Ku.

JEREMIAH 16:12

Ka angān mbŭh ndai kayuh adi rabis arap so adi mbŭh tayung-babuk ngan ndai. Sopŭrŭg ngan baking buang arap, ka angān abah dingah pinganang Ku.

JEREMIAH 17:27

Pak ngara dŭh siŭn dŭh nundok di Aku ka sita andu Sabbath bada jadi andu adi kudus. Ngara dŭh siŭn kabis tadŭ tadŭ kayuh mŭrŭt ruah tiban tiban-bās Jerusalem di andu anŭ, amai kambŭi ngara ndai simŭnŭ, Aku re badang tiban tiban Jerusalem. Apui re man istana di Jerusalem, ka mating daya re tungang mura-i.”

JEREMIAH 6:19

Dingah, ong! Ndu ukum yŭn sopŭrŭg atur kraja pingandai ngara Aku re nyirubuh bara daya anŭ, sabab ngara mbŭh tirawan ajar Ku ka dŭh tunda pinganang Ku.

JEREMIAH 8:2

Turang turang anŭ re dŭh dog kubur, pak re mingare di tunduh tana mun tamŭh. Turang turang anŭ re mingare yŭn batŭh andu, buran, ka bitang bitang, adi dog rindu ka adi yŭn ngara anŭ bituan, ka adi yŭn ngara bisiken ka nyambah.

JEREMIAH 8:9

Bara daya ngan adi bijak mbŭh dog pimangŭh; ngara mbŭh riruk buang dŭh dapŭd nang ani ani. Ngara tirawan pinganang Ku; ani meh pinyibijak ngara madin?

JEREMIAH 9:14

Ngara baking buang mbŭh nyambah tibudo Baal nimun adi dog ngajar tayung-babuk ngara.

EZEKIEL 13:22

“Ngga pinganang kadong ngan angān pijimŭ atin daya adi kana, adi Aku dŭh an ida ida ngga. Angān ngasu daya arap ndai kraja arap ndŭg ka ngara dŭh dapŭd dog nyiramat.

EZEKIEL 20:13

Pak di tarun tana-pajam anŭ ngara rawan Aku. Ngara miranggar ukum-adat Ku ka tirawan pesan Ku, adi nggen udip di tadŭ daya adi tunda-i. Ngara bandar bandar nyembar andu Sabbath. Aku mbŭh sidia an bada ngara kinyam bisā baji Ku diginŭ di tarun tana-pajam ka pirabur ngara.

EZEKIEL 20:16

Aku ndai janji anŭ sabab ngara tirawan pesan Ku, miranggar ukum-adat Ku, ka nyembar andu Sabbath. Ngara raan dŭ nyambah tibudo ngara.

EZEKIEL 20:18

Aku bakan sinadan ngara adi mara: dŭhnyah sita ukum-adat adi tayung-babuk ngan ndai; dŭhnyah tunda adat ngara bait nyembar adŭp ngan ngga tibudo ngara.

EZEKIEL 20:24

Aku ndai simŭnŭ sabab ngara tirawan pesan Ku, miranggar ukum-adat Ku, nyembar andu Sabbath, ka nyambah tibudo anŭ adi yŭn tayung-babuk ngara bituan.

EZEKIEL 20:30

Ngapŭi kidaan di bara daya Israel kayuh adi Aku, TUHAN Raja, nang: mani angān sah ndai dosa adi tayung-babuk ngan ndai ka di tadak tibudo tibudo ngara?

EZEKIEL 22:28

Bara nabi sukan dosa dosa anŭ keya ka daya sukan kais sindung ngga chat buda. Ngara kiris kayuh keya ka darŭm pŭmŭh pak adi dŭh sawŭ ka nggen pininjau adi dŭh sawŭ. Ngara nang adŭp-i minyu pinganang so TUHAN Raja, pak Aku, adi TUHAN, mating minyu ngga ngara.

EZEKIEL 22:8

Angān dŭh stabi di tarun tarun kudus, ka angān dŭh sita andu Sabbath.

HOSEA 12:2

TUHAN biyŭn kayuh an-I pakai ngga nyarah daya Judah; Ayŭh gŭh re ngukum Israel amai urah-rakah ngara. Ayŭh re maras ngara yŭn kayuh adi ngara mbŭh ndai.

HOSEA 12:3

Jacob adi tayung-babuk ngara muko birawan ngga jurud-i Esau kan ngara gibabŭ darŭm ite sindŭ ngara. Kan Jacob mbŭh baga, ayŭh rawan Tapa.

HOSEA 6:11

“Mun angān, daya Judah, Aku mbŭh miratak jam ngga ngukum angān ani, amai kayuh adi angān mbŭh ndai.

AMOS 1:3

TUHAN nang, “Daya Damascus mbŭh pari pari bidosa, ka sabab anŭ Aku re sawŭ ngukum ngara. Ngara mbŭh gaok ginaka ngga daya Gilead.

AMOS 3:2

“So dupan sopŭrŭg bangsa di ong, angān adŭ adi Aku puan ka sita. Anŭ inŭh adi bada dosa ngan raru sipŭ, ka sabab anŭ inŭh Aku dŭh siŭn dŭh ngukum angān.”

MICAH 6:12

Angān daya adi kaya pirinda daya adi sirata, ka sopŭrŭg ngan pingadong.

HABAKKUK 2:18

Ani guna-i tibudo? Anŭ batur-i kayuh adi manusia ndai, ka kayuh adi angān dapŭd so tibudo kaŭs-i pinganang kadong. Ani utung-i yŭn daya adi ndai tibudo? Tibudo dŭh bisa minyu!

ROME 1:25

Ngara nyambi ajar adi sawŭ pasar Tapa ngga pinyikadong; ngara nyambah ka bituan di kayuh adi Tapa ko napa, dŭh nyambah adŭp Tapa, adi patut dog muji ndŭg situi tui! Amen.

1 THESSALONICA 4:8

Jadi meh, asi asi adi tirawan ajar ati dŭh-i tirawan manusia, pak Tapa, adi nggen di angān Roh Kudus-I.

1 PETER 1:18

Amai angān puan ani adi mbŭh dog bayar ngga pirupas angān so pimudip adi dŭh biguna adi angān trima so tayung-babuk ngan. Dŭh-i kayuh adi bisa dog pirusak, mun mas bait pirak;

AKIM 10:6

Ndi sidah dinge bara daya Israel bidosa rawan TUHAN amai nyambah Baal ngga Astart; ngara nyambah gŭh tapa tapa so Syria, so Sidon, so Moab, so Ammon, ka so Philistia. Ngara mbŭh tagan TUHAN ka mbŭh dŭh tia nyambah Ayŭh.