2 TIMOTHY 3:2 - Hakcipta - Biatah Bidayuh

² Daya re sibut, tama, sambuh, gambung; ngara re ginaka, dŭh dingah pinganang sindŭ sama, dŭh biyŭn atin trima kaseh, ka dŭh raan puan Tapa;

2 TIMOTHY 3:2 ပူးပေါင်းရင်းမြစ်များ

MAZMUR 10:3

Daya ginaka mingangŭn di pinyiraan arap ngara; daya adi raka mangu ka tirawan TUHAN.

MAZMUR 49:6

ka ngara adi sabah di pinyikaya ngara ka mingangŭn di buat-rata bās ngara.

MAZMUR 52:1

Mani kuu mingangŭn, kuu adi bās, di arap mu? Pinyitŭtŭd Tapa inŭh tan adu adu.

ISAIAH 10:15

Pak TUHAN nang, “Bisa kah kapak nang adŭp-i bās dŭ so daya adi pakai-i? Agi kah grigaji biguna dŭ so daya adi pakai-i ngga gŭrot kayuh? Pukong dŭh pakat daya; daya pakat pukong.”

DANIEL 11:36

“Raja Syria re ndai nanyam suka asŭng-i. Ayŭh re mingangŭn adŭp-i bās dŭ so tadŭ tadŭ tapa, bigatung dŭ so Tapa adi Siabo Bigatung. Ayŭh re tungang ndai simŭnŭ ndŭg ka andu adi ngga Tapa ngukum ayŭh. Tapa re ndai nimun adi mbŭh-I ngatur.

DANIEL 7:25

Ayŭh re minyu rawan Tapa adi Siabo Bigatung ka kinanyuh daya Tapa. Ayŭh re suba ngubah ukum-adat darŭm adat ngga gawai ngara, ka daya Tapa re di ribo kuasa-i sitŭkŭd taruh ngga sitangah sawa.

MATTHEW 15:6

ka daya anŭ dŭhsah stabi di sama-i. Simŭnŭ inŭh angān dŭh piduri pinyipesan Tapa, ramŭn an tunda ajar adŭp ngan.

LUKE 12:15

Ka-I pijuu nang di sopŭrŭg ngara, “Jaga meh ka kingat adŭp ngan so barang masam pinyiripong; sabab udip ngan adi sawŭ dŭh-i so ka buat-rata adi angān biyŭn, kaya bait kani angān.”

LUKE 16:14

Kan daya Pharisee dingah sopŭrŭg kayuh anŭ, ngara napat Jesus, sabab ngara awang duit.

LUKE 6:35

Dŭh-i simŭnŭ! Rindu pinganyu ngan ka ndai kana di ngara; nginjam buang dŭhsah kira gati. Simŭnŭ, angān re biyŭn upah bās, buang re jadi anak Tapa adi Sambu Sopŭrŭg. Amai Ayŭh kana ngga daya adi dŭh rada budi, samŭn ngara adi ginaka.

PINGANDAI 5:36

Angān ingat Theudas, adi ko dawŭ-i timbur ka nang adŭp-i daya bās, ka agi pat ratus naan daya tunda ayŭh. Pak ayŭh dog siŭ, ka sopŭrŭg bara pinunda-i mbŭh pambar ka mbŭh mating tia.

ROME 11:18

Ngapŭi meh, angān dŭh siŭn ngamun ngara adi ko dog kadi keya ka daan. Simuki angān re mingangŭn? Angān batur-i daan; angān dŭh digŭng uat; uat inŭh adi digŭng angān.

2 CORINTH 5:15

Ayŭh kabŭs yŭn sopŭrŭg, isa ngara adi udip dŭh tia udip yŭn adŭp ngara, pak yŭn Ayŭh adŭ adi kabŭs ka dog pakat udip bauh sitagar ngara.

PHILIPPI 2:21

Sopŭrŭg daya bŭkŭn kaŭs-i ndai pinyiraan adŭp-i adŭ; dŭh ngara an ndai kayuh adi mbit bat di adŭn Jesus Kristus.

COLOSSAE 3:5

Angān patut siŭ pinyiraan ong adi nguasa angān, mun pingandai kais, pimudip adi dŭh tatu, pinyiripong ngga pinyiraan adi sarah, ka tama (amai tama inŭh nyambah tibudo).

2 THESSALONICA 2:4

Ayŭh re rawan sopŭrŭg anŭ adi daya kadŭn tapa. Ayŭh re bada adŭp-i bikuasa dŭ so sopŭrŭg anŭ adi manusia nyambah. Rabis so anŭ, Ayŭh re mŭrŭt ka guru darŭm Ramin Tapa, ka kadŭn adŭp-i Tapa.

1 TIMOTHY 1:20

Hymenaeus ngga Alexander inŭh duwŭh naan so ngara adi mun anŭ, adi aku ko nggen ka darŭm kuasa Shetan siŭn ngara birajar ka dŭh tia ngujat rawan Tapa.

