AMOS 1:8 - Hakcipta - Biatah Bidayuh

⁸ Aku re kadi sopŭrŭg pimritah kupo Ashdod ngga Ashkelon. Aku re ngukum kupo Ekron, ka sopŭrŭg daya Philistine adi dŭm re abo kabŭs.”

AMOS 1:8 ပူးပေါင်းရင်းမြစ်များ

2 KRONIKEL 26:6

Uzziah matak biperang rawan daya Philistine. Ayŭh nyirubuh sindung kuta kupo kupo Gath, Jamnia, ngga Ashdod, ka pijog kupo bikuta sindŭk Ashdod ka di tarun bŭkŭn di tarun tana daya Philistine.

MAZMUR 81:14

Aku taŭn bisa rikas ngarah pinganyu ngara ka ngarah sopŭrŭg adi natang ngara.

ISAIAH 1:25

Aku re ngukum kuu. Aku re pibisig kuu mun daya pibisig basi, ka re taran sopŭrŭg pinyikais mu.

ISAIAH 20:1

So ka pesan Sargon, adi raja-empaya Assyria, pingubak bās bara tibaran soldadu Assyria nyerang Ashdod, adi kupo daya Philistine.

JEREMIAH 47:1

Diŭ so raja Egypt nyerang Gaza, TUHAN minyu ngga aku pasar Philistia.

EZEKIEL 25:16

Ngapŭi meh Aku kidaan nang adŭp Ku re nyerang bara daya Philistine ka pirabur ngara. Aku re pirabur barang naan adi babŭ udip diginŭ di tarun tana rabak Philistine.

JOEL 3:4

“Ani anŭ suba ngan ndai di Aku, Tyre, Sidon, ngga ndi tarun tana Philistia? Angān suba an maras dendam kah? Kambŭi anŭ kayuh raan ngan, Aku bisa rikas bayar angān!

AMOS 1:7

Ngapŭi Aku re pait apui da nyatŭk sindung kuta Gaza ka badang-i.

AMOS 3:9

Kidaan di ngara adi rŭŭ di istana di Egypt ngga di Ashdod: “Tikuruk di sandah sandah maning Samaria ka tingga pito bās ngga barang masam sarah adi dog ndai diginŭ.”

OBADIAH 1:18

Daya Jacob ngga daya Joseph re keya ka apui; ngara re pirabur daya Esau nimun apui man siriyang. Mating sesang Esau re siramat. Aku, adi TUHAN, mbŭh minyu.

ZECHARIAH 13:7

TUHAN Bisa-pŭrŭg nang, “Burah meh, pedang, ka nyerang pingingat-biri adi nyiraja yŭn Ku! Siŭ ayŭh, ka kaban biri-i re mingare. Aku re nyerang daya Ku

ZECHARIAH 9:5

Kupo Ashkelon re kiris kayuh anŭ ka re taru. Kupo Gaza re kiris-i ka re kinyam sangsara bās. Simŭnŭ gŭh re Ekron, ka pingarap-i re asur. Raja di Gaza re dog siŭ, ka Ashkelon re dog tagan.

ZECHARIAH 9:6

Daya bangsa adi bigaur re rŭŭ di Ashdod. TUHAN nang, “Aku re pirapat sopŭrŭg daya Philistine anŭ adi sambuh.

1 SAMUEL 6:17

Bara daya Philistine pait rimŭh panggar suto-gayŭn pirakis mas anŭ ka TUHAN ndu pinganggen ngga nubos dosa ngara, ndi panggar yŭn barang kupo anŭ adi rimŭh: Ashdod, Gaza, Ashkelon, Gath, ngga Ekron.