AMOS 1:2 - Hakcipta - Biatah Bidayuh

² Amos nang, “TUHAN ngŭr so Sandah Zion; sirŭŭn-I bidudū so Jerusalem. Tarun tana kupai badŭh pisŭk, ka kupai di Darŭd Carmel marui pisŭk.”

AMOS 1:2 ပူးပေါင်းရင်းမြစ်များ

MAZMUR 29:4

Sirŭŭn TUHAN dog dingah puno ngga kuasa ngga bragah.

MAZMUR 46:6

Bangsa bangsa mbŭh taru, pritah mbŭh bigugoh; Tapa bidudū, ka ong re riris.

PITAS 20:2

Taru raja adi baji mun kuu taru singah adi ngŭr; bada ayŭh baji inŭh bada adŭp mu dog siŭ.

ISAIAH 33:9

Tarun tana dŭh dog sita ka mating daya dieh. Tuān Lebanon mbŭh rayu, rubān Sharon adi damŭn mbŭh mun tarun tana-pajam, ka di Bashan ngga di Darŭd Carmel dawŭn dawŭn kayuh mbŭh ruruh so tŭngŭn-i.

ISAIAH 35:2

Tarun tana-pajam re biragu ka nyirais amai gaŭn; ayŭh re sangŭn mun Darŭd Lebanon ka damŭn mun tana ŭmŭh di Carmel ngga Sharon. Barang naan re kiris sangŭn TUHAN, kiris bās ngga kuasa-I.

ISAIAH 42:13

TUHAN matak di biperang mun pimagan; Ayŭh mbŭh sidia ka graŭh yŭn biperang. Ayŭh ngāb sirais biperang; Ayŭh kiren kuasa-I rawan pinganyu-I.

JEREMIAH 12:4

Ndŭg sinde tarun tana ami badŭh, ka kupai di barang tarun tana barŭm rayu? Dāng ngga manuk kabŭs sabab pingandai ginaka daya ami, daya adi nang, ‘Tapa dŭh kiris pingandai ta.’ ”

JEREMIAH 14:2

“Judah inŭh ngurid; kupo kupo-i sindŭk re kabŭs, bara daya-i guring di tana buang susah, ka Jerusalem bagan mite turung.

JEREMIAH 25:30

“Kuu, Jeremiah, dŭh siŭn dŭh piagah sopŭrŭg kayuh adi Aku mbŭh nang. Kuu dŭh siŭn dŭh kidaan di ngara nang, ‘TUHAN re ngŭr so shorga ka bidudū so rangit adi siabo bigatung. Ayŭh re ngŭr bara daya-I; Ayŭh re nyirais keya ka daya ngindik-mŭ buwa anggor. Barang naan daya di ong re dingah Ayŭh,

JEREMIAH 28:8

Bara nabi muko minyu jah, diŭ so jaman ku ngga jaman mu, ninjau nang perang, udip sikirau, ka andam re mandŭg ka bagŭ bangsa ngga pritah adi bikuasa.

JEREMIAH 50:19

Aku re pari daya Israel ka tarun tana adŭp ngara. Ngara re man pinguman adi timbu di Darŭd Carmel ka di utung tarun tana Bashan, ka ngara re man sopŭrŭg buwa pimuruh adi timbu di tarun tana Ephraim ngga Gilead.

HOSEA 11:10

“Daya Ku re tunda Aku kan Aku ngŭr pinganyu ngara mun singah. Ngara re rikas tudu Aku so tura ka barat.

HOSEA 13:8

Aku re nyerang angān mun buāng adi manyap anak-i, ka Aku re nyiratak nyirigat pŭrŭng ngan. Mun singah Aku re man angān diginŭ ka nyiratak nyirigat angān mun dāng tarun.

JOEL 1:19

Aku bagan mite turung so TUHAN, sabab kupai ngga tŭngŭn tŭngŭn kayuh mbŭh rayu, mun adi ko dog man apui.

JOEL 2:11

TUHAN nyirais nggen ukum di bara soldadu-I. Tibaran soldadu adi tunda pinganang-I inŭh bagŭ buang bake. Munki masam sipŭ-i andu TUHAN! Mating daya re tan.

JOEL 3:16

TUHAN ngŭr so Sandah Zion; sirŭŭn-I sak dudū so Jerusalem; ong ngga rangit bigagar. Pak Ayŭh re grindung daya-I.

AMOS 9:3

Kambŭi ngara bisukan di tibung Darŭd Carmel, Aku re jiroh ngara ka nakap ngara. Kambŭi ngara bisukan so Aku di rasan rawŭt, Aku re mritah dāng-bās-rawŭt anŭ bada kuut ngara.

NAHUM 1:4

Ayŭh mritah rawŭt, ka-i makat! Ayŭh bada sungi badŭh. Tarun tana Bashan pisŭk, Darŭd Carmel marui sia, ka bunga bunga Lebanon rayu.

1 SAMUEL 25:2

Agi ndi naan daya so manak Caleb dŭn Nabal, so kupo Maon, ka adi dapu ndi engan tana sindŭk kupo Carmel. Ayŭh daya kaya, biyŭn taruh ribu biri ka siribu kambing. Sawŭn-i Abigail ramus buang pitar, pak Nabal daya adi gŭtŭh. Nabal gumbak buruh biri-i di Carmel,