AMOS 1:3 - Hakcipta - Biatah Bidayuh

³ TUHAN nang, “Daya Damascus mbŭh pari pari bidosa, ka sabab anŭ Aku re sawŭ ngukum ngara. Ngara mbŭh gaok ginaka ngga daya Gilead.

AMOS 1:3 ပူးပေါင်းရင်းမြစ်များ

1 RAJA 19:17

Tadŭ tadŭ daya adi bu taru adŭp-i dog siŭ Hazael re dog siŭ Jehu, ka tadŭ tadŭ daya adi bu taru adŭp-i dog siŭ Jehu re dog siŭ Elisha.

2 RAJA 13:3

Jadi TUHAN baji di Israel, ka Ayŭh tandah Raja Hazael so Syria ngga anak-i Benhadad ari ngarah Israel.

2 RAJA 13:7

Bara soldadu bisinyata Jehoahaz mating tia dŭm, adŭ-i 50 naan adi bara soldadu pinunggang kuda, simŭng krita kuda, ka 10,000 soldadu adi panu kaja, sabab raja Syria mbŭh siŭ adi bŭkŭn, adi-i digang ka pirandŭk mun dabu tana.

2 RAJA 16:9

Tiglath Pileser, nam pimite Ahaz, matak ngga bara soldadu-i di nyerang Damascus, sirabut-i, siŭ Raja Rezin, ka taban bara daya ka Kir jadi daya-takap.

2 RAJA 8:12

“Mani kaam sien, tuan?” Hazael siken. “Sabab aku puan kayuh adi raru sipŭ adi kuu re ndai di tunduh daya Israel,” Elisha nam. “Kuu re sigot kuta kuta ngara, siŭ bara anak dari ngara adi piaŭn, mukong anak-anya ngara ndŭg kabŭs, ka nyeja tain dayung ngara adi bite.”

JOB 19:3

Pari pari angān pimangŭh aku buang dŭh puan mangŭh angān nyarah aku.

JOB 5:19

Ayŭh taŭn mbŭh sidia an grindung kuu so dog pinyusah;

PITAS 6:16

Agi ju masam kayuh adi TUHAN tiru ka dŭh an tandah: udip gambung, baba adi kadong, tangan adi an siŭ daya adi dŭh sarah, pikir adi mirasang pingandai ginaka, kaja adi rikas ndai kayuh arap, Saksi adi ari nggen taksi kadong, daya adi ndai kaii di dupan jerā.

EKLISIASTIS 11:2

Nyikŭn duit mu di bagŭ yŭn, amai kuu dŭh puan ani nasip arap adi re nyatŭk kuu sundis andu di ong ati.

ISAIAH 28:27

Ayŭh bŭn pakai pukong adi bat ngga pŭh ruwang adar manis ngga ruwang jintan. Ayŭh pakai anak kayuh adi jangan ka adi sadang mati-i.

ISAIAH 41:15

Aku re bada angān jadi keya ka papan adi yŭn ngiik, agi jipŭh-i adi bauh ka reja. Angān re ngiik darŭd ka pirubuh-i; sandah re asur jadi dabu.

ISAIAH 7:16

Pak diŭ so tipuh anŭ mandŭg, tarun tana duwŭh naan raja anŭ adi pitaru kuu re jadi tarun pajam.

ISAIAH 7:8

Mani? Sabab Syria dŭh bake dŭ so Damascus adi sindŭ kupo-i, ka Damascus dŭh bake dŭ so Raja Rezin. Jeja ka Israel, darŭm nŭm puru rimŭh sawa adi re, ayŭh re rubuh ndŭg ka dŭh dapŭd pari jadi ndi bangsa.

ISAIAH 8:4

Diŭ so anak anŭ mbŭh pandai nang ‘Sindŭ’ ka ‘Sama’, sopŭrŭg pinyikaya Damascus ngga sopŭrŭg kayuh sirapas Samaria re dog taban Raja Assyria ngga bu.”

AMOS 1:11

TUHAN nang, “Daya Edom mbŭh pari pari bidosa, ka sabab anŭ Aku re sawŭ ngukum ngara. Dŭh ngga masi, ngara siŭ madis madis adŭp ngara, adi daya Israel. Baji ngara dŭh tigŭngŭng, ka ngara dŭh re an ko baji.

AMOS 1:13

TUHAN nang, “Daya Ammon mbŭh pari pari bidosa, ka sabab anŭ Aku re sawŭ ngukum ngara. Darŭm perang ngara adi ngga tambit tambah tarun tana, ngara mbŭh nyeja tain dayung dayung adi bite di Gilead.

AMOS 1:6

Ka TUHAN nang, “Daya Gaza mbŭh pari pari bidosa, ka sabab anŭ Aku re sawŭ ngukum ngara. Ngara taban ngga bu sopŭrŭg daya so ndi bangsa ka jua ngara jadi urun ka daya Edom.

AMOS 1:9

TUHAN nang, “Daya Tyre mbŭh pari pari bidosa, ka sabab anŭ Aku re sawŭ ngukum ngara. Ngara taban ngga bu sopŭrŭg daya so ndi bangsa jadi daya adi dog taran di tarun tana Edom, ka dŭh sita pekat-damai adi ngara mbŭh ndai.

AMOS 2:1

TUHAN nang, “Daya Moab mbŭh pari pari bidosa, ka sabab anŭ Aku re sawŭ ngukum ngara. Ngara dŭh stabi di turang raja so Edom; ngara badang turang-i ndŭg ka jadi apŭk.

AMOS 2:4

TUHAN nang, “Daya Judah mbŭh pari pari bidosa, ka sabab anŭ Aku re sawŭ ngukum ngara. Ngara mbŭh ngamun ajar Ku ka dŭh sita pesan Ku. Ngara mbŭh manyap bada tapa-kadong adi tayung-babuk ngara ko nyambah dawŭ-i.

AMOS 2:6

TUHAN nang, “Daya Israel mbŭh pari pari bidosa, ka sabab anŭ Aku re sawŭ ngukum ngara. Ngara jua bada jadi urun daya adi jujur adi dŭh tungang bayar utang ngara, ka daya sirata adi dŭh tungang bayar ndŭg ka ndi pasang kasut.

ZECHARIAH 9:1

Ati inŭh pinganang TUHAN: Ayŭh mbŭh miratak ukum yŭn rais Hadrach ka yŭn kupo Damascus. Dŭh-i tibaran tibaran-asar Israel adŭ, pak sindŭ kupo Syria gŭh tung TUHAN.

ZECHARIAH 9:2

Hamath, adi bibaat ngga Hadrach, tung TUHAN gŭh, ka simŭnŭ gŭh kupo Tyre ngga kupo Sidon, ngga sopŭrŭg pimandai-i.