AKIM 7:2 - Hakcipta - Biatah Bidayuh

² TUHAN nang di Gideon, “Bara dari adi ayō mu mbŭh raru bagŭ re Ku yŭn nggen pimanang ngarah daya Midian. Ngara re pikir ngara manang so pinyibake adŭp ngara, ka dŭh re nyibragah Aku.

AKIM 7:2 ပူးပေါင်းရင်းမြစ်များ

TIBIRIK 46:2

Tapa minyu ngga ayŭh singarŭm keya ka darŭm pŭmŭh ka bagan, “Jacob Jacob!” “Ta aku digiti,” ayŭh nam.

2 KRONIKEL 14:11

Asa bidua ka TUHAN adi Tapa-i, “O TUHAN, Kaam dapŭd turung bara tibaran soldadu adi ramah ngarah anŭ adi rabis bake. Turung kieh madin, O TUHAN Tapa ami, sabab kieh bisangan di Kaam, ka ngga adŭn Mai kieh mbŭh ruah di rawan soldadu ati adi raru bagŭ. TUHAN, Kaam inŭh Tapa; mating daya re birani nang adŭp-i an ngarah Kaam.”

ISAIAH 10:13

Darŭm gambung-i raja-empaya Assyria nang, “Aku mbŭh ndai sopŭrŭg-i sadi adŭp ku. Aku bake, bijak ka pandai. Aku taran baat tana rais bangsa bangsa ka sirapas pinyirikŭn-rata ngara. Mun dari sapi aku bidigang di daya adi rŭŭ diginŭ.

ISAIAH 2:11

Andu-i re mandŭg adi ngga uap-sambuh manusia re mungan ka udip mirawa manusia dog pirabur. Komŭnŭ TUHAN sadi adi re dog katuh.

ISAIAH 2:17

Uap-sambuh manusia re mungan, ka udip mirawa manusia re dog pirabur. Tibudo re rarap, ka TUHAN sadi adi re dog katuh di andu anŭ.

JEREMIAH 9:23

TUHAN nang, “Daya adi bijak dŭh patut mingangŭn pasar pinyibijak ngara, simŭnŭ gŭh daya adi bake pasar pinyibake ngara, simŭnŭ gŭh daya adi kaya pasar pinyikaya ngara.

EZEKIEL 28:17

Kuu mingangŭn di pinyiramus mu, ka kuu mun daya budo darŭm kuu timagah. Sabab anŭ Aku re taran kuu ka tana ka tandah kuu jadi pinyibakan yŭn raja raja adi bŭkŭn.

EZEKIEL 28:2

“Manusia,” Ayŭh nang, “kidaan di pimritah Tyre kayuh adi Aku, TUHAN Raja, nang di ayŭh: kuu miruap buang nang adŭp mu tapa. Kuu nang adŭp mu mun tapa guru di takta di yun rawŭt. Kuu bada adŭp mu mun tapa, pak sibatur-i kuu manusia saja, dŭh tapa.

DANIEL 4:30

ayŭh nang, “Tingga munki masam bās-i Babylon! Aku pijog-i ndu sindŭ kupo ngga kiren kuasa ka pinyibake ku, ngga kiren bragah ka sangŭn ku.”

HABAKKUK 1:16

Ngara nyambah jaring ani ka jugan sadis ka jaring anŭ, sabab jaring ngara mbŭh nggen di ngara sopŭrŭg kayuh adi siabo kana.

ZECHARIAH 12:7

“Aku, adi TUHAN, re nggen pimanang di bara tibaran soldadu Judah diŭ, isa bragah adi sesang David ngga daya Jerusalem re trima dŭh bās dŭ so anŭ adi daya Judah adi bŭkŭn trima.

ZECHARIAH 4:6

Malaikat anŭ bada aku nggen di Zerubbabel pinganang ati so TUHAN: “Kuu re mujur di pingandai mu, dŭh so ka pinyibake soldadu bait so ka pinyibake adŭp mu, pak so ka Roh Ku.

PINYIKIANG 31:4

So barang tibaran-asar Israel pait siribu naan dari bada biperang.”

ROME 11:18

Ngapŭi meh, angān dŭh siŭn ngamun ngara adi ko dog kadi keya ka daan. Simuki angān re mingangŭn? Angān batur-i daan; angān dŭh digŭng uat; uat inŭh adi digŭng angān.

ROME 3:27

Ani meh garang bisa ta yŭn mingangŭn? Mating! Ka ani meh sitagar-i? Agi kah-i sabab ata sita Ukum-adat? Dŭh, pak sabab ata sabah.

2 CORINTH 4:7

Pak kieh adi biyŭn rata roh ati agi keya ka tipayan biasa, siŭn-i kiren kuasa adi siabo bās taŭn mbŭh tung Tapa, dŭh tung jami.

DITRONOMI 32:27

Pak Aku dŭh bisa bada pinganyu ngara mingangŭn ka nang adŭp ngara mbŭh ngarah daya Ku, amai pŭn ka adŭp Ku inŭh adi pirabur ngara.’

DITRONOMI 8:17

Ngapŭi meh, angān dŭh siŭn pikir adŭp ngan mbŭh jadi kaya so ka kuasa ngga pinyibake adŭp ngan.

DITRONOMI 8:18

Ingat nŭh meh TUHAN adi Tapa ngan adi nggen kuasa di angān bada angān jadi kaya. Ayŭh ndai simŭnŭ amai Ayŭh gibabŭ tŭtŭd andu ati di simanya adi Ayŭh mbŭh ndai ngga bara tayung-babuk ngan.

JAMES 4:6

Pak pinyirasi-mandis adi Tapa nggen agi rabis bās. Sak adi nang Surat-kudus, “Tapa dŭh raan daya adi sambuh, pak nggen pinyirasi-mandis di ngara adi pirapat adŭp-i.”

1 SAMUEL 14:6

Jonathan nang di bujang dari anŭ, “Ja ata di ka bari daya Philistine, daya adi dŭh puan Tapa. Kadŭ TUHAN re turung ata; kambŭi Ayŭh turung, Ayŭh re nggen di ata pimanang, nisŭ bait kani bara ta.”