1 TIMOTHY 1:9

Patut dog ingat, ukum ukum-adat dog ndai, dŭh-i yŭn daya adi kana, pak yŭn daya adi miranggar ukum-adat ngga daya adi arap, yŭn daya adi dŭh stabi di Tapa ngga adi bidosa, yŭn daya adi dŭh biyŭn adat ngga adi udip puno ngga tibiat ong, yŭn bara pinyiŭ adi siŭ ndŭg ka sindŭ sama adŭp-i,

1 TIMOTHY 3:3

ayŭh dŭh siŭn daya adi pimabuk puan kah daya adi mangah, pak duduh buang dŭh pinyikaii; ayŭh dŭh siŭn gira duit;

1 TIMOTHY 6:10

Amai pinyiawang duit pijadi bagŭ masam arap. Agi daya adi mbŭh gruwŭn an biyŭn-i ndŭg ka mbŭh miriseu so pinyabah ngara ka mbŭh pijadi bagŭ masam andam di adŭp-i.

1 TIMOTHY 6:4

daya anŭ mbŭh bakak ngga atin gambung buang dŭh puan tarun. Ayŭh mbŭh raru suka bikarit ka bikaii pasar bang piminyu; anŭ pijadi atin sina, dendam, bakit, pise adi arap,

2 TIMOTHY 3:4

Ngara gagā muker, bŭn nakit bipikir sibayuh ndai kayuh, rawā. Ngara re awang pinyirami ong so-i rindu di Tapa;

JAMES 2:8

Angān ndai pingandai kana kambŭi angān sita ukum-adat pinyipritah Tapa adi dog nuris darŭm Surat-kudus, “Rindu dingan ngan nimun angān rindu adŭp ngan.”

JAMES 4:16

Pak madin angān gambung, ka minyu sambuh; sopŭrŭg piminyu sambuh taŭn-i sarah.

JAMES 4:6

Pak pinyirasi-mandis adi Tapa nggen agi rabis bās. Sak adi nang Surat-kudus, “Tapa dŭh raan daya adi sambuh, pak nggen pinyirasi-mandis di ngara adi pirapat adŭp-i.”

1 PETER 5:5

Simŭnŭ gŭh angān daya adi babŭ mara, dŭh siŭn dŭh an nundok di daya adi tuuh. Ka sopŭrŭg ngan dŭh siŭn dŭh an taban atin tŭkŭn yŭn turung dingan ngan; amai Surat-kudus nang, “Tapa abah di daya adi sambuh, pak turung daya adi pirapat adŭp-i.”

2 PETER 2:10

rabis-i ngara adi nurut pinyiripong pŭrŭng adi sembar ka ngamun kuasa Tapa. Bara gurū kadong ati pagan buang gambung. Ngara dŭh biyŭn atin stabi di bara adi bragah di sambu; ngamun kidŭ-i ngara.

2 PETER 2:12

Pak bara gurū kadong anŭ adi ndai kayuh nunda ka asŭng-i, mbŭh mun dāng mangah dog biranak yŭn dog nakap ka dog siŭ. Ngara matah buang ngamun tadŭ kayuh adi ngara dŭh mirati. Ngara re dog pirabur mun dāng tarun,

2 PETER 2:18

Ngara piruah piminyu sambuh ka sipadin, ka pakai pinyiripong pŭrŭng ngga kudog daya adi aŭn suba an pirupas adŭp-i so bara daya adi udip darŭm sarah.

2 PETER 2:3

Ngga atin tama, bara gurū kadong ati jiroh bagŭ utung so dundan adi ngara nimbur da angān dingah. Mbŭh tui ukum mbŭh dog sidia yŭn ngara, ka pinyirusag adi dog natu yŭn ngara mbŭh kajŭn ngara!

JUDE 1:16

Ngara anŭ siraru mingungut buang nyarah daya; ngara tunda pinyiripong adŭp-i adi arap, muji adŭp-i ka nganju daya bŭkŭn yŭn dapŭd utung.

PINANDŬNG 13:1

Komŭnŭ aku kiris ndi dāng ruah so rawŭt. Dāng anŭ biyŭn simŭng tanduk-i ka ju ubak; di tiap tanduk-i agi makota, ka di tiap ubak-i agi dŭn adi nggen mangŭh di Tapa.

PINANDŬNG 16:11

buang mangu Tapa shorga amai sangsara ka amai gadag ngara. Pak ngara dŭh an taran pingandai arap ngara.

PINANDŬNG 16:21

Ujen batuh adi bangat rabu so rangit nyatŭk daya. Barang batuh anŭ agi rimŭh puru kilogram bat-i. Daya mangu Tapa amai dog susah ujen batuh anŭ, adi mbŭh raru bisā-i.

PINANDŬNG 16:9

Ngara dog badang ngga sura bisā, ka ngara mangu adŭn Tapa, adi biyŭn kuasa di tunduh susah-bās anŭ. Pak ngara dŭh an marik pimudip ngara pari ka Tapa, ka muji Ayŭh.