2 TIMOTHY 1:3 - Hakcipta - Biatah Bidayuh

³ Aku nggen trima kaseh di Tapa, di yŭn ku bituan ngga pikir-kira atin ku adi bisig, nimun tayung-babuk ku jah. Aku nggen trima kaseh di Ayŭh darŭm ku siraru ingat kuu darŭm dua ku sandu ngga singarŭm.

2 TIMOTHY 1:3 ပူးပေါင်းရင်းမြစ်များ

PINGANDAI 22:3

“Aku ati daya Jahudi, dog biranak di Tarsus darŭm tarun tana Cilicia, pak sikura digiti di Jerusalem di ribo Gamaliel; dog nakit ngajar pasar ukum-adat tayung-babuk ta, ka mbŭh bana bituan di Tapa mun adŭp ngan adi agi digiti andu ati.

PINGANDAI 23:1

Paul, buang-i tirek bara daya Kunsil, ayŭh nang, “Bara dingan ku daya Israel! Ndŭg andu ati, gibabŭ bisig pikir-kira atin ku pasar munki pimudip ku di sirung jawin Tapa.”

PINGANDAI 24:14

Ati, aku ngaku di sirung jawin mai: Aku nyambah Tapa tayung-babuk ami tunda Aran adi ngara nang sarah. Pak aku sabah di sopŭrŭg kayuh adi dog nuris darŭm Ukum-adat Moses samŭn di surat surat bara nabi.

PINGANDAI 24:16

Jadi meh situngang tungang aku ngatur pimudip ku isa pikir-kira atin ku bisig di jawin Tapa ngga manusia.

PINGANDAI 26:4

“Sopŭrŭg daya Jahudi puan pimudip ku so aku gi-sŭ. Ngara puan munki pimudip ku so sibungas-i di rais adŭp ku, ka komŭnŭ di Jerusalem.

PINGANDAI 27:23

Amai singumi malaikat Tapa ku adi aku nyambah agi mandŭg ka aku.

ROME 9:1

Aku minyu kayuh adi sawŭ; aku mbŭh tung Kristus ka aku dŭh kadong. Pikir-kira atin ku, adi dog nguasa Roh Kudus, gŭh kiren nang aku dŭh kadong

2 CORINTH 1:12

Kieh ngangŭn pikir-kira atin ami mbŭh kiren nang pimudip ami di ong ati, ka rabis-i gaya pimudip ami ngga angān, mbŭh dog nguasa atin adi dŭh an miman kayuh ngga atin bisig so Tapa buang ngga atin tŭnggŭn, so ka kuasa pinyirasi-mandis Tapa ka dŭh so ka pinyibijak manusia.

GALATIA 1:14

Aku agi rabis dŭ so daya Jahudi adi tuba takar adŭp ku darŭm pinyita Ukum-adat Jahudi, ka mbŭh tŭtŭd dŭ di adat tayung-babuk ta.

EPHESUS 1:16

aku dŭh rŭŭ nggen trima kaseh di Tapa yŭn ngan. Aku ingat angān darŭm simayang

1 THESSALONICA 3:10

Sandu singarŭm, ngga siabo atin ami, kieh mite Ayŭh bada kieh bidapŭd ngga angān ka nggen di angān ani adi angān biguna yŭn pinyabah ngan.

1 TIMOTHY 1:19

ka bidigŭng di pinyabah ngga pikir-kira atin mu adi bisig. Agi daya adi bŭn nyiringa ka tunda pikir-kira atin-i adi bisig ka mbŭh pirusak pinyabah-i.

1 TIMOTHY 1:5

Pinŭtŭn pritah ati inŭh ngga kies pinyirindu adi mandŭg so atin bisig, pikir-kira atin adi bisig, ka pinyabah adi sawŭ batur.

1 TIMOTHY 5:5

Dayung uban adi mbŭh rŭŭ sadi, dŭh biyŭn daya adi tukang jaga ayŭh, mbŭh na pingarap-i di Tapa buang adu adu simayang mite turung so Ayŭh sandu singarŭm.

2 TIMOTHY 1:5

Aku ingat pinyabah mu adi so atin tŭnggŭn mu, pinyabah adi mun tung simbuk mu Lois ka adi mun tung sindŭ mu Eunice. Aku taŭn manŭn puan kuu biyŭn pinyabah adi mun tung ngara.

2 TIMOTHY 3:15

ka kuu ingat so mu gi-sŭ kuu mbŭh puan Surat-kudus, adi bisa nggen di kuu pinyibijak adi ngga kuu dapŭd pinyiramat so ka pinyabah di Kristus Jesus.

HEBREW 13:8

Jesus Kristus inŭh babŭ mijah, andu ati, ka adu adu.

1 SAMUEL 12:23

Ka aku ati, bidosa rawan TUHAN inŭh aku kambŭi aku dŭh bidua yŭn ngan. Aku re ngajar angān ndai kayuh adi kana ngga adi batur.